El Dictador

 

Það er furðulegt að sjá fólk á Íslandi, t.d. úr röðum vinstri grænna, lofsyngja þennan frumstæða einræðisherra. Við höfum séð ýmis dæmi þess.

Þingframbjóðandi VG, Hlynur Hallsson, skrifaði árið 2007 blogg sem hann kallaði Hugo Chaves er lang flottastur.   Ég skrifaði athugasemd við færslu Hlyns um óvild Chavez í garð gyðinga í Venesúela  og samvinnu hans við Muhameð Amajinidad í Íran, sem vill útrýma Ísrael. Hlynur fjarlægði athugasemd mína fljótlega. Líkt og Hugo Chavez fjarlægir gagnrýnendur sína. Þeir eru keyrðir út á flugvöll og sendir burt með fyrstu flugvél, ef þeir eru ekki einfaldlega drepnir.

Nýlega skrifaði ég um ofósknir gegn gyðingum í Venesúela, landi sem hýst hefur stríðsglæpamenn frá Eistlandi, líkt og Ísland. Það kallaði líka á ankannaleg viðbrögð Íslendinga á vinstri vængnum, sem virðast aðhyllast einræði.  

Áður hafði ég skrifað um ráðstefnu í Kaíró, þar sem íslenskir stuðningsmenn haturs gegn Ísrael og BNA voru mættir og lofsungu m.a. Hugo Chavez. Þetta er sama fólkið, sem hefur staðið og öskra fyrir framan Alþingishúsið í nokkurn tíma. Vill það fólk einræði?

Ég er hræddur um að ef Íslandi verður stýrt af fólki úr flokki sem lætur heillast af þóttafullum einræðisherrum, þá sé það sem Íslendingar fái, ef þeir kjósa VG og Samfylkinguna.  

Því má við bæta, að hrifning manna á Chavez er ekki aðeins bundinn við VG. Össur Skarphéðinsson hefur lýst Hugo sem litríkum karakter. Kannski gæti Össur hugsað sér að sitja á valdastóli þar sem eftir er, eins og Húgó? 

Hugo Chavez lét breyta sólarganginum hér um árið. Hann seinkaði  klukkunni um hálftíma. Með því sagðist hann veita þegnum sínum réttlátari dreifingu sólargeislanna á ríka og fátæka. Hector Navarro, vísindaráðherra Venesúela, sagði fréttastofu Reuters að fátæk börn sem þurfa að fara á fætur fyrir sólarupprás til þess að reyna að afla einhverra tekna. Með því að seinka klukkunni um hálftíma vildi Hugo veita fátækum börnum tíma til að njóta geisla morgunsólarinnar. 

Nú bíð ég eftir seinkun klukkunnar á Íslandi. Hálftími er þó ekki nógur tími fyrir börn íslensku byltingarinnar.

Chávez getur verið forseti áfram

Athugasemdir

[Jón Ingvar Jónsson, 16.2.2009 kl. 10:12]

Í viðsjálum heimi verða menn

við vandræði stór að glíma,

Því þurfa Chaves og Oddsson enn

örlítið meiri tíma.

[Rúnar Berg Baugsson (IP-tala skráð) 16.2.2009 kl. 10:44]

Hvernig geturðu fullyrt þetta alltsaman? Veist þú nákvæmar skoðanir, viðhorf og fordóma allra sem öskra fyrir framan alþingi?

Svo hefur sósíalismi EKKERT með gyðingahatur að gera, þó svo að einstaka sósíalisti (þó valdamikill sé) er lítt hrifinn að framgöngu ísraelska hersins þá þýðir það ekki að allir þeir sem aðhyllast sósíalisma séu gyðingahatrarar.

Í raun tel ég líka að fáir stundi raunverulega persónudýrkun á Chávez, flestir vinstri menn aðhyllast að því hvernig hann bylti stjórnarfarinu frá fastri kapítalískri stéttaskiptingu yfir í jafnræði með því að skipta náttúruauðlindum landsins jafnt milli fólks óháð stétt, á meðan forverar hans voru vanir að gefa einungis þeim ríku allt sem Guð hafði skapað í náttúru landsins.

Það má alveg hrósa Chávez fyrir kostina hans án þess að sjálfkrafa aðhyllast löstin.

[Ásgrímur Hartmannsson, 16.2.2009 kl. 11:35]

Sama hvað þér kann svosem að finnast um þennan gæja, þá er hann litríkur karakter.  Lét seinka klukkunni!

Allt var þjóðnýtt - svo auðvitað þora útlend fyrirtæki ekki að koma þangað.  Allir vinir hans eru á lúxusjeppum.  Fullt af spillingu - en hann heldur kjósendum sínum (ofsalega fátæku fólki) ánægðum með smá aðgerðum fyrir þá.

Bíddu smá stund.  Hann setur allt landið á hausinn.  Þá getur þú bent á stuðningsmenn hans og hlegið af 2 ástæðum: Venezuela er á hausnum, og stuðningsmenn hans neita að sjá það.

[Ólafur (IP-tala skráð) 16.2.2009 kl. 15:50]

Hvað sem mönnum finnst um aðferðir Chavez þá er því ekki að neita að meirihluti almennings í Venezuela hefur það miklu betur en áður en hann komst til valda. Auðvitað hefur yfirstéttin misst spón úr aski sínum og því biðlar það lið sífellt til USA um að koma og hjálpa sér að kollvarpa Chavez. CIA rændi honum nú einu sinni en kallinn slapp úr haldi á ótrúlegan hátt!

Svokölluð "þjóðnýting" olíunnar í VZ hefur gert þetta að verkum. Hvernig þætti ykkur ef orkuöflun á Íslandi væri algjörlega í höndum stórra erlendra "Enron" líkra fyrirtækja og þar með allur ágóði af slíkri starfsemi. Með því að færa auðlindir þjóðar sinnar aftur í þjóðareign hefur Chavez tekist að koma í veg fyrir þjóðararðrán! Auðvitað er kallinn einræðisherra, en því miður virðist það vera að hefðbundar lýðræðislegar aðferðir virka ekki alltaf best í 3-heims löndum. Sjáiði Írak í dag!!!

[Ragnhildur Kolka, 16.2.2009 kl. 23:19]

Ólafur virðist veikur fyrir einræðishugmyndinni og telur lýðræðislegar aðferðir ekki virka í þriðja heiminum. En var rétt af honum að taka Írak sem dæmi?

Vissulega hafa fjölmiðlar hér á Íslandi ekki kosið að flytja annað en neikvæðar fréttir frá Írak, en það er svo margt sem íslenskir fjölmiðlar láta framhjá sér fara. Ólafi til upplýsingar má geta þessa að héraðskosningar fóru fram í Írak fyrir hálfum mánuði. Samsteypustjórn Nuri al-Maliki vann sigur í 9 af 14 héruðum. Stjórnarandstaðan, sem samanstendur af sveitum klerksins Moqtada al-Sadr og ýmsum öfgahópum Sunni ættbálka, galt afhroð. Fylgi al-Sadr fór úr 14% í 3 og mátti þakka fyrir.

Eftirlitssveit frá Arababandalaginu gaf kosningaframkvæmd topp einkunn; taldi þær hafa einkennst af trúverðugleika og gegnsæi. Fólkið valdi veraldarhyggju umfram trúarofstæki.

Íran tapaði stórt. 

[Sindri Guðjónsson, 17.2.2009 kl. 18:06]

Ég hef algjöra óbeit á Húgó Chavez.

Ég skrifaði eftirfarandi grein þann 1. mars árið 2006. Ég myndi kannski skrifa rólegri grein í dag, auk þess sem ég hafði greinilega vefritið Múrinn sérstaklega á hornum mér þarna fyrir rétt tæpum tveimur árum. Talsvert er um óþarfa gífuryrði þarna, en ég held að það hafi samt veirð eitthvað til í þessu hjá mér. Hér kemur greinin:

Konan mín er þeirrar ,,gæfu” aðnjótandi að fá sent til sín blað BSRB. Ég man eftir að hafa lesið þar grein aftarlega í blaðinu um vinstri múgsefjunarsamkomu í landinu rauða – Venúsúela – þar sem einræðisherrann Chavez var varinn hægri vinstri, eða aðallega vinstri. Það kemur nú kannski ekkert á óvart ef ritstjórn blaðs BSRB er í takt við formann sinn sem lengi hefur verið hrifinn af roðanum í austri (og nú kannski í suðri líka).

Chavez og góðvinur hans Castro, sem bannar þegnum sínum hér um bil allt milli himins og jarðar, eru miklir dýrlingar meðal róttækra vinstrimanna hérlendis. Þeir á Múrnum eru ekki hrifnir af hinum kristilega hægri væng repúblikanaflokksins. Einnig fyrirlýta þeir alla kynþáttafordóma. Róttækir vinstrimenn eru ekki trúaröfgamenn og ekki rasistar, annað en íhaldssamir “far-right” fanatíkusar.

En hlustum aðeins á Hugo Chavez:

,,Afkomendur þeirra sem krossfestu Krist (gyðingar) hafa hrifsað til sín auð jarðarinnar, minnihluti hefur tekið sér eignarrétt yfir gulli heimsins, og silvrinu, og jarðefnunum, vatninu, góðu jörðunum, olíunni, auðæfunum, og þeir hafa látið auðinn í hendur fárra útvaldra.”

Já, þetta er allt þessum gyðingunum að kenna! Það er megin inntak ræðu sem Huga Chavez flutti á aðfangadag jóla.

Svona málflutningur er í anda Hitlers, KKK og fleiri. Ræða Chavez hefði sómað sér vel í málgangi nasista, í dagblöðum þriðjaríkisins, og annarsstaðar þar sem gyðingafordómar hafa blómstrað.

Chavez er greinilega gagntekinn af gyðingahatri, og beitir fyrir sig trúarlegum tilfinningarökum. Hvað ætli hentistefnu málgagnið Múrinn segi um þetta? Líklega ekki neitt.

http://www.hexia.net/faces/blog/entry.do?id=7538&entry=24532&calendardate=200901

[Sigurður Þór Guðjónsson, 17.2.2009 kl. 18:33]

Seyðfirðingar vildu flýta klukkunni um klukkustund og vera þar með tvo tíma á undan sólinni eða meira. Þeir héldu borgarafund og allt. En svo varð ekkert og enginn minnist á þetta meira.