Ljótukarlafélögin

Fyrir mörgum árum var til hlaupafélagsskapur sem þvoði af sér svitann í Vesturbæjarlauginni. Þetta voru karlar, sem voru komnir á þann aldur, að það var kominn dauðapaník í þá, því það var farið að halla aðeins á seinni hlutann. Þeir voru flestir í kapphlaupi við dauðann og að eyðileggja hnén á sér. Annað félag, sem ég man ekki nafnið á, kallaði þessa hlaupara: ljótukarlafélagið. Ég bað aldrei um skýringu á því heiti. Það átti bara svo vel við.

Maður gæti haldið, að eftir mikil hlaup yrði heilinn hreinn og endurnærður, eins og eftir sundssprett. Ekki fór mikið fyrir því hjá Ljótukarlafélaginu. Það voru einkennilegir hlutir sem komur stundum út úr þeim að hlaupunum loknum.

Ég man sérstaklega eftir einum sem snobbaði mikið fyrir skáldi í hlaupateyminu. Skáldið virtist ekki tala mikið. Eitt sinn masaði sá málglaði mikinn um Shirinovski hinn rússneska, sem honum þótti merkilegt að væri "gyðingur"; "Það skýrði ýmislegt", samkvæmt þessum spretthlaupara. Skáldið gaf frá sér eitthvað hljóð, sem kom út um nefið. Sá málglaði og másandi var alveg á því, að tillögur um að gera Ísland að fangelsi væri einmitt eitthvað sem aðeins gyðingar gætu hrint í framkvæmd.

Nú virðist sem þetta hlaupafélag sé búið að sætta sig við að Elli kerling tekur líka tolla af þeim sem hlaupa. Þeir sjást ekki lengur í Vesturbæjarlauginni, er mér sagt. En við þurfum enn mikið að koma fangelsismálunum í lag. Ekki fyrir Rússa. Þeir búa yfir aldagamalli hefði í fangelsum, hælum og gúlögum. Þeir kunna fagið.

Síðan Shirinovski stakk upp á því að gera Ísland að einu stóru fangelsi, er komið í ljós að stór hluti mektarmanna á Íslandi voru fæddir krimmar og fangelsislimir, og að á Íslandi eru mörg ljótukarlafélög sem bera það nafn með rentu. Það eru margir Íslendingar sem hafa hlaupið illa á sig. Nú vantar nýtt heimili fyrir fjárglæframenn og vítisengla.

Hvað með búðirnar við álverið á Reyðarfirði? Ég sá að þær voru nýlega boðnar til sölu - í heilu lagi. Er ekki nóg pláss þar fyrir alla krimmana? Búðir að rússneskri fyrirmynd í glæsilegri náttúruumgjörð. Stórmengun og margir kommar á svæðinu. Þarf nokkuð annað en girðingarefnið? Kannski hægt að fá það ókeypis frá Pútíníu. Þetta yrði atvinnuskapandi.

Í austrinu stígur sólin upp. ... sveifla haka og rækta nýja jörð! Siggi Einars, aftur nú...

Athugasemdir

[Flosi Kristjánsson, 1.9.2009 kl. 16:26]

Guð forði þér frá því að meina þessa snillinga:

     http://hlaup.blog.is/blog/hlaup/

[Ragnhildur Kolka, 1.9.2009 kl. 17:34]

Og hlaupakarlarnir þurfa ekki lengur að hafa áhyggjur af ónýtum hnjám, því nú á að reisa hér spítala til að gera við öll þessi heilsuræktarhné sem bila.

[Vilhjálmur Örn Vilhjálmsson, 1.9.2009 kl. 17:38]

Það gæti nú meira en verið. Mér þóttu þeir afa fornir. Flestir frá því um eða rétt eftir 1944 og vel súrsaðir, svona eins og ég er að verða núna. En ef þeir eru enn að hlaupa, hljóta að vera aðrar aðrar kenndir sem rekru þá áfram en fyrir 12-13 árum, þegar dauðinn virtist var á hælum þeirra, og þeir rétt á undan.

Mitt mottó er: "Hlaupa í hófi, t.d. út í sjoppu". Það er miklu auðveldara að hlaupa í spik.

[Rauða Ljónið, 1.9.2009 kl. 18:20]

Mér finnst álversbúðingar vera of vistlega fyrir þá.

[Rauða Ljónið, 1.9.2009 kl. 18:21]

álversbuðirnar

[Vilhjálmur Örn Vilhjálmsson, 1.9.2009 kl. 19:50]

Sigurjón, ekkert er nógu gott fyrir fangaverðina okkar. Það verður hægt að hafa 68 glæpona í skála en inn skála fyrir hvern gæslumann. Annars fást menn ekki til að fara austur til að passa þjóðarstoltið. Fangaverðirnir geta líka fengið að passa límósínurnar og HD-hjólin meðan synir þjóðarinnar sitja sína lífstíð og horfa á sólina koma upp í austri.

[Aðalbjörn Leifsson, 2.9.2009 kl. 10:56]

Ég er með hugmynd, sendum vondu og ljótu kallana til Gaza, þar væri hægt að gaza þá og gera þá gasalega flotta. Hamas gæti þá líka hamast í þeim, gasalega væri gaman að sjá þá.

[Vilhjálmur Örn Vilhjálmsson, 4.9.2009 kl. 19:12]

Alli, mér er sagt að sumir hafi hlaupið gasalega mikið á sig á Gaza.

Sumir segja, að ekki sé hægt að stunda þar hlaup, nema upphlaup.

ha ha ha..... þetta var víst ófyndið.