Ísland afgreitt Down Under

Ekki af ruglaðri yfirborðskerlingu frá 60 Mínútum í Ástralíu, heldur af því "mannavali" sem hún talaði við: Víkingar sem spóluðu í moldarflagi, miss Iceland sem ætlaði að fara að borða þang, og annar leikaraskapur. Aðalhetjan, Steini staur, var greinilega enn svekktur yfir því að hann fékk aldrei boðsmiða á Elton John í afmæli eins svindlaranna. Mikið hefur Steina nú hrakað síðan þetta var tekið upp.

Menn verða vara sig á því hvað þeir segja við útlendinga um landið sitt. Hvað ætli afkomendur afbrotamanna í Ástralíu haldi?

Var þetta ekki annars tekið upp fyrr í ár, um leið og ástralskur fjárglæframaður reyndi að kaupa hér billegt á brunaútsölu Moggans?

Athugasemdir

[Jón Steinar Ragnarsson, 4.9.2009 kl. 19:11]

Ótrúleg samsuða. Allir voru samtaka í því að mála okkur skrítna,og  klikkaða og heimska frummenn. Líklegast voru um 90% þáttarins helber þvættingur.

1. Torfæra er þjóðaríþrótt Íslendinga.

2. Sjómenn brugðu plássi og fóru að fikta við að reka banka. (ekki einn sjómaður kom að stjórnun bankanna)

3. Við trúum almennt á Álfa og tröll. (djöfull hvað það er orðið þreytt. Og þetta með vegina sem krækja hjá álfabyggðum)

4. Við slökum á í stæsta heitapotti heims í lok dags. (myndir úr bláa lóninu stappfullu af túrhestum)

5. Við erum afskaplega róleg yfir þessu öllu saman. (túristarnir í bláa lóninu voru það)

6. Við erum Víkingar. (Ég gubba. Við erum að þrem fjórðu Írskir þrælar)

7. Við eigum mikinn auð í orkulindum. (ekki mikið lengur ef öll prospekt ganga eftir)

8. Við erum vön hörmungum og hamförum. (samkvæmt Steina Quisling. Yeah right)

9. Þulurinn súmmerar þetta svo upp í byrjun með því að segja eitthvað á þá leið að fyrst við vorum svo hlandvitlaus að koma okkur í þessa súpu, þá mætti eins gera ráð fyrir því að við værum nógu heimsk til að koma okkur úr henni. (djúvitrara verður það ekki.)

Fólk er bara nokkuð ánægt með þetta, enda er sjálfsfyrirlitningin nánast ráðandi hjá fólki. Það er bara gott að útmála okkur sem hálvita á veraldlegum og andlegum sviðum. Hjárúafullum útnárasjóurum, einfeldningum og óvitum.

Frábært! Það er verið að tala um okkur. Lila skrítna Ísland með geggjuðu fábjánunum. Alltaf gaman að því.

[Vilhjálmur Örn Vilhjálmsson, 4.9.2009 kl. 19:26]

Eins og hugsað með mínu höfði, Jón Steinar. Ég er þó hvorki komin af írskum þrælum né víkingum. Kerlingarskömmin hefur hlegið sig máttlausa alla leiðina suður í Siðleysu. 

[nicejerk (IP-tala skráð) 5.9.2009 kl. 14:21]

Ég sé ekki betur en að þessi skrif hérna séu einungis til að ýta undir núverandi vandræði og búa svo um hnúta að fólk flokki sig sig sjálft í flokka, einungis til að réttlæta áframhaldandi vandræði.

Gyðingar, fótboltabullur, sígaunar, baskar, Íslendingar, Færeyjabúar, Grænlendingar, indjánar Norður Ameríku, indjánar Suður Ameríku, þjóðarbrot í Kína, þjóðarbrot á Balkanskaga, þjóðarbrot um alla Afríku o.s.frv. Hvaða endemis bull og hræsni er í þér að taka fram gyðinga frekar en alla aðra hópa. Það eru svona skrif sem leiða af sér 'sjálfsflokkunarmeðaumkun´ og hjarðdýr koma sér undan því að taka ábyrgð á eigin lífi og afleiðingum gerða sinna. Þessir apakettir líta á sig sem 'fórnarlömb' einhverra hluta vegna.

Dagleg innbrot, líkamsárásir og önnur samfélagsbrot eru okkur miklu nær en einhvers konar ´sjálfsflokkunarheilkenni´ sem einungis er hugtak hvort sem er. Gyðingur getur einnig orðið nýtilegur samfélagsþegn rétt eins og margir Íslendingar, sígaunar og Grænlendingar o.s.frv.

Múslimar og kristnir eru einnig einungis hugtök, rétt eins og fótboltabullur.

Fólk sem skilur ekki hvað heimurinn hefur að bjóða, án tillits til trúar, litar og málfars er vorkun. Af slíku fólki skín þröngsýnin skært, sem lýsir í hnotskurn og heimsku, reynsluleysi og tilraun til upphefjunar taumlausrar heimsku og tillitsleysis við aðra.

Ég bara óska þér betrunar og alls hins besta.

[Vilhjálmur Örn Vilhjálmsson, 5.9.2009 kl. 14:55]

Jerk, hvað ertu að mása? Kanntu að lesa, eða ertu á lestrarnámskeiði á milli línanna. Þú skrifar dálítið eins og þú haldir að þú sért Guð sjálfur og alvitur, miklu betri en við hin, heimsku og tillitslausu. Gerðu það fyrir okkur að sýna þá lágmarks kurteisi að snúa ekki út úr, þó sért svona andskoti stórfenglegur.

[nicejerk (IP-tala skráð) 5.9.2009 kl. 17:12]

Ég renndi yfir fyrstu 2-3 bloggin hjá þér vegna links á mogganum. Ekki það að ég hafi verið að leita að þér. Ég skoðaði í gær videoið frá DownUnder og fannst það skondið, því það er mikill sannleikur sem kemur fram á háðulegan hátt (sem danir eru einnig snillingar í).

En ég er með mínu kommenti hér að ofan kommentera einnig á fyrri pósta, því að fólk undir 35 ára aldri virðist að jafnaði ekki hafa nægan þroska til að taka sjálstæðar ábyrgar ákvarðanir og sú staðreynd er misnotað af ´sjálfsflokkunarhópum´, sem er aftur stjórnað af hagsmunaaðilum.

Bæði Hitler, Stalín og Maó nýttu sér ungmenni í áróðri og byltingum, sem hefðu aldrei getað gerst nema vegna ´heimsku og þroskaleysi ungmenna'. Krakkar fundu eitthvað að trúa á, svipað og sumir aðhyllast Hells Angels í dag. 

Mín trú eða trúleysi kemur engum öðrum við og hví í ósköunum ætti trú annarra að koma mér við eða valda mér vandamáli. Þetta er bara púra hræsni. Hvaða apaköttur ber sína trú á borð fyrir aðra, nema til að skapa vandamál? Trú er einkamál okkar allra.

Og er eitthvað að því að segja sannleikann við 'útlendinga'? Vilt þú halda áfram að búa í lygasögu?´Grow up, taktu ábyrgð og stattu við sannleikann, því annars nærð þú aldrei sátt við sjálfan þig.

Ég vil bara marg-afsaka mig ef þér finnst ég hafa slengt fram einhverju óviðeigandi, því það var alls ekki meiningin. Mér liggur meir á hjarta að unnið sé að lausn nærliggjandi samfélagsvandamála en að fókusera á komment í útlöndum og hræsni trúflokka.