Einsleit þjóð

Þegar erlendir ferðalangar heimsóttu Ísland fyrr á tímum höfðu margir það oft að orði hvað Íslendingar væru líkir hvorir öðrum. Glöggt er gests augað. Menn tóku sérstaklega eftir kubbslegu höfuðlagi margra Íslendinga. Grái húðliturinn kom einnig til tals og sumir ferðalanganna sögðust ekki hafa séð slíkan húðlit nema á meðal Sama í Norður-Noregi og Íslendinga. Síðar uppgötvuðu menn að þetta var allt vegna vægrar skyldleikaræktar. Skyldleikinn og klíkuskapur gerði að einn „stofn" hreinræktaðra íslenskra karla fékk með tímanum samanrekið og kubbslegt útlit, lítil og stutt nef og mörg kvenleg einkenni. Jón Steffensen heitinn, læknir og mannfræðingur sagði mér eitt sinn, að hauskúpur íslenskra karla væru mjög kvenlegar og að það væri stundum erfitt að sjá hvors kyns var.

Myndin hér að ofan sýnir þetta í hnotskurn. Fjórir menn á sviði Iðnó. Sama höfuðlag (kubbahaus; einnig kallaður þverhaus í eldri ritum), sama holdafar, sama barnslega ennið, hakan, sama litla, krúttlega nefið, sami hárliturinn, sömu litlu eyrun, sama jakkasettið, sömu augnabrýrnar, sama hesið undir hökunni, sami svipurinn, já og sjáið hnakkann. Bindin eru þó mismunandi. Eru þetta fjórburar, bræður úr afdölum austanlands, eða vel heppnuð tilraun langhöfðans Kára Stefánssonar til klóna hagfræðimonster?  Svarið er Nei og aftur nei. Þetta er árangur 1135 ára ræktunarstarfs.

Þessi mynd sýnir hinn virta, ítalska mannfræðing Manfred Quephallo Mesochrani frá Hunter Ketchup College i New York, sem hefur stundað rannsóknir á Íslandi á áratugi á styrkjum frá Birni Bjarnasyni fyrrv. menntamálaráðherra, sem um tíma sótti námskeið á Ketchup College. Hér er Mesochrani að rannsaka dæmigerðan íslenskan mann með kubbahaus. Tekið eftir nefinu og enninu og hesinu. Eftir miklar rannsóknir Manfreds Mesochranis er einnig komið í ljós að Elton John er greinilega af íslenskum ættum.

Athugasemdir

[Ragna Sigrún Kristjónsdóttir (IP-tala skráð) 20.9.2009 kl. 10:26]

haha

[Rafn Haraldur Sigurðsson (IP-tala skráð) 20.9.2009 kl. 11:19]

Skemmtilegt að virða þá kumpána fyrir sér. Eins og þú segir annarsvegar þessi íslenski með kubblslega hausinn og littla kúlunefið sem stendur þar út og hinsvegar mannfræðinginn sem er með enni í átt við skíðabrekku og í framhaldi af enninu kemur svo nefið sem er eins og skíðastökkpallur í Holmenkollen eða hvað það nú heitir.

Ekki ætla ég að dæma hvort sé fegurra. En konan mín sem er erlend segist alltaf þekkja íslendinga frá öðrum þjóðum hvar sem við erum stödd í heiminum. Við höfum stundum leikið okkuð að því á flugvöllum erlendis að reyna að þekkja íslendinga frá hisminu. Verð að viðurkenna að hún hefur ansi oft rétt fyrir sér.

kveðja Rafn.

[Sigurður Þór Guðjónsson, 20.9.2009 kl. 14:25]

Ekki má gleyma þeim íslensku þverhausum sem blogga svo krúttlega úr danaveldi.

[Hólmfríður Pétursdóttir, 20.9.2009 kl. 15:47]

Skemmtilegt!!!

Ég man að það var ekki jafn skemmtilegt að láta skólastjóra í Reykjavík, mæla, þukla og skoða höfuðlag barnanna í bekknum. Þetta gerðist þó fyrir rúmum 50 árum í ,,mínum bekk."

[Árni Matthíasson , 23.9.2009 kl. 08:38]

Manfred Quephallo - Frábært!