Stjórnarsáttmáli um Palestínu ?

 

Þegar ég sá stjórnarsáttmála vinstri bandalagsins, sem nú ræður ríkjum í landinu, fannst mér slíkt plagg eins og oft áður vera bæði tímaskekkja og rugl. Menn tala hátíðlega um velferðarríki í norrænum stíl og 100 daga áætlun. Fimm ára áætlanir kommúnistaflokks Sovétríkjanna stóðust aldrei. Hvers vegna eru Jóhanna og Steingrímur að keppa við Stalín eða Gunnar í Krossinum um að redda öllu á hundrað dögum, og lofa lýðnum paradís á jörðu í norrænum velferðarstíl. Það er ekki raunhæft. Ísland heitir landið en ekki Útópía. Hér fór allt til andskotans á haustmánuðum.

Svona plagg sýnir okkur að stjórnmálamenn og venjulegt fólk lifir ekki  í sama heimi. Engin vandamál leysast á 100 dögum og jafnvel ekki á 1001 nótt - ekki frekar en að löng og ströng ESB-aðildarviðræða. Vonandi er að hún komi fyrir menn vitinu.

Eftir langan leiðindalestur komst ég alla leið á bls. 16 í nýja stjórnarsáttmálanum. Þar á næstsíðustu blaðsíðu stjórnarsáttmálans, sem er uppskrift að því hvernig á að bjarga íslensku þjóðinni af heljarþröm, er allt í einu komin þessi setning inn í sáttmálann: Áhersla er lögð á að byggja upp pólitísk tengsl við heimastjórn Palestínu og að Íslendingar styðji ákvörðunarrétt og sjálfstætt ríki þeirra og styðji áfram Friðarráð palestínskra og ísraelskra kvenna.

Katrín Jakobsdóttir hefði nú átt að lesa þetta yfir. Þarna er vísað í "sjálfstætt ríki þeirra", án þess að greint hafi verið frá því hverjir "þeir" séu.

Það eru að minnsta kosti ekki Kúrdar, því þeir eru hvergi nefndir í þessum stjórnarsáttmála, ekki frekar en Tamílar eða allt það fólk sem slátrað er í Afríku í nafni Allah hins háa og heilaga með blessun Arababandalagsins. Hvað með stuðning við málefni Sama, sem þó er skildari Íslendingum en Palestínumenn?  Nei, nýja stjórnin brennur fyrri málstað Palestínuþjóðarinnar, sem leynt og ljóst hafa eyðingu Ísraelsríkis á stefnuskrá sinni.

Ætli næstu 90 dagar verði vart til annars en að efla böndin við góðvini vinstri stjórnarinnar á Íslandi í Palestínu?

Athugasemdir

[Vilhjálmur Örn Vilhjálmsson, 16.5.2009 kl. 15:52]

Æi, ég braut bloggbindindið sem ég var búinn að boða, en mönnum er svo heitt í hamsi þar sem ég er nú.

[Hilmar Gunnlaugsson, 16.5.2009 kl. 18:42]

Ég tel fráleitt að Íslensk stjórnvöld skuli lýsa yfir stuðningi sínum við heimastjórn Palestínumanna. Stjórn sem brýtur mannréttindi þegna sinna og Ísraelskra borgara m.a. með stuðningi við hryðjuverk.

Það er sjálfsögð krafa að ætlast til þess af stjórnvöldum að þau styðji ekki á bak við ólýðræðislegar ríkisstjórnir en jafnframt að þau leggi sitt af mörkum við að stöðva ófriðinn sem þarna hefur geysað og það verður best gert með stuðningi við ríkisstjórn Ísraels.

[Skúli Skúlason (IP-tala skráð) 17.5.2009 kl. 09:41]

 Góðan  daginn Villi  á þessum sunnudegi, þann 17. Maí 2009.

 

Það  er áhugavert  að  lesa  stefnuskrár  VG  og Samfylkingarinnar  að  því  er  varðar mannréttindi.   Þær  samþykktir  sem þar  birtast   eru   svo  þvers   á   það  sem   Hamas múslímarnir á  Gaza  stunda,  að  manni  dettur  helst í hug  að   fólkið  sem  ræður   ferðinni   í  þessum  flokkum  hafi  ekki minnstu hugmynd  um  að  það  er  hér  að  fást  við  harðsvíraðan  glæpalíð,  sem  einskis  svífst.

 

 

Með  stuðningi  þessara  flokka  við  ofstopafólkið  í Gaza og Vesturbakkanum,  er  einnig  verið  að  lýsa  yfir  stuðningi  við  fjöldamorðin  á  Kristnu  fólki  í S.-Líbanon  á  árunum um  1973  og  allir  vita  það  að  samþykktir  Fatah, PLO  og  Hamas  (sem  er  útibú  Egypska  múslímabræðralagsins)   ganga  út  á  það  höfuð  atriði  að   eyðileggja  Ísrael,   sem  er  brjóstvörn  vestrænnar menningar.

 

Nú  er  ég  ekki  að  segja  að VG og Samfylkingin í þessari  nýju  stjórn  sé  mikið  heimskari  heldur en  stjórn Geirs og  Sollu,  sbr  atburðina   í apríl  2008  á Íslandi  þegar  tekið  var   á  móti Fatah  gangsterunum  með pompi og prakt  af  íslenska   brass liðinu. 

Þetta  er  stuðningur  við  gangsterana  sem  skjóta á  Ísraelsmenn,  af þökum  sjúkrahúsa  fullum  af  ósjálfbjarga  sjúklingum  og  skóla fullum  af  börnum  ásamt  öðrum  byggingum  álíka  þéttasetnum.

 

Skömm  sé  þeim  íslendingum  sem  ýta  undir  og  lögleiða  slíka  ómennsku og  siðleysi   palestínuarabamúslíma  hér  á  Íslandi.

  

[Ragnhildur Kolka, 17.5.2009 kl. 11:47]

Palestínudekrið er arfleifð Rússadekursins sem eimir eftir hjá gömlu kommunum. Darfur og Congo og hvað þeir nú heita allir þessir staðir sem slátrunin fer fram á nú til dags voru utan áhugasviðs Rússa. Fánar foreldranna blakta nú við hún hjá ungum kommum.

Ef einhver vafi leikur á því hver stjórnar hér á landi þá má benda á að Steingrímur Joð hefur lýst sig Pabba þjóðarinnar og Jóhönnu Mömmu. Svei mér þá ef Stalín, Maó, Castró og þessi Kim eru ekki bara búnir að koma sér fyrir handan við hornið.

Þetta er eitthvað svo "öreigar allra landa sameinist-legt" og í takt við gamlar hefðir þá eru sumir jafnari en aðrir. Palestínuarabar eru jafnastir.