Total Makeover Bitch ræðst á Dorrit í London

Loksins önnur agúrka en bútun Michaels Jacksons eða Iceseve-lygar ríkisstjórnarinnar. Það er einfaldlega ekki á hverjum degi að forsetafrú á Íslandi kemst í heimsfréttirnar. Þessu ber að fagna.

Dorrit, sem ég hélt að væri á Bessastöðum sem stoð og stytta eiginmanns síns sem allir forsmá og ofsækja, á víst líka erfiða daga. Einhver dómadags Makeover bitch, sem býr í næsta stigagangi við Dorritu í London, var með svo lélegar pípur og klóak, að Thames fór að renna yfir til Dorritar. Sú endurgerða, Tiggy Butler, hefur ásakað Dorrit um húsbrot, ósæmilegt orðbragð og meira til.

Samkvæmt fréttum DailyMail er þetta orðið að dómsmáli. En sem betur fór fyrir okkar frú, hefur sú endurgerða, sem er innanhússhönnuður, dregið mikið af ásökunum sínum til baka og hefur þurft að borga Dorrit 80% af skaða þeim sem hlaust af þegar vatnið úr baðinu hennar fór yfir til Dorritar, og eyðilagði íslenska lopann hennar.  

Greinilegt er, ef dæma skal út frá þessu máli, að Dorrit er skapstór, og er það plús fyrst maðurinn hennar er gunga, t.d. enn ekki búinn að blanda sér í og stöðva Icesave-frumvarpið.

Dorrit er þó ekki alveg eins skapstór og Tiggy Butler heldur fram, en Tiggy laug því til dæmis að Dorrit hefði vippað sér yfir 2 metra vegg yfir til sín til að skipta sér að lekanum. Þetta segir Dorrit ómögulega fjarstæðu, þar sem hún var á hækjunni daginn sem þetta átti að hafa gerst. Hún hefur aldrei stokkið hærra en 1,84 síðan á Makkabí leikunum í Herzlia árið 1971. Old Baily trúði heldur ekki á söguna um vegginn og stökkið, þótt alvitað sé að Dorrit geti stokkið upp á nef sér.

Það geta auðvitað allir séð á myndinni hér að ofan, að kerlingin í næsta húsi við Dorrit er algjört bitch, með gervibrjóst og gervibakgrunn. Dorrit var nú líka fljót að taka hana með sniðglímu á lofti fyrir að hafa vætt lopann sinn.  Hún sagði: "Ég þekki ekki Tiggy en ég þekkti áður kærasta hennar Tony Ryan sem er heillandi maður". Þannig skrifar http://www.visir.is/  að minnsta kosti. Tony var kannski heillandi, því hann hefur ekki flogið mikið síðan 2007 er hann fór í hinstu flugferðina - ef þið skiljið hvað ég er að fara.  

Ég segi bara eitt. Það er gott að Dorrit á ekki nágranna á Íslandi. Ég ætla að taka hús á hana síðar í mánuðinum. Ætla að skoða demanta fyrir konuna mína. Já, það eru ekki allir sem voru með Icesave reikning... þótt kúlulánið hafi leikið við marga.

Athugasemdir

[Aðalbjörn Leifsson, 4.7.2009 kl. 07:41]

Halló  er ekki frúin af Júða ættum?? Ætt Gunnars á Hliðarenda hefði stokkið yfir vegginn, en ætt Jósúa hefði mulið niður múrinn með herópi einu saman, sbr. Jeríkó múra um árið. Hvað er að gerast??

Er hún orðin máttlaus af því að umgangast hinn óhreina mann sinn?? Hverjum er honum líkt aftur viðð???

[Sóldís Fjóla Karlsdóttir, 4.7.2009 kl. 10:47]

.....hahaha.

[Jón Baldur Lorange, 4.7.2009 kl. 12:00]

Meinfyndin pistill hjá þér Vilhjálmur Örn. Svona eiga blogg að vera. Finnst innlegg Aðalbjörns hér að ofan óveiðeigandi og honum ekki til sóma.

[Sigurgeir Orri Sigurgeirsson, 4.7.2009 kl. 12:52]

Góður.

[S.H. (IP-tala skráð) 5.7.2009 kl. 06:25]

Adalbjörn Leifsson.

Ekki veit ég af hvada hvötum thú notar ordid Júdi en ég felli mig ekki vid thad. Ordid hefur í nútíma íslenzku nidrandi merkingu og getur thú sannfaerst um thad med thví ad slá upp í íslenzkri ordabók. Ad ordid kemur fyrir í Passíusálmunum er theirra tíma málnotkun og ekkert um thad ad segja. En í nútíma hlutlausri íslenzku á ordid ekkert erindi.

Thad er varla tilviljun ad svörnustu andstaedingar Gydinga á Moggablogginu nota ordid af "vällust"

Vil benda á ord málvöndunarrádgjafa RUV, Ásmundar Angantýssonar, í svari til mín fyrr í vor eftir athugasemd vid málnotkun í einum thaetti Ríkisútvarpsins:

"það er rétt að orðið júði er oft notað í niðrandi merkingu í nútímamáli þannig að það er full ástæða til að sneiða hjá því"

[Rut Sumarliðadóttir, 5.7.2009 kl. 12:31]

Mikið svakalega ertu skemmtilegur félagi.

[Vilhjálmur Örn Vilhjálmsson, 6.7.2009 kl. 13:38]

Rut, ertu ekki að rugla mér við bróður minn, þennan leiðinlega.

Aðalbjörn, hvað hefur þú þér til málsbóta, geðingurinn þinn?  

[Rut Sumarliðadóttir, 6.7.2009 kl. 14:52]

Eigi veit eg það svo obboðslega gjörla. En ég las öll bloggin þín frá upphafi vega. Og finnst þú ennþá skemmtilegur penni og hana nú.

[Aðalbjörn Leifsson, 7.7.2009 kl. 10:13]

Ég iðrast og mun ganga um í hærusekk og strá mig með ösku og biðja almættið um að sýna mér miskunn og dæma mig ekki hart. Ich liebe JUDEN. (Vona að "Fritzarar" verði ekki reiðir fyrir út af þessu) Guð geymi þig og þína í Jesú nafni Amen.