The Gay Cabinet

 

er nafn nýju ríkisstjórnarinnar?

Ég var að dunda mér við að litgreina ríkisstjórnina. Hér eru nokkrar glaðir litir. Samkvæmt litaprufunni lengst til hægri, er Jóhanna gjörsamlega númer 613. Toppstykkið á Geir var líklega númer 6. Ég treysti mér ekki litgreina Steingrím J. Hjálp, Heiðar!

Nú eftir stjórnarslitin, eftir að ungliðarnir flýja og segja af sér vegna dugleysis eða anna, og fjörið byrjar, hef ég ekki bara verið að velta fyrir mér litrófinu, heldur líka  nafni næstu ríkisstjórnar.  Á visir.is las ég að ef Jóhanna Sigurðardóttir yrði forsætisráðherra yrði hún fyrsti gay forsætisráðherrann í heiminum. Þetta mun auka túrismann. Ég var svo saklaus, að ég uppgötvaði mjög seint, að maður gæti kallað homma og lesbíur gay.

Kannski væri best að kalla ríkistjórnina The gay cabinet, þangað til hún molnar í maí. Ekki veitir af gleðinni, fjörinu og bjartsýninni núna, þegar eftir sitja gamlir og farlama stjórnmálajálkar, og mestur tími þeirra sem ætla að mynda þessa stjórn hefur farið í pólitíska moldvörpustarfsemi í stað þess að vinna að úrbótum í kjölfar hruns íslenska efnahagsundursins.

Ef The Gay Cabinet þykir of enskuslett, væri hægt að kalla þetta Gleðistjórnina. Það verður að vera mikill optímismi hjá stjórn, þar sem mun sitja kollóttur, rauður hrútur, sem vill skila öllu aftur til AGS (IMF).  

 Kaffiboð á Grund í dag. Hvar er hýra stýra?

Ég hef reyndar aldrei séð Jóhönnu S. glaða (gay), en það tel ég henni þó ekki til  lasts. Það gæti bent til þess að hún taki öll vandamál þjóðarinnar inn á sig og sé eins konar andlit þjóðarandans. Ástandið er ekki gott, samkvæmt síðustu myndum af henni.

Var Jesús ekki líka gay? Margt gæti bent til þess. Hann var með 12 mönnum í klúbbi.

Athugasemdir

[Sigurður Þór Guðjónsson, 27.1.2009 kl. 16:28]

Er stjórnarandstæðan komin á elliheimilið Grund?

[Vilhjálmur Örn Vilhjálmsson, 27.1.2009 kl. 16:53]

Ja, mér sýnist það, gamalt og reynt fólk, en heldur lasburða. Tvö og tvö á herbergi og mikið drukkið af lélegu kaffi.

[Svanur Gísli Þorkelsson, 27.1.2009 kl. 16:59]

Er ekki orðið gay venjulega þýtt "hýr" í þessu samhengi?

Ég sé að það er alla vega farin að hýrna á þér brúnin við þessar fréttir.

[Vilhjálmur Örn Vilhjálmsson, 27.1.2009 kl. 17:10]

Sæll Svanur, hýr eða glaður, same thing. Nú eru allir gay og happy!

Kannski Hýrustjórn eða Hýra gengið séu betri nöfn á íslensku, og Jóhanna er þá hýra stýra.

Allar þessar fréttir gera mig dálítið samhneigðan, en líka efins.

[Ragnhildur Kolka, 27.1.2009 kl. 21:06]

Sannkallaður gleðigjafi ertu. Hýra gengið hefur ekki hugmynd um hvers það fer á mis við.