Ætli Jóni hefði...

líkað við Davíð Oddsson eða sagt upp áskriftinni á Morgunblaðinu?

Ég hef bara ekki hugmynd um það.

Athugasemdir

[Carlos Ferrer (IP-tala skráð) 26.9.2009 kl. 08:24]

Ég hugsa að hann hefði lesið Moggann. Góðir stjórnendur láta ekki persónulega andúð eða vellíkan stjórna því hvaðan þeir sækja upplýsingar.

Hinir, sem segja honum upp í fússi ættu að hafa í huga, að stundum er gott að vita hvað aðrir en skoðanasystkin hafa að segja.

[Jón Steinar Ragnarsson, 26.9.2009 kl. 10:03]

Ætli Jón hefði verið sammála Davíð í afstöðunni til AGS, Ice Save og EU?

Það er magnað að sjá uppsteytið hér hjá mönnum, sem annars gagnrýna sitjandi stjórn með sömu rökum og Davíð í þessum efnum. Skyldi fólk vera búið að persónugera vandann? Hmmm?

Ég hef gagnrýnt forsendur fyrir brottrekstri fyrrverandi ritstjóra. Þær byggja á skoðunum hans. Það er algerlega forkastanlegt.  Þeir hefðu getað gefið út betri ástæður.  Þegar eigendur blaða eru farnir að ráða efni þeirra og túlkunum, hvað þá að stýra skoðunum starfsmanna, þá er fokið í flest skjól.

Annars hefur fjölmiðlun aldrei verið hlutlaus hér, ef út í það er farið. Hér ríkir máttur spunameistaranna, þar sem tilgangurinn helgar meðölin.  Veitir annars ekki af að brjóta upp einsleitni þessa spuna.

Ég er einn af þeim sem styð Davíð hundrað prósent í eftirfarandi afstöðu: Engan AGS. Ekki greiða skuldir óreiðumanna.  Ice Save fyrir dómstóla.  Ekkert evrópubandalag.  Eru margir sem eiga erfitt með þetta?

Eini fjölmiðillinn, sem á að heita hlutlaus, er RUV. Samt berjast sjálfstæðismenn á hæl og hnakka við að koma því í einkaeigu. Ég skil þann geðklofa ekki hjá höfundum fjölmiðlafrumvarpsins (sem ég studdi).

Annars eru áhöld um hlutleysi RÚV, þegar kemur að EU, þar er ég algerlega sammála Dabba. Það er ansi mikil Samspillingarlykt af fréttaflutningi þar af EU.

Ég legg til að menn hætti að einfalda fyrir sér orsakir hrunsins. Það er fátt hættulegra okkur en að ákveða að einn maður sé sekur þar, á meðan böðlar frjálshyggjunnar vaða enn uppi.

Helsti mínusinn við Davíð er vinfengi hans við sósíópatinn Hannes Hólmstein. (þessi sem segir að þetta sé Ólafi Ragnari að kenna)

Það er mér áhyggjuefni og rýrir trú mína á hyggindi Bubba kóngs.

[Vilhjálmur Örn Vilhjálmsson, 26.9.2009 kl. 15:03]

Sósíópat Jón, geturðu ekki fundið eitthvað fallegra orð. Ég gæti talið upp ýmsa sem eru sósíópatar, en ekki Hannes Hólmstein.

[Jón Steinar Ragnarsson, 27.9.2009 kl. 12:50]

Kannski tek ég of djúpt í árinni, en þetta var það fyrsta sem mér datt í hug.

Kannski þú leggir sterkari meiningar í þetta en ég. Vafalaust eru þær aftæðar.

[Vilhjálmur Örn Vilhjálmsson, 27.9.2009 kl. 13:04]

Nei, ég tek undir þessa skilgreiningu á Wikipedia, en hún á ekki við Hannes Hólmstein. Það er bara af og frá. Mér finnst hins vegar oft vera furðumiklar líkur á því að öfgafullir vinstrimenn séu sósíopatar.

[Vilhjálmur Örn Vilhjálmsson, 27.9.2009 kl. 13:07]

Carlos, ég held líka að hann hefði lesið Moggann. Hann hefði líklega verið ritstjóri þar. Þetta Dabbahatur er nú gengið út í öfgar. Dálítið sósíópatískt, ekki satt Jón Steinar??

[Jón Steinar Ragnarsson, 28.9.2009 kl. 11:02]

Jú ég er algerlega sammála þér að þetta Dabbahatur er gengið út yfir alla þjófabálka. Veit ekki með skilgreininguna, en ég myndi heldur líkja því við schizophreniu, þar sem þjóðin er á hinn bóginn algerlega sammála áliti Davíðs í flestu er varðar áhyggjuefni dagsins.

Nú tekur hún heilshugar undir spuna Darling um að hryðjuverkalögin, séu Davíð að kenna og gleypir við spuna breskra blaða, sem reyna að klóra yfir gerninginn. 

Davíð gaf sitt persónulega álit að við ættum ekki að greiða skuldir óreiðumanna. Hann var ekki forsætisráðherra og þetta var ekki yfirlýsing stjórnvalda. Ekki einu sinni seðlabankans, sem hefði þá gefið hana út skriflega. Það hefði þó engu skipt, því Seðlabankinn er ekki lögjafarvaldið né framkvæmdavaldið.

Menn gleyma því að Darling var og er Govenor AGS í Bretlandi, um leið og hann gegnir embætti fjármálaráðherra. Hann gengur eriinda AGS, sem vinnur hörðum höndum að því að kúga okkur og knésetja. Handrukkari þeirra er hafa einræðisvald í stjórn hans. Breta og bandaríkjamanna.

Norska þingið samþykkti lán til okkar í nóvmber, en sjóðurinn var kominn inn á teppið hjá Halvorsen daginn eftir til að stoppa lánið og fá hana til að setja það í "lánapakka" sjóðsins. Sama var um Rússa og alla þá sem hafa vogað sér að nefna aðstoð við okkur.

Ef fólk fer ekki að sjá hvað er í gangi, þá á það skilið, það sem yfir það dynur. Hér er fjölskyldan með krumlurnar á kverkum hvers annars á meðan ræningjarnir valsa um óáreittir. 

Það er sama hvaða spuni er settur á borð hér. Allir virðast gleypa hann eins og múkkar, jafnvel þótt þversögnin sé himinhrópandi, eins og í þessu Davíðsvúdúdúkkusyndromi.