Víkingar komu við á Hawaii á leið til Ástralíu

RÚVið heldur áfram lélegum vinnubrögðum. Í gær greindi Rúvið frá víkingum í Síberíu og það án heimilda. Danska dagblaðið Berlingske Tidende greindi líka í gær frá grein eftir rússneskan sagnfræðing, Svetlönu Wolder, sem búið hefur í Danmörku í 14 ár. Sú skrifar harla undarlega grein í tímaritið Siden Saxo, þar sem hún gerið því skóna að "víkingar" hafi farið langtum austar en hingað til hefur verið talið.

RÚV vitnar rangt í heimildir og greinir frá fornleifafundi á eyjunni "Valgatz", sem er skrítið þegar eyjan er kölluð Vaigatz af Svetlönu Wolder, en er þekktust undir nafninu Vaygach (Ostrov Vaygach).

Þegar Svetlana þessi Wolder er spurð, hvort það þurfi endilega að vera norrænir menn sem hafi átt gripi þá sem fundist hafa í Vaygach og sem hún telur norræna, upplýsir hún, að hún hafi miklu fleiri upplýsingar en hún er með í grein sinni.

Ó já, var það ekki eins og gamla manninn grunaði. Svetlana Wolder er ein af þessum merku fræðimönnum sem eru með miklu fleiri rök heima hjá sér en þau sem þeir birta. Slíkir vísindamenn eru ekki hátt skrifaðir hjá þeim fornleifafræðingi sem þetta skrifar.

Mér lýst ekki á blikuna. Ætli Svetlana þessi viti að Samar breiddu út norræna gripi og gripi með norrænum stílbrigðum, þeir voru góðir smiðir. Samar og ættingjar þeirra gætu auðvitað hafa selt einhverjum manni víkingarusl, sem sá gaf öðrum, sem síðar geymdi það áður en barnabarn hans álpaðist út eyjuna Vaygach og tíndi því.  Hlutir án nokkurs samhengis segja lítið eða ekkert um fólkið sem átti þá.

Djöf... er ég orðinn þreyttur á endalausu víkingarugli.

Athugasemdir

[Jón Steinar Ragnarsson, 3.11.2009 kl. 18:20]

Mikið hjartanlega get ég tekið undir þetta niðurlag.

Rússar eru nú þekktir af allskonar Sudosaynkayum  Vayzgayum á vísindasviðinu og eru bækur þeirra vinsælar á samsærissíðum. Einn þessara virtu manna hefur tildæmis uppi kenningu um að allt okkar tímatal og saga, sé fölsunin ein og að mannkyn sé ekki meira en ca. 1000 ára. Hann selur bækur í gámavís. Líklega úr sömu akademíu og Wolger. 

Anars virðist þetta farið að verða einhver trend þessi athyglissýki undirmálsmanna í vísindum. Ef menn eru nógu andskoti banal, þá hljóta þeir skjótan frama eins og Kristnu vísindamennir nir hjá Discovery Institude.

[Jón Logi (IP-tala skráð) 4.11.2009 kl. 09:17]

Fannst ekki rómversk mynt í Herjólfsdal? Ætli fyrsta sjoppan í Eyjum hafi ekki verið "Caesar's" 

Annars var það nú svo með blessaða víkingana, að þeir þvældust víða. Við vitum ekki hve langt þeir komust, og það hefur jú smámsaman verið að koma í ljós að þeir fóru líklega lengra en áður var talið. Við vitum ekki einu sinni hvernig þeir rötuðu svona vel, en það er nú ekki einstakt, þar sem það á líka við um mun eldri siðmenningar og þeirra áhöld til útreikninga.

Gaman væri að vita meira um hina óleystu gátu þar sem í 1000 ára gamalli gröf nærri gamalli kirkju í Noregi, fundust 3 beinagrindur. Þær höfðu allar sama erfðagallann, sem er staðbundinn í Vestanverðri S-Ameríku, og var bundinn við Inka. (þetta er fyrir þeirra tíma).

[Jón Steinar Ragnarsson, 4.11.2009 kl. 12:36]

Þetta var jafn óræð og ógrunduð "staðreynd" hjá Jóni Loga og leyndar sannanir Wolger.

[Sigurður Þór Guðjónsson, 5.11.2009 kl. 18:03]

En hvað segir fornleifafræðingurinn um það nýjasta frá Páli Theódórssyni að landnámið hafi orðið fyrir landnám? Ég gapi alveg upp í þitt álit. Er ég þó yfirleitt harðlega samanbitinn og þumbaralegur mjög. 

[Vilhjálmur Örn Vilhjálmsson, 5.11.2009 kl. 23:07]

Ég sinni svo mörgum gyðinglegum skyldum þessa dagana, að ég má varla vera að því að líta á blogg, þarf meðal að koma út tímaritinu RAMBAM, sem er ekki síðra en Skírnir, sem Páll vinur minn skrifar í. Svo er ég aðra daga að selja merkar bækur til Tyrklands og hins siðmenntaða heims kringum Danmörku, sem ég tel ekki til siðmenntaðs lands.

Ég er auðvitað búinn að skrifa grein um grein Páls, án þess að hafa lesið Skírni.

Hún kemur og þú munt gapa enn meira. Ísland var upphaflega numið af ....... eintómum vitleysingum sem héldu að allt væri hægt og settu svo allt á hausinn.