Harmleikur í Borgarleikhúsinu og á RÚV

 

Nú flytur Borgarleikhúsið leiksýningu um Rachel Corrie, sem lést af slysförum þegar hún tók þátt í aðgerðum á Gaza árið 2003. Rachel Corrie var ekki friðargæsluliði eins og haldið hefur verið fram á RÚV og í tengslum við auglýsingar á leiksýningunni í fjölmiðlum. Hún var liðsmaður í samtökum, sem hafði og hefur einhliða skoðun á málefnum Miðausturlanda. Það er ekki  gott veganesti fyrir friðargæsluliða á þeim slóðum. Í augum Rachel Corries var Ísrael skúrkurinn og Hamas sakleysið uppmálað.

Fréttastofa RÚV birtir fréttir af þessari leiksýningu og Bogi Ágústsson var á Morgunvaktinni, með yfirborðskenndar upplýsingar um örlög Corries. Einnig var sýnt frá leiksýningunni í sjónvarpsfréttum kvöldsins. Því miður er áróðurinn einhliða og sannleikanum ábótavant í þessum umfjöllunum ríkisfjölmiðilsins á Íslandi.

Þegar stuðningshópur sá sem Corrie tilheyrði, og aðrir fréttamiðlar Hamas greindu frá því sem gerðist árið 2003, fór fram fólskuleg fréttafölskum. Myndum og kvikmyndum af atburðinum var breytt. Myndir teknar að morgni vour birtar og því haldið fram að þær væru teknar síðla dags. Dauði Corrie varð að leikatriði í svikamyllu fréttafölsunar Palestínumanna. Þetta er hægt að lesa um víða á netinu.

Rachel Corrie var ekki myrt af Ísraelsher, hún lést af slysförum í tengslum við blinda og einhliða baráttu sína fyrir Palestínumenn. Samtök þau sem Rachel Corrie barðist fyrir er einum um að kenna hvernig fór.

Leitt er að sjá að Fréttastofa RÚV hafi ekki gert málinu betri skil í gær og dag. Menn hefðu t.d. getað haft samband við Ísraelsk stjórnvöld og samtök til að heyra þeirra skoðun á slysinu og á þeirri rannsókn sem fór fram og sem t.d. er lýst hér eða hér.  Svo birtist þessi grein í dag, þar sem hægt er að lesa yfirlit yfir allt ósamræmið í sögunni um Rachel Corrie.

Bogi Ágústsson, hvar eru siðareglur þínar og starfsmanna þinna? Af hverju leitar þú og þeir ekki allra fáanlegra upplýsinga um þetta mál? Nóg er til af þeim - ef maður vill finna þær. Fer kannski fram vísvitandi sniðganga og ritskoðun hjá RÚV?  Vandamálið meðal starfsmanna Boga Ágústssonar er þó frekast, að þeir hafa ekki áhuga á sannleikanum þegar fréttir varða Ísrael á annað borð. Það hefur sagan sýnt okkur.

En sorglegast er þó að sjá, að Borgarleikhúsið sé gert að vettvangi fyrir leikrit sem byggir á lofsöng á hatri og ofstopa. Leiklistagyðjunni hefur enn einu sinni verið nauðgað. Það er líka harmleikur. Þó Rachel Corrie hafi verið tekin í dýrlinga tölu meðal þeirra sem telja sig eiga einkarétt á réttlætinu og sé nú píslavottur Hamas, þá var hún því miður enginn friðarengill.

Athugasemdir

[Guðmundur Benediktsson, 19.3.2009 kl. 23:03]

"Þetta er hægt að lesa um víða á netinu."

"Menn hefðu t.d. getað haft samband við Ísraelsk stjórnvöld..."

Netið er nú örugglega ekki besta og áreiðanlegasta heimildin og sannleikur ísraelskra stjórnvalda er örugglega ekki þeim í óhag.

Það er sama hversu vitlausa skoðun maður getur myndað sér, það er alltaf hægt að finna því stoð á netinu

http://www.alaska.net/~clund/e_djublonskopf/Flatearthsociety.htm

[Vilhjálmur Örn Vilhjálmsson, 20.3.2009 kl. 00:42]

Trúir þú öllu sem þú lest um Rachel Corrie á netinu, Guðmundur Benediktsson? 

Kannski hafa menn (hjá RÚV) haft samband við Ísraels stjórnvöld, en valið ekki að nota það sem þau létu í té. Ísraelsk stjórnvöld hafa ekki stundað fréttafölsun eins og palestínsk stjórnvöld hafa gert og eru orðin alþekkt fyrir.

Guðmundur Benediktsson, hvar fannst þú stoð skoðana þinna um dauða Rachel Corries? Á ruv.is?

[Guðmundur Benediktsson, 20.3.2009 kl. 01:53]

Ég vísa í fyrri færslu: "Netið er nú örugglega ekki besta og áreiðanlegasta heimildin...", en mér sýnist þú Vilhjálmur Örn Vilhjálmsson gleypa við því sem þér hentar á netinu.

Ég las um Rachel Corrie á sínum tíma annað hvort í Time eða Newsweek, man ekki hvoru blaðinu. Ekki rámar mig í að þar hafi staðið að hún hefði verið með ógnanir við ýtustjórann. 

[María Hiller (IP-tala skráð) 22.3.2009 kl. 16:36]

Þar með hefur virðing Borgarleikhússins tekið hatt sinn og kvatt. Skammarlegt.

[Guðmundur Benediktsson, 23.3.2009 kl. 12:09]

María verður að skýra þessi orð betur.