Á Íslandi má hjóla yfir gyðinga

Nýlega setti hjólasali nokkur í Reykjavík miða í gluggann á verslun sinni á Hverfisgötunni, þar sem hann sagði að gyðingar væru ekki velkomnir í búðinni hans.  Fréttin barst til heimsfjölmiðla og má  rekja það til þess að ég sendi fréttina til gyðinga á Norðurlöndunum. Þingmaður í Danmörku sendi meira að segja erindi til danska utanríkisráðherrans og bað hann að gera eitthvað í máli þessu sem upp var komið á Íslandi, frændþjóð Dana.

Hitt hefur ekki komist í heimsfjölmiðlana, að hjólasalinn á Hverfisgötunni tók miðann úr glugganum eftir að tveir lögregluþjónar heimsóttu hann í verslunina á Hverfisgötunni og bentu honum á að miðinn væri stjórnarskrárbrot.

Hjólasalinn var bara frekar rogginn yfir heimsfrægðinni og greindi hróðugur frá. Einn allra besti kúnni hans, Mörður Árnason hjá Samfylkingunni, tjáði sig um málið: „Ég hef enga ástæðu til að halda að hann sé kynþáttahatari eða neitt í þá veru. Ég held að þetta hafi verið klaufaskapur hjá honum," DV greindi einnig svo frá: Mörður segist telja að ástæðan fyrir því að Magnús setti miðann upp hafi verið tíðindi af árásum á Gaza-svæðið nýverið. „Ég get vel skilið slík viðbrögð en þau mega auðvitað ekki koma út sem kynþáttahatur, og allra síst gyðingahatur sem er ákaflega ógeðfelld tegund af þeim tilfinningum því gyðingahatur á sér langa og blóði drifna sögu," segir hann og ítrekar að Magnús sé fyrst og fremst góður hjólaviðgerðamaður.

Magnús er ekki nasisti eins og sumir bloggarar úti í heimi hafa haldið. Hann kýs líklega Samfylkinguna. En Kratar og kommar geta líka verið kynþáttahatarar, eins og kunnugt er.

Var það kannski líka klaufaskapur hjá Bobby heitnum Fischer, þegar hann hélt úti andgyðinglegri vefsíðu í Japan, meðan hann bjó á Íslandi? Það athæfi var kært til Ríkissaksóknara. En Ríkissaksóknari taldi enga ástæðu til að framfylgja lögunum og senda ekki svo mikið sem eina löggu heim til heimsmeistarans til að skáka honum aðeins fyrir brot á íslenskum hegningarlögum.

Er allt hægt á Íslandi þegar að gyðingum kemur? Maður nokkur Scheving Thorsteinsson að eftirnafni heldur uppi ofsafengnum andgyðinglegum áróðri á bloggum ýmissa manna. Margir hafa hreinlega þurft að fjarlæga þennan mann og ruglið í honum. Ætlar enginn að gera neitt við því? Menn hafa verið fjarlægðir af Moggablogginu fyrir að hafa vitnað beint í Kóraninn. En Scheving Thorsteinsson má vitna í vefsíður gyðingahatara og halda með áróður fyrir þá inn á blogg annarra Íslendinga.

Kannski er það eðli Íslendinga að fara ekki að lögum, eða kannski gilda lögin ekki þegar óhróðri og andstyggð er breitt út um, eða hreitt í gyðinga á Íslandi.

Tvö ungmenni ferðast nú á vegum Rauða Krossins í Palestínu. Ekki eru þau andgyðingleg. Þetta eru bara góðir krakkar frá Íslandi sem eru að kynna sér starf Rauða Krossins. En þau skreyttu aðeins ferðalýsingu sína með því að halda því fram að þau hefðu verið vitni að innrás Ísraelsmanna og skotárás þeirra þann 3. mars sl.  Þessa fásinnu hrakti ég á bloggi þeirra og í færslu minni hér á undan. En móðir eins ungmennisins, Salvör Gissurardóttir, segir kannski það sem einkennir Íslendinga mest þegar þeir þykjast ekki þurfa taka afleiðingum gjörða sinna: Látið ekki fá á ykkur þó að Vilhjálmur Örn gagnrýni frásögn ykkar, það er bara ein leið til að komast hjá gagnrýni og hún er sú að gera ekki neitt.

AÐ GERA EKKI NEITT. Já, það hljómar eins og alíslensk lausn!!

Ætli þetta sé líka mottó hjá Ríkissaksóknara og þeim sem gera ekki neitt gegn síendurteknu gyðingahatri á Íslandi? Halda menn bara, eins og Mörður Árnason, að þetta sé klaufaskapur?

Hér er lítil mynd af manni sem líka hjólar yfir gyðinga á klaufalegan hátt. Sumir segja að þetta sjálfur Tom Cruise. Mér þykir líklegra að það sé Tóm Krús á Mission Impossible:

Athugasemdir

[alfreð guðmundsson (IP-tala skráð) 5.3.2009 kl. 14:24]

Ég myndi ekki taka þessa glugga auglýsingu hjólasmiðsins sem gyðinglega andúð. Heldur sem sjálfsvörn fyrir því að vera ekki fretaður niður af byssuóðum gyðinglegum landtökumönnum eins og þeir  stunda í landi sem heitir Palestína og murka lífið úr landlausum börnum og gamalmönnum á sinn einstæða hátt í nafni réttlætis.  Shalom segja þeir eftir kúlna og sprengiregn. Það er þeirra friður. Sjálfsvörn er ekki stjórnarskrábrot. Þessvegna myndi ég vilja sjá miðann aftur í glugganum

[Sigurður Þór Guðjónsson, 6.3.2009 kl. 01:32]

En má þá ekki valta yfir þá líka á stórum valtara? Er það nokkuð gyðingahatur að vera með svona óviðeigandi sprok? Get bara ekki á mér setið úr því það ert þú og þú mælir upp í mér allar viltyeysur.

[Vilhjálmur Örn Vilhjálmsson, 6.3.2009 kl. 08:15]

Sigurður, það veit ég ekki, en það er orðið mjög vinsælt að aka yfir þá á vélgröfum og öðrum þungavinnuvélum. Það gerðist t.d. síðast í gær.

[Jón Tynes (IP-tala skráð) 6.3.2009 kl. 09:30]

Það væri til bóta ef Gyðingar einhentu sér í að sættast við umheiminn. Hættu að hegða sér sem "Guðs útvalda þjóð". Ísraelsþjóð kýs sér stjórnvöld sem endurspeglar vilja þjóðarinnar. Stjórnvöld í Ísrael hafa undanfarin 40 ár valtað yfir nágranna sína með hernaði og yfirgangssemi sem jaðrar við, ef ekki má skoða sem kynþáttafordóma.Nágrannar Ísraels eru ekki saklausir og aldrei (sjaldan) veldur einn þá tveir deila.

Tönn fyrir tönn og auga fyrir auga er ekki lausnin. Reynslan hefur kennt okkur að það eru ekki farsæl aðferð.  Strangtrúaðir hvers trúar þeir tilheyra rekast illa í heimi sem hefur skroppið saman og verður að geta búið saman eigi mannkynið einhverja von. Það sama má sömuleiðis segja alþjóðastjórnmál. Einhvern vegin virðast trúarbrögð og stjórnmál þvælast hvort fyrir öðru. 

[Hanne (IP-tala skráð) 6.3.2009 kl. 10:32]

Gasa politics aside þá er Magnús hjólasali einfaldlega fávita sem kann ekki að vera kúrteist við fólk sem er ekki íslendingar - hef sjálf lent í að hann skemmdi hjólið mitt í sambandi við viðgerð og harðneitaði hann síðan að bæta tjónið - ég talaði með hreim og frekar öruggt að synja kröfur mínar - ekki ætti ég margir formælendur á Íslandi eða frændir sem gæti satt boycott í gang. 

Ég held að það er svo "öruggt" að vera rasísti eða fara illa með fólk sem er ekki íslendingar á Íslandi, svo margir geri það bara af "vana".

Ég vann í búð - ég hef lent í þessu. Bara minn skoðun.

[S.H. (IP-tala skráð) 6.3.2009 kl. 10:41]

Ég er í theirri gódu adstödu ad ég fae einskonar dagbókarfaerslur frá
Ísrael, stundum oftar en einu sinni á dag, beint í hotmail-hólfid. Thví get ég gengid ad upplýsingum nokkur ár aftur í timann og séd hverju fjölmidlar skýra frá á Íslandi og hverju ekki: Thad er mjög fródlegt:)Hér mail frá í gaer kl.15.45 sem lýsir thessum atburdi med valtarann og ödrum af sama toga.--------
  "Litet efter kl 13 försökte en palestinier i en traktor köra över en israelisk polisbil i
Jerusalem, som manglades sönder på ena sidan, poliserna i bilen skadades
lätt. Andra poliser öppnade eld mot traktorföraren. Han träffades av flera
skott och avled kort efter ankomsten till akuten på Hadassahsjukhuset.

Den palestinska terrororganisationen Hamas som styr Gazaområdet sedan juni
2007 prisade palestiniern i traktorn som "martyr" kort efter det att
nyheten nått Gaza. Om han handlat på eget initiativ eller på uppdrag av
någon terroristgrup framgick inte omedelbart. Men det låg en uppslagen
Koran bredvid förarsätet i traktorn, rapporterade den israeliska polisen.
Enligt flera ögonvittnen hade palestiniern i traktorn försökt preja en
buss, men missade den med en hårsmån och vände då traktorn 90 grader och
körde in i polispiketen som kom från andra hållet. Attacken på torsdagen
var den tredje i sitt slag i Jerusalem de senaste två åren.

I början av juli 2008 körde en palestinsk förare i en traktor in i en
privatbil och dödade tre israeler. Bärsärkagången pågick i ett par minuter
och 30 personer skadades. Vid den andra attacken, också i juli 2008,
skadades 18 personer."
DH ( sent áfram af S.H.)

[Aðalbjörn Leifsson, 6.3.2009 kl. 12:14]

Skelfing Torsteinsson er á fylleríi og er að gubba út úr sér nazista ælunni, það mun renna af honum ég hef boðip honum hjálp mína til að verða alsgáður ef ekkert gerist þá hjóla ég í hann á "Bulldozernum" mínum"

[Hilmar (IP-tala skráð) 6.3.2009 kl. 12:36]

Ekkert kom í fréttu hérlendis um palestínumanninn á gröfunni sem ætlaði bara að drepa almenna borgara í Jerúsalem,   en hann var víst með opið eintak af kóraninnum meðferðis.