LÍN blóðmjólkar aumingjana

Ég er alls óhræddur við segja fólki opinskátt af högum mínum, þótt að þessu bloggi mínu sé ekki ætlað að vera upplýsing um það sem ég er að hræra í pottinum eða hvað kemur í koppinn þegar ég stíg fram úr fletinu snemma morguns.

Nú ætla ég að gera smá undanþágu og hafa þetta ég - um mig - frá mér  - til mín blogg, í stað þess að vera macho-karl sem ber erfið örlög sín mannalega en brotnar að lokum undan því eins og lítil stúlka.

Í júní á síðasta árið missti ég atvinnuleysisbætur í Danmörku. Ég hafi í lengri tíma, on and off, verið atvinnulaus áður en það gerðist, en getað fengið ágætar atvinnuleysisbætur. Síðan ég missti bæturnar, hef ég ekki haft neinar tekjur. 0 kr. Ekkert! Ég get heldur ekki fengið neina styrki frá bæjarfélagi mínu, þar sem tekjur konu minnar sem er yfir ákveðnu marki, valda því að ég verð að lifa á hennar tekjum.

Ég er eins og "bara heimavinnandi" konurnar í gamla daga, sem "sátu" heima og urðu að sætta sig við að kerlingardræsur á vinstrivængnum kölluðu þær eldhúsmellur. Ég er hins mjög vegar stolt "eldhúsmella" og stéttvís. Því áður en konurnar fóru út atvinnumarkaðinn voru fyrirvinnunnar oftast með hærri laun en einn maki / fyrirvinna hefur í dag. Svo hart er nú í koti mínu - og margra annarra. Um 20.000 manns eru í sömu sporum og ég í velferðarparadísinni Danmörku.

Ég tók á sínum tíma gríðarleg námslán og hef eins og margir mikla námslánaskuld, sem ekki minnkar, eða hverfur eins og kúlulán krimmanna. Reglur LÍN gera ráð fyrir því að menn get sótt um undanþágu frá afborgunum. Ég sótti um daginn um slíka undanþágu eftir að ég var búinn að útvega fjögur mismunandi gögn sem staðfestu atvinnuleysi mitt, skattamál og þar að auki tekjumissinn af völdum atvinnuleysis og stöðvunar atvinnuleysisbóta. Ég fór eftir þessari leiðbeiningu sem mér barst frá starfsmanni LÍN: "Ef sótt er um vegna atvinnuleysi og ekki hægt að senda staðfestingu á atvinnuleysi erlendis frá þá er að senda staðfestingu um að þú sért á skrá en eigir ekki rétt á greiðslum, eða staðfestingu frá ráðningaskrifstofu og þá tímabil skráningar, eða umsóknir um störf ef sótt er um í gegnum netið þá senda afrit af því. Sendu einnig staðfestingu frá kontanthjælp um að þú eigir ekki rétt á greiðslum frá þeim og þá tímabil."

Ég hef uppfyllt þessa ósk um upplýsingar um atvinnuleysi, en LÍN telur enn að ég hafi tekjur þótt það komi hvergi fram á því sem ég sendi þeim af gögnum frá opinberum stofnunum og skattayfirvöldum. Ekki er laust við að LÍN gefi í skyn að atvinnuleysi mitt sé mér sjálfum að kenna. 

 

Námslánskuldarar í vanda eru rúnir meðan fjárglæfrafólki er verðlaunað

En þetta er auðvitað íslenska kerfið, þar sem kúlulánakrimmarnir sleppa við endurgreiðslur, meðan atvinnulausir menn og algjörlega tekjulausir sem ekki hafa rænt banka eru rúnir, þegar aldur, of mikil menntum (já, þið lesið rétt) og almennt atvinnuleysi, sem er þjóðhagslegt vandamál í löndum Evrópu ESB (Danmörku), veldur atvinnuleysi sumra þeirra. Vonandi er LÍN ekki að halda því fram að ég sé sjálfur valdur að að atvinnuleysi mínu og fjárhagsörðugleikum?

Mig gruna að sumt fólk á Íslandi haldi að atvinnuleysi sé meira böl á Íslandi en annars staðar í nágrannalöndunum og heldur að maður fái bara starf ef maður sæki um. Þannig er ástandið ekki einu sinni í gósenlandinu Noregi, þar sem ég sótti nýlega um stöðu.

Ég er búinn að setja mál mitt undir úrskurð stjórnar LÍN og vona að menn þar sjái, að ástandið á Íslandi er kannski betra en víða annars staðar.

LÍN ætlar þó varla að fara að þurrmjólka "ofmenntaðan" og gamlan aumingja eins og mig, meðan sleipir kúlánakrimmar sleppa við borga af lánum sínum. Hver veit? Innheimtufyrirtæki LÍN hefur líka sérhæft sig í að bjarga kúlulánakrimmum.

Oh elskurnar mínar, klukkan orðin svona margt. Nú er best að fara að undirbúa kvöldmatinn, og ég þarf líka að hengja upp tau, sem sat á hakanum meðan ég deildi þessum öngum mínum með ykkur.

Lanny Breuer og faðir hans Robert

Þeir sem eitthvað hafa fylgst hafa með baráttu bandarískra stjórnvalda við að sækja til saka þá sem ollu hruninu í bandaríska bankakerfinu og á Wall Street, þekkja líklega þennan þreytulega mann á myndinni hér að ofan. Þetta er hann "sérstakur" þeirra Bandaríkjamanna, þ.e. íslenskur starfsbróðir snillingsins Ólafs Þórs Haukssonar.

Maðurinn á myndinni heitir Lanny A. Breuer, sérlegur saksóknari í hvítflibbamálum, sem oft hefur verið sakaður um að gera ekki nóg líkt og menn ásaka Ólaf Þór. Þannig að skilja, að fólk í BNA vill oft sjá höfuð fjúka eða menn í 2000 ára fangelsi, þó svo að lög gefi ekki ekki neinn möguleika á slíku. Lög eru oft til til að hnekkja þeim sem minna mega sín.

Ég var í sambandi við þennan mjög svo upptekna lögfræðing og saksóknara vegna þess að ég skrifaði um föður hans, Robert Breuer (1909-1996). Fyrst í grein sem kom út árið 1998 og sem bar heitið "Vi har ikke brug for 70.000 jøder", og síðar í bók minni Medaljens Bagside árið 2005. Það var löngu áður en honum var treyst fyrir að rannsaka hvítflibbaræningjana.

Um foreldra sína og móður sína Lilo Breuer, sem ég var einnig í bréfasambandi við og talaði við í síma, lét Lanny A. Breuer eitt sinn þessi orð falla:

"My parents just never made any money at all. I called up my mother to break the news that her son was not going to a law firm: "Mom, you've just got to remember that Cy Vance Jr. - who, of course, is now the D.A. - he's in the D.A.'s office. And Dan Rather Jr., he's in the D.A.'s office. And Andrew Cuomo, the son of the governor, he's in the D.A.'s office." There was a long pause. And my mother said: "Them? They should go to the D.A.'s office. You? You should go to a firm."

Ég held að Lanny Breuer, sem nýlega sagði af sér eftir lengstu setu nokkurs mann í stöðu United States Assistant Attorney General - Criminal Division, eigi ekki langt að sækja áræðni sína og þrjósku. Hann hefur ekki látið menn sem vilja gjalda lögleysu með lögleysu hafa neinn möguleika á að hafa áhrif á störf sín.

 

Breuer sjötugur

 

Faðir Lannys, Róbert, sem lengst af vann við að skrifa um tónlist í blað þýskumælandi gyðinga í New York, Aufbau, hræddi heldur betur dönsk yfirvöld sem tóku miður fallega á móti honum er hann kom til Danmörku árið 1938 sem ungur flóttamaður frá Vín. Lesið grein mína um Robert Breuer og sjáið hvaðan Lanny litli fékk lögmannshæfileika sína, sem ég útiloka þó ekki að hafi líka komið frá móður hans Lilo.

Rauðglóandi lygar Össurar

Ég hef aldrei trúað neinu sem Össur Skarphéðinsson lætur út úr sér, síðan hann var umhverfismálaráðherra. Þá kom hann því til leiðar að sumarbústaður lyfsala nokkurs var byggður í hjarta náttúruperlu og of nærri friðlýstum fornleifum, í trássi við lög.

Nú þegar hann er á síðasta snúningi, og fullvissar okkur um að hann elski ekki ESB, reynir hann líka í kosningabaráttunni að koma því inn hjá okkur að hann hafi látið athuga mjög vandlega hvað viðurkenning hans á Palestínuríki myndi hafa í för með sér.

Þessi sjálfsmæring Össurar á síðasta sprettinum er vægast sagt hjákátlegt. Sjá hér á RÚV.

Í Palestínu vita menn enn ekki hver Össur er og er gott sama. Í Bandaríkjunum hefur enginn haft minnstu áhyggjur af brölti hans, þegar hann gerði Íslendinga að athlægi með Palestínumissjón sinni.

Þá athugun sem Össur segist hafa látið gera á mögulegum og ómögulegum áhrifum á Palestínuævintýri sínu væri fróðlegt að sjá, og í raun er undarlegt að niðurstöður hennar séu hvergi að finna á vef Utanríkisráðuneytisins. Ég vona að utanríkisráðherra láti mig og annað áhugasamt fólk um málefni Miðausturlanda hafa niðurstöðuna af þessari athugun sinni og ráðuneytisins nú þegar.

Mitchell og Burns

"Hann  segir að símtölin hafi komið frá Nicolas Burns, sem nú er varautanríkisráðherra Bandaríkjanna, og George Mitchell sem er erindreki Bandaríkjastjórnar í Miðausturlöndum." (RÚV Fréttir Sjónvarps 6.4.2013)

Er ekki einnig við hæfi að láta sannreyna orð Össurar um símhringingar til hans frá Bandaríkjunum varðandi ákvörðun hans, fyrir hönd Íslendinga, að viðurkenna ríki sem hafa á stefnuskrá sinni að útrýma eina lýðræðisríkinu í Miðausturlöndum?

Össur segir að George Mitchell, sem var erindreki Bandaríkjastjórnar í Miðausturlöndum hafi hóað í sig út af málinu. Ef svo er, þá hlýtur sú símhringing að hafa verið fyrir 13. maí 2012, er Mitchell sagði af sér embætti sínu.

Með ólíkindum þykir mér að "Nicolas Burns" hafi einnig verið að hringja í Össur út af þessu prívatmáli Össurar sjálf, og enn furðulegra að fréttagúrúar RÚV segi Nikolas Burns sé enn starfandi aðstoðarutanríkisráðherra BNA. Það síðast sýnir enn og aftur, að fréttastofa RÚV er þaulsetinn viðvaningum

Ef Nicolas Burns, sem tilkynnti Geir Haarde árið 2006 að Keflavíkurherstöðin yrði lögð niður, hefur virkilega hringt í Össur á tímabilinu 2009 til 2012 er Össur gerði Ísland að stuðningslandi Palestínu, þá hefur Burns gert það sem prívatpersóna. Burns lét nefnilega af embætti aðstoðarutanríkisráðherra í janúar 2008 og tók sú uppsögn gildi í mars 2008. Annar möguleiki er líka fyrir hendi, að hér sé Össur að tala um William Joseph Burns (Bill Burns) sem nú er aðstoðarutanríkisráðherra landsins. Svo er líka til þriðji möguleikinn, og hann er einfaldlega sá að Össur sé að ljúga okkur full eins og hann hefur gert sygnt og heilagt. Lygar um ESB, Nubo, Drekasvæðið, fangaflug, Wikileaks, FBI á Íslandi er ópíum handa auðtrúa fylgismönnum núverandi ríkisstjórnar.

Hillary Clinton

Össur segist einnig hafa fengið símhringingu frá Utanríkiráðuneyti BNA, nánar tiltekið frá starfsmanni Hillary Clinton, þegar hann var staddur á flugvelli í Brussel.

"Þá hafi verið gefið til kynna að símtals væri von frá Hillary Clinton utanríkisráðherra. Það kom þegar hann var að leggja af stað heim frá Brüssel með flugi. „Þá var það starfsmaður Hillary Clinton að biðja um samtal við íslenska utanríkisráðherrann. Ég sagði honum að ég yrði því miður að slökkva á símanum en hann mætti hringja á morgun. En um nóttina gerðist það að Wikileaks brast fram í fjölmiðlum og það heyrðist aldrei meira frá bandaríska stjórnkerfinu útaf þessum máli og það fór í önnur verk."

Það væri auðvitað áhugavert að fá að vita, hvort Össur meinar að umrædd nótt hafi verið þegar Wikileaks hafi "brostið fram í fjölmiðlum" með myndirnar af árásum herþyrlanna í Bagdad. Því lak Wikieaks um mánaðamótin mars/apríl árið 2010. Vandamálið með þá dagsetningu er einfaldlega sú að Össur var ekki í Brussel byrjun apríl árið 2010 (nema kannski í leynilegum persónulegum erindagjörðum). Og víst má þykja að Palestínumálið, sem Össur er nú að mæra sjálfan sig með í kosningabaraáttunni, var ekki á lista hans yfir aðalmál utanríkisráðuneytisins sem hann lagði fram í maí 2010 (Sjá hér)  .

Nú verður þessi afvegaleiddi ráðherra að skýra mál sitt, þótt fáir dagar séu eftir í embætti. Össur segir að viðurkenning Íslands á sjálfstæði Palestínu sé sú ákvörðun sem hann sé einna stoltastur af. Það var að minnsta kosti ein af bestu sjónhverfingum hans.

Hér hefur Hillary alveg verið búin að gleyma símhringingu sinni til Össurar

Hrifludraugurinn í boði Capacent

 

Hvað hafa Framsóknarmenn gert til að fá þetta gífurlega draugafylgi sem þeir fá nú í skoðanakönnunum?

Þeir hafa ekkert gert. Framsóknarmenn græða nú billeg Capacent-atkvæði (eins konar Matador-peninga) fyrir það eitt að hafa ekki gert neitt, ekki sagt neitt og algjörlega haldið kjafti.

Almenningur á Íslandi, hinn sauðgrái skríll sem er haldinn minnisleysi á háu stigi, er náttúrulega haldinn stjórnmálaleiða og því er þessi aðferð Framsóknarmanna einstaklega vel heppnuð til að ná í fylgi, sérstaklega hjá þeim sem engar skoðanir hafa.

Í versta falli getum við fengið yfir okkur samsuðu eins og í Danmörku, þar sem meintur systurflokkur Framsóknar, kaffi-latte píurnar í Radikale Venstre, flokknum sem ólmur lét Þjóðverja kafríða dönsku þjóðinni, situr í óstarfhæfri stjórn danskra "Framsóknarmanna" og ósamanlagðrar Samflykkingar sósíaldemókrata og SF.

En er ekki Framsókn á móti ESB? Það gæti breyst, ef henta þykir, því flokkurinn er opinn í báða enda.

Samlíkingar biskups eru ógeðfelldar

Biskup Íslands lýsir því yfir, að saklaust fólk hafi verið sakfellt í Guðmundar og Geirfinnsmálinu, og að það hafi verið vegna þess að lýðurinn hrópaði eins og lýðurinn forðum í Jerúsalem. En hvað hrópaði þá lýðurinn í Jerúsalem forðum, frú biskup?

Vafalaust hefur guð biskupsins sagt henni allt af létta um örlög Guðmundar og Geirfinns, fyrst hún getur básúnað þennan sannleika sinn út á Páskadag. Væri því vel við hæfi að hún upplýsti ríkissaksóknara um endalok tvímenninganna fyrst þeir sem dæmdir voru fyrir morðin eru allir saklausir og upp risnir.

Lengi þarf að leita til að finna annað eins auvirðilegt lýðskrum. Tími syndaaflausna kirkjunnar er greinilega ekki liðinn og nú gerir biskup lítið úr lögum og rétti á Íslandi. Fær hún þetta vald sitt hjá Guði?

Biskupinn segir: „Minnihlutahópar hafa þurft að berjast fyrir réttindum sínum og því að fá að vera eins og þau eru". Agnes biskup Sigurðardóttir telur hins vegar, að enn megi segja hvað sem er um minnihlutahóp þann sem kirkjan hefur i aldaraðir kennt um morðið á Jesú, og það án nokkurra sannanna, og ofsótt hana þar að auki. Þvílík ósvífni! Ættum við ekki að fá Ögmund Jónasson og Gísla H. Guðjónsson til að rannsaka það mál? 

Biskupinn telur sig aldeilis standa nær almættinu en aðrir, er hún getur dæmt heilu þjóðirnar eins og hún gerir.

En undrar þetta mann, þegar argasta hatur sem til er er þulið upp í kirkjum landsins ár hvert. Passíusálmarnir, uppfullir af hatri 17. aldar. Þeir voru sannindi lýðsins á 17. öld, þegar gyðingar höfðu engan rétt. En á Íslandi er gyðingum sem mótmæla dýrkun íslensku þjóðkirkjunnar á Passíusálmunum sagt að éta skít og að þeir skilji ekki hina miklu íslensku list.

Samlíking meintra morðingja tveggja manna við Jesúm, sem og viðbjóðsleg ásökun um að gyðingar hafi hrópað eftir dauða Jesús, er frumstæð ásökun og hatur, sem biskup þróaðs ríkis ætti að vera hafin yfir. En hún er greinilega biskup skrílsins.

Og hvað hrópaði svo lýðurinn forðum í Jerúsalem og hvað hrópaði lýðurinn á Íslandi í morðmálinu? Ég man nú ekki til þess að lýðurinn hafi hrópað mikið. Alvarleg mál um mannsdráp voru rannsökuð, þau fóru fyrir dómstóla og það er eðli réttarríkis, en ekki að biskup skríls gefi út billegar syndaaflausnir á hátíðum.

Biskupinum er velkomið að skýra mál sitt hér á blogginu.

„Vegna þess að lýðurinn hrópaði“

Pistill minn til Jóns Vals á Pesach 5773

Guðfræðingurinn og bloggarinn Jón Valur Jensson telur að Farísearnir hafi myrt Jesúm. Þetta telst í dag til öfga í kirkjudeild hans, þeirri kaþólsku, því fyrrverandi Páfi lýsti því yfir í einum af bókum sínum að hann teldi að það hefði aðeins verið lítið brot af faríseum sem hafi staðið að baki. Sú kirkjudeild sem enn er Þjóðkirkja Íslands boðar enn gamalt hatur og lætur þylja upp úr Passíusálmum Hallgríms Péturssonar, sem er ekkert annað en hatursboðskapur 17. aldar. Þar er öllum gyðingum kennt um dauða Jesú. Hallgrímur vissi ekki betur, en það gera Íslendingar í dag.

Ég tel hins vegar, án þess að líta fram hjá heimildum, að Farísear sem hópur hafi hvorki haft völd og ítök til að koma einum af bræðrum sínum á krossinn hjá Rómverjum. Þeir risu ekki sem áhrifahópur fyrr en eftir að Rómverjar eyddu Jerúsalem og musterinu árið 70 e. Kr. Ég tel einnig að Kristur, hafi hann verið til, hafi hann eingöngu kennt eftir boðum og siðareglum Farísea. Í færslu hjá Jóni, þar sem Jón leggur út af gjafmildi Íslendinga við bágstadda í öðrum löndum, þegar fólk lifir við skort á Íslandi, ritaði ég þetta:  

Farísear Kristinna fá ekki fallega meðreið í Nýja Testamentinu, því þeir eru notaðir til að sýna okkur hverjir það voru sem létu myrða Jesúm.

Vera má, að Páll postuli, (Shaul (Sál) frá Tarsos), hafi gengið og lært meðal morðingja Jesú, og að menn vilji sanna það með heimild sem er yngri en frá 4. öld. Páll segist sjálfur hafa verið Farísei, en hann braut samt öll boð þeirra.

Gamalíel, meintur "kennari" Páls Postula, var ekki hatursmaður Kristinna. Afi hans, Hillel, sem var farísei í gyðinglegri þýðingu þess orðs (ekki þeirri kristnu) greinir okkur frá náungakærleikanum í Pirkei Avot í Mishna. Siðfræði Pirkei Avot er sú sama og notuð var meira en 100 árum síðar, þegar byrjað var að rita guðsspjöllin.

 

Ég fæ ekki betur séð en að smiðssonurinn Jesús hafi endalaust lagt út af Pirkei Avot, ritað af afa kennara Páls Postula, og hafi því verið farísei sjálfur. Pirkei Avot reglurnar byggðu á gamalli hefð, sem Farísearnir lögðu mikla áherslu á, meðan aðrir hópar skriftlærðra, sem voru horfnir um 70 e.Kr., fylgdu þeim reglum örugglega líka, en ekki í eins miklum mæli eins og farísearnir

Kristnin tók lærdóminn í Pirkei Avot og gerði að sínum, en gerði svo lærimeistarana að morðingjum. Það er glæpur Kirkjunnar, Jón. Fyrstu kristnu mennirnir, sem sumir voru Gyðingar, brutu reglur Pirkei Avot og lögmálið með því að fremja þann glæp.

Páll hataði kannski Faríseanna af öðru. Páll hataði konur og átti erfitt með kyn sitt - var líklega hommi. Hann gat ekki, og fylgdi ekki siðareglum Faríseanna eins og þær eru í Pirkei Avot, og fyrir það kenndi hann ef til vill kollegum sínum og kennurum um morð og kallaði sig Pál.

 

Gyðingar myrtu ekki Jesúm, og heldur ekki farísearnir. Heldur þú Jón, að menn sem fylgdi Pirkei Avot hafi myrt einn af sínum bræðrum? Skoðaðu heimildirnar. Þær hafa alltaf verið til, en kristnir vildu ekki hlusta og bentu ávallt á nýjustu heimildirnar, þótt eldri heimildir væru til. Í gegnum aldaraðir hafa gyðingar reynt að sýna kristnum fram á þetta. Heimildagagnrýni er það sem skilur Gyðingdóm og Kristni að. Kristnir vilja trúa, á stundum of blint, Gyðingar vilja vita, á stundum of mikið.

Ég vona að Frans Páfi muni aflétta enn meiru af falskri skuldabyrði Gyðinga en forveri hans í Róm gerði. Ég er alveg viss um að Frans þekkir Pirkei Avot, og þú hefur örugglega heyrt um lærdóm Hillels í guðfræðinni á sínum tíma.

Það er samt örugglega aðrar kenndir en náungakærleikur uppruninn úr siðareglum gyðinga sem veldur því að sumir Íslendingar telja nauðsynlegt að senda gyðingamorðingjum peninga, meðan fátæka ekkjan á Íslandi býr við skort. Ég er ekki í vafa um hver þarf mest á þeim að halda.

Jón Valur, þú ert það sem þú tileinkar faríseunum í fordómi þínum!

Illugi með öllu nema lauk

 

Það er ekki nóg með að Illugi Jökulsson sé alvitur um sekt og sakleysi manna. Hann er líka óhemju vel að sér í pylsufræðum, ef ekki sérfræðingur.

Illugi hefur rekist á gamlar og skemmtilegar auglýsingamyndir af Kosher grjúpánum í Bandaríkjunum og er það honum tilefni til að reyna að vera fyndinn á kostnað matarvenja og trúar annarra manna. 

Illugi sýnir okkur léttklæddar konur og Hebrew National og Zion pylsur, en gleymir vitaskuld Oscar Mayer, sem reyndar eru ekki lengur Kosher.

Illugi telur fyrirsæturnar sem stilla sér upp með pylsunum vera "kosher líka".  Er Illugi með þessu að gefa í skyn að gyðingar borði konur? Það væri nú við hæfi hér á páskunum.

 

Menn, sem helst vilja sporðrenna SS pulsum og háma í sig Ali álegg, ættu síst af öllum að vera að ybba gogg. Ekki fékk Clinton fyrir hjartað þegar hann fékk sér Zions dætur í bláum kjól á cígarinn (pulsuna), en hann fór beint á Mount Zinai eftir að hafa kokrennt SS með öllu í Reykjavík.

Bloggvinur minn einn, Aðalbjörn Leifsson kjötiðnaðarmaður, skrifaði eitt sinn: Þegar ég var í skinkuskólanum í Hróarskeldu þá sögðu Danirnir mér að pulsur væru guðdómlegar, því það vissi engin hvað væri í þeim nema Guð einn. Læt ég þau vísu orð vera rúsínuna í pylsuendanum.

Dómsmálaráðuneytið leitar að miðli

Agnes Magnúsdóttir og Friðrik Sigurðsson voru vitaskuld saklaus á morðinu á Natani Ketilssyni og Fjárdráps-Pétri. Það varðar auðvitað við alþjóðalög að bróðir Natans hafi hálshöggvið Friðrik og Agnesi, og Natan var ekkert annað en barnaníðingur sem níddist á vinnukonu sinni, Sigríði Guðmundsdóttur, barnungri. Sigríður sat kannski í Spunahúsinu í Kaupmannahöfn saklaus fyrir að hafa kálað barnaníðingnum, sem átti bara skilið að deyja. Þannig sjá að minnsta kosti margir hlutina með nútímaaugum.

Árið 1934 var fólk farið að kenna í brjósti um tvo meinta morðingja Natans, enda voru þau tekin af lífi á hinn hrottalegasta hátt, séð með nútímaaugum. Höfuð þeirra voru sett á stengur. Agnes Magnúsdóttir leitaði svo loks að handan til miðils á Bergþórugötunni í Reykjavík, sem lýsti dysjunarstað hausa Agnesar og Friðriks "í hásumar-sól-setursátt, séð frá aftökupallinum og skammt frá honum."  Dularfull rannsóknarnefnd fór norður og gróf og er sögð hafa fundið allt nákvæmlega eins og miðill sagði fyrir um. Með leyfi Jóns Helgasonar biskups voru þessar jarðnesku leifar greftraðar í kassa í kirkjugarðinum á Tjörn á Vatnsnesi að ósk meints morðingja.

Hver myrti Geirfinn ?

Ég legg til að Ögmundur Jónasson ráði sé miðil með mikla útfrymisgetu til að leysa morðgátunum um Geirfinn.

Ögmundur lét það verða sitt síðasta verk sem ráðherra að senda skýrslu rannsóknarhóps á Geirfinns- og Guðmundarmálum til embætti Ríkissaksóknara.

Maður tekur strax eftir mjög mikilli yfirlýsingargleði meðlima rannsóknarhópsins. Hinn virti prófessor Gísli H. Guðjónsson, sem var hópnum til hjálpar, tínir til hve dæmdir sakborningar sátu lengi í einangrun. Heldur Gísli H. Guðjónsson því fram að menn þurfi að fara alla leið suður í Guantanamó til að finna álíka einangrun. Það eru örugglega sæt orði í eyrum Ögmunds, sem vitanlega heldur að þeir sem á Guantanamó sitji séu blásaklausir.

 Eins lítið og Guantanamór kemur Geirfinnsmálinu við, eins öruggt er það að prófessor Gísli H. Guðjónsson kann ekki að fara rétt með staðreyndir: Frændur okkar Danir hafa lengi legið undir ámæli fyrir óhóflega einangrunarfangelsun og haf a verið gangrýndir af alþjóðlegum samtökum (sjá hér)

Vissulega geta menn orðið geðveikir við einangrun í fangelsum, en sumir eru það áður en þeir framkvæma glæpi sína.

Líklega hefði rannsóknarhópurinn betur bætt við sagnfræðingi í stað þess að kreista litatúbur pólitískrar rétthugsunar.

 

Hver myrti Alfred Kempner ?

Árið 1939 var ungum gyðingi, Alfred Kempner, sem flýði til Íslands bolað úr landi. Á 7. áratug síðustu aldar komst íslenskur prófessor að þeirri niðurstöðu að Kempner hefði farist í Helförinni. Aldrei hefur neinum dottið í hug að krefjast rannsóknar á einangrunarfangelsun Alfred Kempners, brottvísun hans og meintum dauða. Íslenskur ráðherra, forfaðir pólitískrar erfðadæmis, fyrirskipaði brottvísunina, saksóknari framkvæmdi hana með mikilli heift og kynlegur kvistur við HÍ, sem vildi gera þýskan aðalsmann að kóngi á Íslandi, skrifaði bréf á þýsku fyrir embættin, þar sem íslensk yfirvöld buðust til að borga kostnaðinn við að senda Alfred Kempner áfram til Þýskalands nasismans, ef Danir vildu ekki taka á móti honum.

Ég sé fyrir mér hvað hefði gerst hefði Gísli H. Guðjónsson fengið þetta mál í hendur. Íslenskir ráðamenn hefðu verið kvittaðir af allri synd og sekt. Hann hefði, ekki frekar en sagnfræðiprófessorinn, sem sagði okkur frá dauða Kempners, farið að rannsaka heimildir í Danmörku, sem sýndu að Danir voru gáttaðir af óskammfeilni Íslendinga, sem voru greinilega enn meiri gyðingahatarar en Danir sjálfir.

En auðvitað var aldrei neinum á Íslandi sem þótti neitt athugavert við framgöngu íslenskra stjórnvalda  í því "morðmáli". Að minnsta kosti ekki nógu mikið til að eyða tugmilljónum í rannsóknir á því.

Sjá meira hér og hér.

Íslendingar hafa gleymt smáfuglunum

Hér þarf ekkert að skrifa, myndin nægir!

Ný stjórn: Blágræni smokkurinn

Greinilegt er að Sjálfstæðisflokkurinn og Framsókn eru að færast nær hvorum öðrum í örugga forystu. Það svo örugga, að það líkist einna mest 13 tommu verju, verju gegn stjórnleysi og aumingjahætti þeirra flokka sem halda að þeir hafi reist eitthvað upp úr rústum hrunsins. Blágræni Smokkurinn mun nú fullkomna reisnina með meirihlutasmokki.

Smokkmynd fylgis D og B á sér skýringar- fyrir utan val RÚV hönnuða á grafi. Fylgi Samfylkingarinnar og Vinstri Grænna lýsir sér best með einu vinsælasta klámleitarorð Íslendinga samkvæmt nýlegri alþjóðlegri könnun á klámskoðun á netinu. Stór fjöldi Samfylkingarinnar leitar að loðnu rassgati eða Hairy anal. Það þarf að fara langt frá Evrópu til að finna aðra þjóð sem er eins upptekin af því fyrirbæri og Íslendingar. Og þegar menn taka yfir slík rústasvæði er víst best fyrir þá að vera vel varðir gegn rauðum og grænum útbrotum á rassgati.

En ég er haldinn heilbrigðri skynsemi og er hræddur um, að lítið verði hægt að bæta á Íslandi með smokknum. Menn storka ekki alþjóðlegri óáran í efnahagsmálum og geta ekki lofað of miklu. Öll atlot að hinu sjálfdauða Evrusvæði, eða samfarir við Kínverja, kalla á sterkan smokk. Ef smokkurinn nálgast þær ígerðir kemur örugglega á hann gat. Ég er ekki bjartsýnn. Flokkar verða ekki betri en það fólk sem í þeim er. Það á víst líka við um smokka.