Færeyingar hafðir að fíflum

 

Gárungar úr Danaveldi ferðast nú um Færeyjar og fá frændur okkar til að taka þátt í sjónvarpsrugli, sem gengur út á að venjulegt fólk leikur hlutverk persóna í sjónvarpsþáttaröðinni Dynasty, sem í Danmörku og Færeyjum gekk undir nafninu Dollars. Dynasty er staðfært á Færeyjar. Árangurinn af þessu verki, sem örugglega er styrkt með peningum danskra skattborgara, verður svo hægt að sjá á vefnum (www.dollars.fo).

Tvö dönsk idjót með myndavélar, Tue Biering og Jeppe Kristensen, hafa lýst þessu framtaki sínu fyrir blaðamanni Berlingse Tidende. Þeir hlæja mikið af sjáfum sér, enda eru þessir menn greinilega enn á skólastrákastiginu. Það vekur undrun að Berlingske Tidende sé að auglýsa þennan skrípaleik.

Í Berlingske Tidende lýsa þessir apakettir þeirri einlægu skoðun sinni að Danir tengi Færeyinga  skyldleikarækt, þjóðbúningum, vikivökum, hommahræðslu, harðfiski og lunda. Þessir dönsku hálfvitar ætla með þessum kvikmyndahappening sínum að gera Færeyinga meira "kynæsandi".  

Skyldleikarækt, Jeremías minn! Danir ættu ekki að tala. Á ákveðnum svæðum í Danmörku er fólk miklu meira skyldeikræktað en Færeyingar, en flestir eru Danir vitanlaga hálfgerðir Þjóðverjar og restin er á góðri leið að verða þegnar í fjórða ríkinu, Ummah.

Ég held að Tue og Jeppi ættu að byrja með því að spóla einhverju inn í myndavélina heima hjá sér. Þeir tilheyra þjóð sem að mestu leyti er kominn af drykkfelldum Þjóðverjum og sem beygði sig eins og lóða tík þegar þýski nasistahundurinn tók þá í rassinn í síðasta stríði. Samarbejdspoliltik kalla Danir þær merku samfarir og minnast þeirra með mikilli gleði. Það er efni í margar grínmyndir, sem hægt væri að setja á vefinn. Hvað eru menn að álpast til Færeyja til að fá "billigt grin"? Af nógu er að taka heimavið.

Ég mæli með því að Færeyingar setji þessa dönsku pilta á næsta skip til Kaupmannahafnar og taki kvikmynd af því.

Sá hlær best sem síðast hlær, og það verða Færeyingar.

ESB segir að Íslendingar séu hæfir og í miklum metum

ESB lýsir umsókn islenskra yfirvalda á vefsíðu sinni.  Sjá hér, hér, hér, hér, hér, hér hér, hér, hér og hér. Einhver stigsmunur virðist á orðalaginu á hinum mismunandi tungum um hæfni og velmæti Íslendinga, ef maður vill vera nákvæmur.

Sagt er á dönsku að Íslendingar séu taldir hæfir og í miklum metum, fyrst þeim er leyft að sækja um ESB-aðild.

 

Mynd ESB af húsum "hæfra" Íslendinga. Bretar töldu nú fyrir skömmu víst að þarna byggi bölvaður hryðjuverkalýður. Að ofan er hins vegar mynd af byggingu sem ekki er neitt hland og sæmir sér vel í ESB. ESB má gjarnan nota þessa mynd mína.

Takið eftir myndinni með þessu rugli á vefsíðu ESB. Ég hefði nú frekar viljað sjá glæsibyggingar þær sem reistar hafa verið á Íslandi á síðustu árum, fyrir allan ríkidóminn sem her spratt úr jörðu eins og hverir. Þær byggingar eru nú ekki neitt hland. En ESB velur mynd af verkamannaíbúðum vestur í bæ.

Það er kannski myndin sem ráðamenn í ESB vilja gefa af Íslandi? Landinu sem þeir ætla að deila fiskinum með og ráðskast með fram í rauðan dauðann.

Hver mun nú hafa andlega og veraldlega forsjá með þeim söfnuði á úthafseyju, sem mælt er að fyrirfinnist á enda veraldar?

Jón nokkur var biskup í Skálholti frá 1406 til 1413. Afar lítið er vitað um þennan Jón, nema að hann var hinn fjórði  meðal Jóna á biskupsstóli í Skálholti.  Í síðari heimildum var hann oft nefndu Jón danski. Hann var einn af fyrstu dönsku embættismönnunum á Íslandi. Áður en þessi Jón hneppti Skálholtsstól hafði hann verið ábóti í Munklífi í Björgvin, sem var eitt ríkasta klaustur Noregs. Þegar Jón var kominn til Íslands reið hann vísitasíu norður um land þar sem honum var vel  tekið. Mikið meira en þetta er nú ekki vitað um blessaðan Jón.

Við vitum einnig, að Jón hefur líklega ekki gengið heill til skógar, og væntanlega hefur hann því verið sendur til Íslands. Hann var holdsveikur og dó á biskupsstóli árið 1413. Í páfabréfi frá 24. júlí 1413, sem Jóhannes XXIII páfi ritaði biskupinum í Lýbíku (Lübeck) er meginefnið veikindi Jóns biskups á Íslandi. Páfi bað biskupinn í Lübeck um að grennslast fyrir um hvort presturinn Árni Ólafsson (síðar biskup í Skálholti) væri nothæfur til að hafa andlega og veraldlega forsjá með  „þeim söfnuði á úthafseyju , sem mælt sé að fyrirfinnist á enda veraldar" (Hljómar þetta ekki eins og umræðan um Ísland í ESB?). Samkvæmt bréfi páfa var Jón yfirkominn af sjúkdómnum, og hold hans og bein hrundu af fótum og höndum.

Förum nú hratt yfir sögu. Árið 1879 fundu menn innsiglisstimpil í jörðu í Árósi í Danmörku. Innsiglisstimpillin hafði tilheyrt Jóni biskupi í Skálholti. Á innsiglinu mátti lesa þetta:   + SIGILLU: IohIS: [DEI:GRA:EPIS]COPI:SCALOT

Enginn Íslendingur frétti af þessu innsigli áður en ég gerði það skömmu eftir að ég hóf nám í fornleifarfræði við háskólann í Árósi árið 1980. Ég hafði samband við Kristján Eldjárn, ritstjóra Árbókar hins Íslenzka Fornleifafélags (þegar enn var stíll var yfir því riti), og hann hvatti mig til að skrifa grein um innsiglið, sem má lesa hér. Eftir langa og lærða skýringu á því hvaða Jón hefði getað átt innsiglið, komst ég að þeirri niðurstöðu að innsiglisstimpill þessi  hefði tilheyrt Jóni hinum fjórða í Skálholti og að hann hefði líklega verið að ættinni Finkenow.  Ættmaður Jóns, Nikulás (Niels) hafði verið erkibiskup í Niðarósi. Niels var illa þokkaður af Norðmönnum. Rændi hann dýrgripum kirkjunnar þegar hann hvarf frá Niðarósi. Upphaflega var þessi Finkenow fjölskylda komin sunnan úr Þýskalandi til Danmerkur.

Síðar hef ég hallast meira að þeirri skoðun, sem ég viðra aðeins í greininni, að líklegast hafi þessi stimpill verið gerður af óprúttnum náungum sem ætluðu sér að misnota nafn Jóns Skálholtsbiskups í Danmörku.  Líkþráir menn eru oft misnotaðir.

Nýlega fann ég í gömlum pappírum möppu með gögnum sem ég vinsaði að mér þegar ég skrifaði  mína fyrstu grein í fornleifafræðinni. Þar var líka að finna þetta bréf frá dr. Kristjáni Eldjárn, sem ég varð þeirrar ánægju aðnjótandi að kynnast. Hann bauð mér þrisvar sinnum heim til sín í morgunkaffi snemma á sunnudagsmorgnum þegar ég var á Íslandi yfir sumarmánuðina. Hann útvegaði mér einnig vinnu við fornleifauppgröft með einu símtali. Hann hvatti mig til að rita tvær fyrstu greinar mína fyrir Árbók Fornleifafélagsins og til þess að sækja um fjármagn til að hefja fornleifarannsóknir í Þjórsárdal.

Í dag, þegar Íslendingar þjást af líkþráa í andlegum sem veraldlegum efnum, er ef til vill ekki fjarri lagi að spyrja eins og Jóhannes Páfi gerði árið 1413. Hver mun nú hafa andlega og veraldlega forsjá með þeim söfnuði á úthafseyju, sem mælt sé að fyrirfinnist á enda veraldar? Viljum við gráðuga, þjófótta og holdsveika embættismenn neðan af meginlandinu, eða Össur Skarphéðinsson og Jóku stressuðu? Það hljóta að vera fleiri valkostir.

Ég styð ETA

Kæru landsmenn, ég styð basknesku frelsissamtökin ETA.  Ég skammast mín ekkert fyrir að viðurkenna það Margir Íslendingar styðja frelsissamtök annarsstaðar í heiminum, til að mynda Hamas. Hamas stefnir að alheimsríki múslíma. Það gerðu einnig hryðjuverkamennirnir sem myrtu nærri 200 manns á Spáni fyrir 5 árum síðan. Spænsk yfirvöld voru fljót að ásaka ETA fyrir það, áður en hið rétta kom í ljós.

Ég styð ETA, vegna þess að Baskar eru minnihlutahópur í Evrópu eins og Íslendingar. Hið fasíska ríki Spánn hefur kúgað og meinað Böskum að stofna þjóðríki. Allir þeir sem tilheyra þjóðarbrotum sem pínd hafa verið af rannsóknarréttinum og hrakin hafa verið frá Spáni af yfirstétt Vandala og Vísigota, vita að barátta ETA er réttmæt. Vaskir menn frá Euskadi veiddu lengi við Íslandsstrendur og skildu hér eftir töluverðan fjársjóð í erfðamengi Íslendinga.

Ég sé ekkert athugavert við það að því að styðja ETA, meðan að einn fremsti stuðningsmaður ESB á Íslandi, Señor Össur Skarphéðinsson styður Hamas, og það gerir hann heils hugar og án þess að skammast sín fyrir það.  Það gerir einnig Señor Xavier Solana, utanríkisfursti ESB, sem vill stofna ríki Palestínumanna skilyrðislaust. Solana hefur margoft haldið því fram að Hamas vilji og ætli sér ekki að eyða Ísraelsríki, en hann einnig hefur haldið því fram að ETA séu hryðjuverkasamtök.

Ég hvet Íslendinga til að styðja réttmæta baráttu ETA í orði og verki. Baskar eru minnihluti í Evrópu, og það án ríkis. Við erum minnihluti í Evrópu og Spánn ætlar nú að mata krókinn á íslenskum fiskimiðum við inngöngu Íslands í ESB. El burro Össur ætlar sér að verða vikapiltur á spænskum togurunum. Ég er hræddur um að hann sé, og verði aðeins, marhnútur á botninum á ytri höfninni.

Ég vil að ríki Baska verði stofnað skilyrðislaust. Viva la ETA! 

Lifi yfirráðaréttur Íslendinga yfir íslenskum auðlindum. Lifi Ísland!

Fáni Baskalands og efst er mynd úr lygariti Þjóðverjans Blefkens, sem hefði verið ágætis embættismaður í ESB. Myndin er af Böskum á Íslandi árið 1613.

Bílsprengja sprakk á Spáni

Lausnir á vanda

 

Áður en ég fer í smá frí, ætla ég að koma með lausn á tveimur vandamálum sem ég sá í fréttatíma RUV í gær. 

Hljóðið í Ríkharðshúsi á Hjalteyri: Hefur einhver reynt að svara og banka á móti? Ef þetta er ekki skrattinn að morsa til Íslendinga um að ganga í ESB, er ég viss um að byggingameistarinn á húsinu hefur verið danskur eða danskmenntaður. Ef byggingarmeistara húsa í Danmörku er ekki haldið reisugilli þegar hús er fokhelt, hefur það þekkst að þeir múri flösku eða einhvern sívalning innan á skorstein hússins. Í smávindi hvín í þessu og klúkkar. Gætti þetta verið skýringin á hinu undarlega hljóði á Hjalteyri? Eða er þetta bara tilgangsleysi hlutanna undir hjúp hégómans á Íslandi, sem er að láta í sér heyra

Atvinnulausi Englendingurinn á Seyðisfirði: Blessaður maðurinn á samúð mína alla, en það á íslenska kirkjan ekki. Hún sér sér aðeins fært að veita þessum manni og öðrum í sömu stöðu 3 x15.000 króna lán á ári - á sama tíma og þessi helv..is samkunda sendir peninga til svæða í heiminum sem stjórnað er af hryðjuverkasamtökum. Jesús þyrfti víst að fara að banka upp á hjá biskupsstofu? Íslenska ríkið er auðvitað líka máttlaust og allslaust og getur ekki aðstoðað fjölskyldumann í neyð, því það sendir einnig milljónir til hryðjuverkasamtaka, þegar það er ekki  að bjarga bönkum og ESB-aðild. Það er víða sem hljóð heyrist úr iðrum jarðar. 

Kannski er hljóðið dularfulla á Hjalteyri tómahljóð úr ríkiskassanum.

Er ekki að losna sendiráð?

 

Sumir geta bara ekki hætt, þegar best er að hætta. Ingibjörg leikstjóri liggur á bak við tjöldin og stýrir strengjabrúðuríkisstjórninni. Leiksýningin, sem RÚV fær ókeypis, fær lélega dóma.

Einni strengjabrúðunni, vestfirska rekaviðarspýtukarlinum Jóni Bjarnasyni, verður brátt kastað í eldinn, því hann passar ekki inn í nýja farsann, Efasemdir Svik og Bræði, í Brúðuleikhúsinu. Í honum eru brúðurnar sammála um að vera sammála um allt.

Ríkisstjórnin selur leðurbrækur Hitlers

Til að vekja áhuga neikvæðra Bæjara á aðildarbeiðni Íslands að ESB, hefur Ríkisstjórnin dregið einn mestan dýrgrip sem geymdur hefur verið í neðri hvelfingu Seðlabankans í áraraðir fram í dagsljósið.  Ríkisstjórnin ætlar að selja hann á opinberu ESB-uppboði í Reykjavík 10. ágúst næstkomandi.  

Örfáir Íslenskir stjórnmálamenn hafa fengið að fara í þessar buxur. Má þar nefna Össur Skarphéðinsson, sem var mjög ánægður með sniðið.

Eva Braun hafði leðurbrækur Hitlers með til Íslands og gleymdi þeim á Ísafirði. Hitler bað Evu ávallt að hafa eitthvað af sér með á ferðum hennar, svo hún gleymdi sér ekki. Hver man ekki eftir snýtuklútnum með upphafsstöfunum AH, sem seldur var hjá Sothesby i New York nýlega?

Mikill áhugi er á nábrókum Hitlers í Bæjaralandi og segjast menn þar jafnvel segja Jawohl við umsókn Íslands að ESB, ef þeir eru á þeim buxunum. Hver vill ekki vera í buxum Hitlers í ESB?

Umsókn mótmælt samdægurs

Copenhagen 17 July 2009

H.E. Mr. Fredrik Reinfeldt

President of the Council of the European Union

Brussels

 

Mr.  President,

As a humble subject of Iceland, I have the honour hereby to present a critical protest against the Icelandic Prime Minister's desperate application on the behalf of the Republic of Iceland for membership of the European Union, which was handed to the EU-presidency today. My protest is presented in conformity with old democratic principles and values in Iceland, which I believe have been set aside by the Icelandic Government.

Please accept, Mr. President, my assurance that I will fight fiercely against Iceland's membership of the EU.

The EU is the recipe for a further deterioration of a society in a severely poor state due to mismanagement by a corrupt elite.  An Icelandic membership of the EU would be an anachronistic mistake for Iceland as well as the EU. The EU is not known for accepting new member states into their "exclusive club" as an act of charity. Judging from the arguments of the Icelandic government, it seems to me that some Icelandic parliamentarians see an EU-membership as an easy way out of the havoc which financial criminals have caused during a decade where many people in Iceland believed that Iceland could be a major player on the World financial scene.

As an Icelander, I do not accept the authority of the present government of Iceland, who I believe will hand over to the EU the few resources that rightfully belong to the Icelanders. Icelandic fishing waters are not a bargaining chip in an unequal effort to become a member of the EU. The EU is not a way out of the consequences of the Icelandic hubris, which hit so few members of the merely 320.000 souls in Iceland, and which destroyed so much.

Yours Sincerely,

Vilhjálmur Örn Vilhjálmsson

Íslendingar verða aldrei Gold Members í ESB

Það var ekki aðeins hollenska dagblaðið de Telegraaf sem sendi Íslendingum „vingjarnlega" tóninn í gær. De Volkskrant gaf það líka óþvegið. Hollendingar, sem elska gullið sitt, segja einfaldlega: Peningana fyrst, svo fáið þið kannski membership, en það verður ekki einu sinni „Schmoke en a Pankake" eins og Egill Helgason og aðrir sjálfskipaðir ESB-sendiherrar virðast halda.  

Áróðursdeild ESB á Íslandi er nú fjári skrýtinn söfnuður.

Gaggandi rugl

Í Danaveldi er meðalkílóverð á kjúklingabringum, (ófrosnum), 70-80 DKK. Frosnar bringur eru auðvitað ódýrari. Íslenskir kjúklingar eru orðnir ódýrari en frændur þeirra í Danmörku. Mér sýnist að verð á kjúklingum á Bretlandseyjum sé aðeins lægra en í Danmörku, og ef til vill svipað og á Íslandi.

Það er líka dýrt að lifa í Danaveldi og UK. Menn halda kannski að ESB sé eitthvað sæluríki og "ta'selvbord". Atvinnuleysi og fátækt er staðreynd fyrir stóran hluta íbúa ESB landa.

Þetta verðþróunarmat á kjúklinga í skýrslunni er gólandi vitleysa, þó að margt annað í skýrslunni sé mjög rökrétt, og sýni okkur að ESB er algjörlega ófær kostur fyrir Íslendinga.

Við getum ekki sjálfir haldið áfram kjúklingaframleiðslu, ef við göngum í ESB. Menn í kjúklingarækt missa atvinnu og viðurværi sitt, og við þurfum að flytja inn kjúklinga frá ESB. EN ÞAÐ VERÐUR EKKI Á 70 % lægra verði en það er nú.

Viljum við atvinnuleysi og tap íslenskrar framleiðslu fyrir ódýrar pútur og bauta frá ESB?

Það er ómögulegt að vera að ræða um ESB. ESB leysir ekki vanda Íslendinga, sem að mörgu leyti er ofneysla.

 

Kjúklingar myndu lækka um 70%