Skríllinn sér rautt

 

 

Dönskum gestum mínum, sem í dag heyrðu lögfræðinemann sem talaði á Austurvelli, varð um og ó. En kvindelig Hitler!, var dómur eins gestsins, sem þótti ræðukonan ógnvekjandi. Út frá röddinni veðjaði fólk á sextuga kommakerlingu sem héldi að draumaríki sósíalismans væri loks að koma. Ég tjáði fólkinu að þetta væri bara yngri stúdína af góðum ættum.

Hörður torfærutrúbador sagðist vera kominn með rautt armbindi. That time of the month. Hann fullvissaði þjóðina um að hann skiptu um liti á bindinu í hverri viku. Tækifærislitir í tækifærisbyltingu? Rauði liturinn hefur greinilega æst einhverja til að ráðast á lögreglustöðina. Víkingasveitin kom til varnar. Ungviðið skemmti sér við að brjóta glugga og láta öllum illum látum. Svo kom fitlarinn af þakinu, fánaberi þeirra svínbeygðu út úr steininum eins og álfur út úr hól, með hulu yfir andlitið eins og ég forðum. Einhver húmanisti hafði bailað hann út, eins og hann Billy the Kid í villta vestrinu. Djöfull eru Íslendingar nú væmnislega dramatískir.

Hvað gerðist fyrir utan allt þetta. Jú, Jón forseti var  klæddur i kjól hinn bleika af einhverju kvenfélagi, sem auðvitað fékk tvo stráka til þess verks.  Vá, enn listrænt. Drag-byltingin í betlararíkinu Íslandi er greinilega að ná hámarki og ég hlusta nú á „láttu mig vera og farðu svo burt" með Lúðursveit Verkalýðsins. Ágætis lag sem hægt væri að nota þegar 007 verður gagnnjósnari í þágu Norður-Kóreu og moneypeningar fara að streyma til fátæku eyjunnar okkar og við komust á flot i hriplekum evrugondóla.

Þetta var aumur dagur í sögu lýðveldisins. Það væri nær að mótmæla fyrir utan hallir auðmannanna í stað þess að brjóta saklausar rúður við Hlemm.

Athugasemdir

[Stefán Pálsson (IP-tala skráð) 22.11.2008 kl. 21:03]

Ekki veit ég hvort sú góða kona Margrét Pétursdóttir verður ánægð með að vera titluð strákur.

Mér fannst hún einmitt svo fjári hugrökk að klöngrast þarna lengst uppí stiga.

[Vilhjálmur Örn Vilhjálmsson, 22.11.2008 kl. 21:07]

Margrét er drengur góður, eins og við hinir.

[Vilhjálmur Örn Vilhjálmsson, 22.11.2008 kl. 21:12]

Nú er öll vígi fallin, kerlingar farnar í stigamennsku utan á sverði og skildi þjóðarinnar.

[Sigurður Þór Guðjónsson, 22.11.2008 kl. 21:24]

Hún var ansi reið þessi ræðukona. En það var bara ágætt. Jahve var líka oft öskureiður. Og er hann ekki þinn gvöð? 

[Jón Steinar Ragnarsson, 22.11.2008 kl. 21:27]

Fólkið er reitt og ég er viss um að minna tilefni mun nægja, þegar loksins ventillinn brestur.  Það eru mörg dæmi um það eins og þú veist.  Púkaskrattarnir 10 sem mæta til að kasta eggjum eru ekki málsvarar þeirra sem eru þarna og ætti bara að flengja þá. 

Ömurlegasti aulahrollurinn og hallærislegheitin voru þegar einhvejar feministabeljur misnotuðu aðstöðu sína í þessum flissklúbbi sínum til að vekja athygli á gælumálstað sínum mitt í öllu þessu og vanvirtu Jón Sigurðson með þessm fáránlega happeningi.  Þær eiga enga réttlætingu til.

Ástandið er svoleiðis hér að ef löggan myndi voga sér að munda kylfu þá verður hún hrakin í sjóinn.  Sjóið er bara að byrja Villi. Eina eða tvær vikur til af lygi, útursnúningum og platkaramellum á föstudögum; hroka, yfirgangi og spillingu, þá fá þessir landökumenn að vita hvar Davíð keypti ölið, sem gerði hann svona rænulausan sósíópat.

Það helvíti situr nú í blágrýtisvirkinu og segist hafa vitneskju um örsakir og eðli þessa alls, en neitar að segja hvað.  Absúrd stjórnvöld kalla á absúrd hegðun. Það segir sig sjálft.

[Vilhjálmur Örn Vilhjálmsson, 22.11.2008 kl. 21:34]

Jehóva er algjört sourpuss, alltaf súr og í vondu skapi líkt og Allah og Gvöð almáttugur, en hverju reiddust Goðin, er kreppan skall á á Íslandi? Annars var konan sem þrumaði á Austurvelli engin gyðja, miklu freka gjallarhorn.

[Sigurður Þór Guðjónsson, 22.11.2008 kl. 22:02]

En hvað með votta Jehóvans? Þeir geta áreiðanlega vottað æði margt um þann gaur.

[Sigurður Þór Guðjónsson, 22.11.2008 kl. 22:02]

Og þeygi allt gott og fagurt!

[Vilhjálmur Örn Vilhjálmsson, 22.11.2008 kl. 23:10]

Sigurður, votta kvestjón? Votta wörld!

Bjarne, írsk? Var svitalykt af henni? Ég heyrði hana bara, hef aldrei hitt hana og þori það heldur ekki. En vottað gat hún, hátt og tryllingslega.

Votta bömmer, þetta Ísland......

[Hilmar Hafsteinsson (IP-tala skráð) 22.11.2008 kl. 23:34]

Ég vil biðja bloggara að leggja sig ekki niður við að svara durtálfinum VÖV. Hann er best geymdur á socialnum hjá gömlu herraþjóðinni. Skrif þessa mannteturs eru full af mannfyrirlitningu og mannvonsku - í anda Jahve og gamla-testamentisins: Auga fyrir auga, tönn fyrir tönn; þú verður "tekinn niður" VÖV.

[Ásgeir Kristinn Lárusson, 23.11.2008 kl. 00:12]

Eru þessar IP-tölur prímtölur?

[Jón Valur Jensson, 23.11.2008 kl. 03:58]

Hvað ertu að guðlasta hér, dr. Vilhjálmur? Gyðingar, sem þú ert nú í góðu vinasambandi við, kunna ekki að meta þetta. Láttu ekki Sigurð Þór spana þig upp í að breyta þessum vefþræði í ónytjutal. Mt.12.36f og blessaður!

[Ásgeir H Ingólfsson (IP-tala skráð) 23.11.2008 kl. 06:20]

Út frá blogginu veðjaði fólk á áttræðan fasistakall sem héldi að draumaríki nasismans væri loks að koma.

[Vilhjálmur Örn Vilhjálmsson, 23.11.2008 kl. 06:50]

Ásgeir, Hilmar þessi Hafsteinsson á undan þér kneppir mörgum IP-tölum. Jafnvel prímtölum. Það kom óhróður og öfgar úr minnsta kosti 4 tölvum frá honum í gær. Það mætti halda að hann hefði verið í tölvuveri einhvers skóla, þar sem hann er víst kennari. Hann kennir sögu...

Jón Valur, ég var ekki að guðlasta mínum Guði, aðeins annarra. En ég skal gjarna skrifta. Ég syng 3 Maríubænir með rúnnstykkjunum á eftir, ef ég lifi af cykeltúrinn til bakarans. Hann er góður kaþólikki og vinnur alltaf á sunnudegi.  En satt segir þú, Sigurður Þór er sendur úr neðra til að spana fólk upp í djöfulskap og vitleysu. Einhvers staðar verða vondir að vera og þess vegna er hann ávallt velkominn hér á bloggið með svolítinn djöfulsskap, og þú með heilagleika og Mt.12.36ff. 

Ég verð hins vegar að bíða örlítið lengur til að sjá hvernig skapari minn tekur þessu. Reiðir Guðir geta víst oft haft húmor, það sagði síra Jakob Jónsson í sinni doktorsritgerð. Ég held líka að Mattheus hafi verið í einhverri valdaklíku, sem ráðlagði mönnum að þegja sem mest og vera undirgefna, því auðvitað situr Guð ekki og einhverjir njósnaraenglar hans og skrá allt ljótt sem maður segir og skrá í bók eða forrit á himnum, svo hægt sé að nota það til að opna fyrir manni himnaríki eða senda mann rakleiðis í neðra til Sigurðar Þórs og Co. fyrir lélegan djók.

[Sigurður Þór Guðjónsson, 23.11.2008 kl. 10:36]

Jón Valur! Ert þú að saka mig um að vera með ónytjungstal? Þú skalt ekki kasta steini úr glerhúsi. Vilhjálmur hefur umburðarlyndi og húmor  sem þú hefur ekki en iðkar helst það að gera lítið úr öðrum einsog mér núna. Þú ert bæði guðlaus og skilningslaus.

[Jón Valur Jensson, 23.11.2008 kl. 14:07]

Mt.12.36f á að nægja þér, Vilhjálmur. Svo þarftu að lesa betur Gamla testamentið, ekki sízt spámennina, til að kynnast Guði kærleikans. Lestu Jesaja, Amos, Hósea, og reyndu svo að segja Gyðingum, að Guð þeirra sé bara "Guð reiðinnar." – Sigurðar innleggi hér á undan anza ég ekki (hann skilji það eins og honum hentar, en hætti þráttan, í öllum bænum!).

[Jón Valur Jensson, 23.11.2008 kl. 14:11]

Ónytjutal er allt annað en ónytjungstal, Sigurður. Ég hef aldrei kallað ykkur félaga ónytjunga.

[Vilhjálmur Örn Vilhjálmsson, 23.11.2008 kl. 16:10]

Ásgeir H. Ingólfsson, sem læddi athugasemd sinni inn eftir einhverjum leiðum sem mér eru ekki kunnugar, vinnur hjá mbl.is. Hann ætti nú frekar að taka sér upp mbl.blog. Tímarnir hafa greinilega breyst. Ég tek það ekki alvarlega þegar ég fæ tóninn frá einhverjum Akureyrapésa af fínum ættum sem vinnur á mbl.is, sem vænir mig um fasisma og nasisma vegna þess að gestum mínum þótti ræðumaður á Austurvelli í gær öskra eins og Hitler og minna á gamla kommakerlingu. Ég er algjörlega sammála gestum mínum. Hópæsing og skrílslæti fasista, nasista og kommúnista hljómar næstum því eins. Ertu ekki sammála Ásgeir Moggastarfsmaður? 

[Vilhjálmur Örn Vilhjálmsson, 23.11.2008 kl. 16:22]

Alveg rétt, Jón Valur, enda nefndi ég ekki Baruch Adonai. Hverju aðrir Guðir reiðast, vekur undrun mína en oft líka kátínu.

[Jón Valur Jensson, 23.11.2008 kl. 17:43]

Góð tillaga, Hippokrates. Panta líka einn svona bol.

[Sigurður Þór Guðjónsson, 23.11.2008 kl. 19:29]

Jæja, ég hlakka til að hitta ykkur báða í neðra. 

[Vilhjálmur Örn Vilhjálmsson, 23.11.2008 kl. 19:37]

Vertu þá í bolnum hér að ofan, og klúrri skýlu, það gefur vildarpunkta hjá andskotanum.

[S.H. (IP-tala skráð) 23.11.2008 kl. 20:42]

Kan denna ordväxling ha något med domssöndagen att göra? Den infaller nämligen i dag.
Annars är den judiska tron livsbejakande och inte så helvetesfixerad som den kristna, inte sant dr. Vilhjálmur?

Som jude behöver man inte tro någonting,men man måste göra saker.
Du skall ge så mycket av dig själv att du ser Gud i en annans människa ögon; man kan säga att Gud tittar tillbaka på dig.

Så titta nu varandra djupt i ögonen, go`vänner. 

[Vilhjálmur Örn Vilhjálmsson, 23.11.2008 kl. 21:10]

S.H. fyrir utan Gehenna, sem voru öskuhaugar Jerúsalem, sem með tímanum urðu að einhvers konar trúarlegu víti, þá er helvíti og himnaríki ekki adressur sem gyðingar sækja mikið í. Til forna var til Sheol (í Neðra) og himinn, en ég kann ekki að segja frá þeim stöðum því ég hef aldrei verið þar. Það er Tikkun Olam (fullkomnun/betrumbót heimsins) sem gyðingar telja mikilvægara en spurningin um himnaríki og helvíti. Þú ert það sem þú gerir.

Þakka þér fyrir ábendingarnar S.H. Íslendingar gætu notað þetta ráð nú á hinum verstu og síðustu tímum.