RÚV á bágt. Erindi beint til gráa Boga.

Eins og ég skrifaði í gær á fréttastofa RÚV stundum bágt. Geta fréttamenn Sjónvarpsins ekki sagt alla söguna, þannig að aðalatriðin eru með?

Í gær var greint frá því að Amadínijad í Íran ætlar sér að setja Ahmad Vahidi í embætti ráðherra. Greint var frá því, að maður þessi er eftirlýstur hryðjuverkamaður, sem stóð á bak við sprengjuárásir í Argentínu. Sjá fréttina hér.

En af hverju Argentína?, hljóta einhverjir að spyrja. Hvað hefur Argentína nokkru sinni gert Íran? Af hverju eru menn að hatast út í í Argentínu?

Fréttasnápar og -snípur RÚV, hér er upplýsing handa ykkur, sem þið mættuð tattúera á handlegginn: Það eru gyðingar Argentínu sem ráðist var á í Argentínu. Írönsk yfirvöld og öfgamúslímar um allan heim drepa gyðinga, eða hóta að gera það. En það telst til aukaatriða á Ríkisútvarpinu, því þar taka menn sífellt þátt í sögufölsun og fréttafölsun, þegar kemur að ofsóknum á hendur gyðingum.

18. júlí 1994 sprakk sprengja í félagsheimili gyðinga Asociación Mutual Israelita Argentina (AIMA) í Buenos Aires, 87 voru drepnir, ekki bara gyðingar. Um 100 manns slösuðust alvarlega.  

Hvað hefði tekið langan tíma að lesa þetta fyrir fréttaþulinn? 5-6 sekúndur? Í dag var hins vegar frétt í hádegisfréttum útvarpsins, þar sem sagt var frá presti í Noregi sem sussaði á fólk.

RÚV og fréttastjóranum Boga, finnst merkilegra að segja frá því að kona sem pökkuð er í svartar gardínur sé orðin ráðherra í morðveldinu Íran. Það er svona álíka og þegar Jóhanna varð ráðherra á Íslandi. Það var svart og það var ekki til bóta.

Snertið myndina til að sjá hana stærri.

Þarna sjáið þið argentínsk fórnarlömb hryðjuverka múslíma.

Athugasemdir

[Jóhannes Laxdal Baldvinsson, 4.9.2009 kl. 15:06]

ó boy, þetta var beitt   en heldurðu að yfirborðsmennskan minnki nokkuð?

[ath (IP-tala skráð) 4.9.2009 kl. 21:30]

Bogi er reyndar ekki fréttastjóri.

[Vilhjálmur Örn Vilhjálmsson, 5.9.2009 kl. 08:22]

Rétt, það er víst Óðinn, en Bogi er fréttastjóralegri.

[Sveinn (IP-tala skráð) 5.9.2009 kl. 17:47]

Já fréttasnápar og -snípur samfylkingarútvarps  Sovét-Íslands hafa sennilega ekki áhuga á hverjir voru drepnir af þessum hryðjuverkaráðherra Írans það voru bara einhverjir suður-amerískir gyðingar ekki einu sinni frá Evrópusambandinu "who gives a shit"

Sveinn