GilliGill - sambönd Dorritar

Þegar ég las grein AA Gills um Ísland í morgun, gladdist ég eins og aðrir Íslendingar. Mig grunar hins vegar, að upplýsingaþjónusta Bessastaðahjónanna Beikons og Kosherbeib hafi örugglega haft sína 20 fingur í þessum skrifum. Ef það er rétt, er ekkert til sparað á landkynningar- og gagnáróðursdeildinni á Álftanesi, og því ekki nema von að sumum þyki símareikningar háir á óðalinu. Það þykir mér ekki. Sjá enn fremur hér.

Adrian Anthony Gill, sem kom til Íslands til að skrifa grein sína, skrifar nú oftast um sjónvarp og veitingastaði. Hann hefur líka ritað óvinsælar greinar um Walesbúa, og hefur blaðinu hans verið stefnt fyrir þær vegna meints kynþáttahaturs. Venjulega á þessi maður erfitt með að skrifa, því hann er haldinn ólæknandi lesblindu - alveg eins og Dorrit Moussaieff. Nú nálgumst við kjarnann. Dorritt er góð vinkona og samverkakona barnsmóður Gills. Gill hefur nefnilega lengi verið í tygjum við Nicolu Formby, ritstjóra Tatler, blaðs sem Dorrit hefur skrifað í, þrátt fyrir alvarlega lesblindu sína. Formby kann greinilega vel við fólk með lesblindu.

Mér þykir líklegt að AA Gill, sem líklega hefur verið þreyttur á að skrifa um sósur, sjónvarp eða skipta á bleyjum á tvíburunum sem hann á með Nicolu Formby, hafi þáð boð um ferð til Íslands og hefur kyntrölli nú kvittað fyrir sig með þessari ágætu grein sinni í Sunday Times.

Myndin er af Gilla, þar sem hann var makaður í Nivea krem, Tatler style.

Brown sparkaði í Íslendinga

Athugasemdir

[Stefán Lárus Pálsson (IP-tala skráð) 14.12.2008 kl. 15:34]

Málstaður Okkar íslendinga á ser hauk í horni þar sem frú Dorrit er. Það er mikils virði að fá svona grein birta í Bretlandi. Ótrúlegur sofandaháttur stjórnvalda í að koma virkum mótmælum fyrir sjónir almennings ytra, er með ólíkindum. Gordon Brown hífði upp tapað fylgi með því að sýna okkur smáríkinu fingurinn. Bretar eru nú ekki alltaf vandir að meðulum í samskiptum við aðrar þjóðir, einkum smáþjóðir. Þegar Davíð Oddson sagði það sem flest okkar hugsuðu, "að við vildum ekki borga skuldir óreiðumanna erlendis" var reynt að telja fólki trú um að pólitísk fantabrögð þessum ummælum um að kenna. Bretar lýstu okkur gjaldþrota en litu fram hjá því hverjir áttu þessa einkavæddu banka. Þökk sé Gilla fyrir skrifin. 

[Vilhjálmur Örn Vilhjálmsson, 14.12.2008 kl. 15:44]

Dorrit er perla! og ég er þér sammála Stefán Lárus.

[Svanur Gísli Þorkelsson, 14.12.2008 kl. 16:58]

Mig undrar ekki að þú hafir glaðst við lestur þessa túristapistils hans Gills. Hann er auðvitað samantekt á öllum helstu klisjum sem hægt er að finna um Íslendinga og þeim sjálfum finnst svo gaman að heyra. Hjátrúarfullir hámenntaðir sterkir og fallegir drykkjusvolar o.s.f.r.

[Vilhjálmur Örn Vilhjálmsson, 14.12.2008 kl. 17:38]

Svona, sona Svanur, ég meinti þetta kannski ekki alveg. Heldurðu að Gilli hafi fengið, eða sjálfur fundið uppskriftina að því hvernig hægt er að skjalla Íslendinga upp úr skónum?

[Svanur Gísli Þorkelsson, 14.12.2008 kl. 17:50]

Ég veit Villi að þú meintir það ekki og ég meinti það ekki heldur ;)

Miðað við hvað margir blogga um þessa frétt og hvað þeir segja, svínvirkar greinin svo að einhver kann til verka bæ hjá Gilla. - Það sem fer fyrir brjóstið á mér er ekki greinin heldur viðbrögðin við henni. En kannski þurfa allir smá mæru í sekk svona af og til. 

[Egill Óskarsson, 14.12.2008 kl. 19:51]

Þar sem þú virðist þekkja eitthvað til AA Gill þá ættirðu nú að vita að hann er löggildur Íslandsvinur. Hann hefur líklega lært eitthvað um okkur þegar hann hefur verið hér áður.

[Halldóra Halldórsdóttir, 14.12.2008 kl. 21:12]

Hvort Dorrit er um að þakka veit nú enginn - en ekki líta framhá því að AAGill er frægur háðfugl og venjulega grimmur eins og ránfugl. En greinin er rosalega læsileg og skemmtileg.

[Þorsteinn Vilhjálmsson (IP-tala skráð) 14.12.2008 kl. 21:25]

Ég get hreinlega ekki orða bundist.

 Hvað í ósköpunum hefur komið fyrir þig sem fær þig til að halda að það sé yfirleitt heilbrigt að vita eitthvað svona kjaftæði eða ljúga því upp ef það er það sem þú ert að gera?

Og hvernig í ósköpunum dettur þér í hug að kalla forsetafrúna 'Kosherbeib'?

Í hvaða rangölum er hugur þinn staddur?

[Vilhjálmur Örn Vilhjálmsson, 14.12.2008 kl. 23:38]

Þorsteinn, hvað er heilbrigt á Íslandi?

"Kosherbeib" varð til sem elskulegt uppnefni á merka konu manns sem lengi hefur verið kallaður Beikon (þó ekki af mér). Þetta heiti kom til í færslu hér á blogginu í síðustu viku. Dorrit er í miklu uppáhaldi hjá mér og þetta er ekki illa meint. Ég veit fyrir víst, að Dorrit er ekki mjög "kosher", borðar humar og er gift "goy". En þegar þjóðin treystir betur SS pylsum en ríkisstjórn sinni, eins og fram kom í nýlegri skoðunarkönnun, er líkast til gott og blessað að Beikon og Kosherbeib séu á Bessó. Reyktar afurðir virðast höfða til Íslendinga.

Kannski ert það þú, eða þá alnafni þinn, sem árið 2002 ritaði undir yfirlýsingu til að sniðganga háskólasamband við Ísraelsríki. Karakterar sem skrifar undir svoleiðis er ekki "kosher" í mínum bókum. Ég veit ekki í hvað ranghölum þeir eru staddir. Ég vona að það sért ekki þú. Nei, ég trúi því bara ekki.

[Eirikur , 15.12.2008 kl. 01:36]

Her I englandi er hann thektur sukkari........Maybe that is why he likes Iceland. If you give it...... be ready to take it !!!

[Jakobína Ingunn Ólafsdóttir, 15.12.2008 kl. 03:07]

Hann er flottur þessi Gill (á myndinni) en ég er einn þeirra Íslendinga sem þótti greinin voða flott og fattaði ekki að hún væri úr áróðursmaskínu einhvers.

Greinin var þó um margt dapurleg og dró fram vanmátt unga fólksins við núverandi aðstæður. Ég treysti Ungverjum mun betur til þess að vera fátækir í sinni kreppu.

[Vilhjálmur Örn Vilhjálmsson, 15.12.2008 kl. 07:09]

Eiríkur, ég las einhvers staðar að sukkið hefði minnkað og hann hefði verið færður í þurrkví. Ég vona að menn hafi ekki verið að bregða honum með Bakkusi á Íslandi og að hann hafi skrifað greinina í einhverju ölæði.

Jú, Jakobína, það er auðveldara að verða aðeins fátækari, þegar maður veit hvað það er. En íslenska kreppan er víst lítið apparat á miðað við ýmsar aðrar kreppur í heiminum. Við getur huggað okkur við það. Já, finnst þér hann sætur hann Gilli? Þetta segir kvenfólkið.

Halldóra, ég finn sem betur fer ekki neina grimmd hjá Gill. Sumir menn blíðkast með aldrinum, aðrir verða fúlir og lítið fyndnir í háalvarleika elli sinnar.

Egill, ég ætla rétt að vona að Gill sé kominn í hóp Íslandsvina. Fálkaorðu á hann sem fyrst.