Jinky Express

Jinky, dóttir Bobby J. Fischers heitins, er kominn heim og farin aftur. Menn tóku úr stúlkunni sýni. Enginn fékk að sjá hana (viðbót: nema allir sem horfðu á RÚV eftir að þessi færsla var skrifuð). Gaman hefði verið að sjá hvort hún er orðin meira lík karli föður sínum en hún var árið 2004.

Ég skrifaði í byrjun síðasta árs fjölmargar færslur ásamt öðru góðhjörtuðu fólki sem vildi vernda hag dóttur skákmeistarans. Ég komst í sambandi við ýmsa kunnuga menn á Filippseyjum til að finna hvað vakti fyrir skákeistarunum Torre og lögfræðingi hans. Þar vildu menn sem minnst segja (nema fyrir peninga), en flestum þótti líklegt að græðgi Torres væri fremri kærleika í garð meints barns Fischers. Á Filippseyjum verður manni ekki mikið ágengt ef maður borgar ekki undir borðið fyrir greiða. Svo ég hafði ekki árangur sem erfiði.

Nú, þegar búið er að taka sýni úr Jinky litlu, hún komin og farin, kemur vonandi í ljós hvort hún er dóttir skrítna karlsins sem boðið var til Íslands fyrir ómælda duttlunga þjóðfélags sem var í skýjunum af eintómri sjálfsánægju og afneitun.

Eitt er þó víst, að þegar Jinky var hér í fyrsta sinn með móður sinni, vildi Fischer ekki einu sinni hafa þær í íbúð sinni. Þær voru látnar dúsa á gistiheimili að Brúnavegi 8, þar sem þær voru hræddar. Filippseysk kona í Reykjavík bauð þeim að búa hjá sér.

Annað er víst, en það er að íslenska kirkjan, þar sem sumir prestar halda að Jesús hafi fæðst í Palestínu, leyfir dýrlingadýrkun. Þar sem Fischer er jarðsettur austanfjalls, er verið að færa alls kyns skurðgoð og líkneski inn í kirkjuna til minningar um skákkónginn, sem holað var niður við stétt utarlega í kirkjugarði.

Athugasemdir

[Sigurður Þór Guðjónsson, 5.12.2009 kl. 17:31]

Hver manneskja á erfðarétt eftir föður sinn. Um það snýst þetta mál. Ekki um samband Fischers við einn  né neinn og ekki um það að stúlkan hafi ekki kært sig um að tala við neinn á Íslandi. Ekki heldur aðstæður á Filiðpseyjum.

Það snýst bara um þetta: Hver manneskja á lagalegan rétt á að erfa föður sinn.

[Vilhjálmur Örn Vilhjálmsson, 5.12.2009 kl. 18:04]

Mikið rétt Sigurður. En maður verður bara að vera barn föður síns, ef karl faðir var svo vitlaus að skilja ekki eftir erfðaskrá til að taka allan vafa af því.

[Haraldur Davíðsson, 5.12.2009 kl. 19:51]

Hví leyfir þú ekki látnum manni að hvíla í friði Vilhjálmur?

Hvort sem upphrópanir Fischer voru þér að skapi eða ekki, er sjálfsögð kurteisi að leyfa dauðum að hvílast...

[Vilhjálmur Örn Vilhjálmsson, 5.12.2009 kl. 21:19]

Haraldur, ég skil ekki alveg æsing þinn. Var ég að trufla graffriðinn með því að vonast til þess að meint dóttir Fischers fengi eftir hann arf? Heldur betur langsótt.

[Þór (IP-tala skráð) 5.12.2009 kl. 21:31]

Vélhjálmur þú óvirðir hina látnu með öllu sem þú skrefar. Við draugarnir verðum líka að vera tel.

[Hrúturinn (IP-tala skráð) 6.12.2009 kl. 00:20]

Villi minn,

Þú ertu sagnfræðingur eða "history" ha ha? Enginn fékk að sjá hana, ha ha.

1. Það voru tekin úr henni sýni.

2. Viðtal við við mæðgurnar var sýnt, já, í RUV!!!

Blessað barnið sýndist mér helst vilja sökkva niður úr sætinu. Ekki lík Fissa nema að því leyti að hún virðist næm:) 

[Vilhjálmur Örn Vilhjálmsson, 6.12.2009 kl. 05:46]

Hrútur, ekki get ég séð það sem sýnt var þremur klukkustundum eftir að ég skrifaði þessa færslu. Það er bara einfaldlega ekki hægt sagnfræðilega eða læknisfræðilega.

En svona okkar á milli sagt, og með þá litlu antrópólógíu sem ég hef lært í fornleifafræðinni og það sem Rassi læknri segir mér, þá veðja ég ekki á Jinky. Því miður. Jinky er meiri brachycrane (stutthöfði) en móðir hennar. Það gengur bara ekki upp að hún eignist stutthöfða barn, sem virðist minna blönduð en hún sjálf með manni sem var gyðingur, sem bæði var langhöfði og mjótoginleitur þegar hann var barn. En Fischer lýstist mjög er hann óx úr grasi, öfugt við það sem gerist hjá flestum börnum. Jinky er reyndar með mjög stórt höfuð, sem gæti bent til blöndunar við vesturlandabúa.

Jinky í RÚV fréttinni í gær, minnti mig dálítið á loftbelgsdrenginn vestur í Ameríku, en móðirin virtist einlæg.

Gen og týpur geta líka leikið sér, svo best er að útiloka ekkert. Nei, ég er enn hallur undir Jinky. Kannski er það óskhyggja.

[Vilhjálmur Örn Vilhjálmsson, 6.12.2009 kl. 06:20]

Mikið draugatal hefur verið síðan einn slíkur skrifaði grein um ósæmilega "draugaferðamennsku" í moggann um daginn.

En mér heyrist að Fischer sé genginn aftur, því barnsmóðir hans blessunin, var gjarnt á að tala um hann í nútíð í sjónvarpinu í gær.

Mér sýnist þó að ferðamennskan í Ölfussinu hafi tekið rétta hæð í pólinn. Leiði Fischers er orðið hluti af Suðurlandshringnum, þ.e.a.s.ef maður er nekrófíll.

[Haraldur Davíðsson, 6.12.2009 kl. 11:17]

hvaða æsing Vilhjálmur? Hví þykist þú vita nokkuð um hugarástand mitt, nú eða nokkurs manns, eftir eina setningu?

Ertu að verða eins og JVJ vinur þinn, skyggn og fjarvirkur?

[Sigurður Þór Guðjónsson, 6.12.2009 kl. 14:27]

Ég á bágt með að trúa því að manneskja láti taka úr sér lífssýni til að sanna faðerni barns nema hún sé viss. Hún ætti að vita að slík sýni klikka ekki. Nema hún sé flækt í svikavef og sé notuð af öðrum og þá er þetta orðið sorgarsaga.

[Sigurður Rósant, 7.12.2009 kl. 00:03]

Sæll Vilhjálmur og takk fyrir síðast.

Þú segir:

Þar sem Fischer er jarðsettur austanfjalls, er verið að færa alls kyns skurðgoð og líkneski inn í kirkjuna....

Hvað er það sem þú flokkar sem skurðgoð? Já og líkneski?

Með kveðju

[Vilhjálmur Örn Vilhjálmsson, 7.12.2009 kl. 07:56]

Lesið á  www.chessbase.com

The shrines being delivered to Pastor Kristinn Agust Fridfinnsson by Olafur Thorarinsson of the parish committee and Einar S. Einarsson on behalf of the RJF Committee.

[Haraldur Davíðsson, 7.12.2009 kl. 21:05]

Get tekið undir að þetta er lítilsvirðing...en þá helst við kallinn...hann gaf skít í þetta að ég best veit...en leyfum dauðum að hvílast Vilhjálmur...mig langar að kalla þig Villa..er það í lagi?

[Haraldur Davíðsson, 7.12.2009 kl. 21:06]

aaahh.. gleymdi að taka fram að lítilsvirðingin er líka í garð þess guðs sem sækir viðkomandi kirkju...