Litla rauða hænan fann fræ ...

Litla rauða hænan fann fræ, það var hatursfræ.

Kratastúlkan Sema Erla, sú sem hér á blogginu hefur hátíðlega haldið því fram, að Tyrkland sé lýðræðisríki, horfði á Söngvakeppni Evrópu í gær. Það fór greinilega í taugarnar á Semu Erlu að Ísrael fái að vera með í keppninni og svo ekki sé talað um að "Ísraelsríki" vinni keppnina með áróðurssöngvum sínum um heimska karla.

Greint er frá þessu á vef DV og þar er þetta upplýst:

Sema Erla Serdar, formaður flóttamannahjálparsamtakanna Solaris, fordæmir sigur Ísrael í Eurovision fyrr í kvöld og segir Evrópu þannig leggja blessun sína yfir meðferð ísraelska hersins og stjórnvalda á palestínskum borgurum.

Og gagga, gaggalagú. Með þessari hatursræðu sinni tekur það Semu aðeins eina viku að eyða leifunum af síðustu krötunum á Íslandi. Blessuð stúlkan ætti sem fyrst að fara í ferðalag langt í burtu frá Evrópu, þar sem menn eru líklega sólgnari í hatursfræ hennar og tilbúnir að baka hatursflatbrauð úr uppskeru hennar, sem enginn vildi taka þátt í að þreskja, mala né hnoða fyrir litlu, rauðu hænuna.

En fjandakornið, Sema Erla, þessi pönnukaka, er ekki og hefur aldrei verið krati.

Þegar þjóðkirkjan birtir hatur

Eftirfarandi málsgrein birtist í Árbók Kirkjunnar 2015-2016

Gyðingahatur er þekkt fyrirbæri sem menn passa sig almennt á og jafnvel stundum gengið heldur langt í að fordæma hluti sem gyðingahatur, en passa sig á því hvernig talað er um þau trúarbrögð. Nú, hvað varðar íslam, þá hefur það verið skilgreint sem geðröskun að gagnrýna íslam, kallað íslamofobia. Menn þurfi beinlínis að vera geðveikir að tala á gagnrýninn hátt um íslam.

Eigandi orðanna var einu sinni forsætisráðherra. Því hefði ég ekki trúað, vissi ég ekki að einhver sem heitir Sigmundur Davíð Gunnlaugsson skrifaði þetta þvaður. Skömmin er þjóðkirkjunnar að birta þennan ósóma og kirkjuþingi 2015 að sitja undir slíku mótmælalaust.

Sigurður Davíð kenndi einnig gyðingum um fall sitt úr embætti forsætisráðherra eins og margfrægt er orðið. Sjá t.d. hér.

Skömm sé þjóðkirkjunni á Íslandi að birta þetta moð, og ekki síður Alþingi að hafa ekki enn úthýst þessum siðlausa furðufugli íslenskra stjórnmála. Það sem hann hefur gert sig sekan um er langt undir öllum stolnum hellum. Engin uppreist getur bjargað honum.