Forkastanlegt

Ég sá hér í morgunsárið myndskeiðið frá Reuters, þar sem Palestínumaður með bundið fyrir augun er skotinn þrisvar í fótinn af ísraelskum hermanni. Reyndar er það Reuters sem endurtekur eitt skot þrisvar og kannski ekki nógu oft. Slíkt framferði er forkastanlegur níðingsháttur og Ísraelsher til skammar. Þeir sem mótmæla aðskilnaðarvegg og -girðingu eru vonandi ekki ósáttir við að sjálfsmorðsárásum hafi fækkað í Ísrael með tilkomu hans?

Miðað við viðbrögðin hjá sumum við þessari frétt, er eins og einn bloggvinur minn skrifar: andskoti mikið af illa innrættu liði hér á landi sem sýnir þjáningu sumra skilning en ekki allra. ´

Meira um málið hér.

Annað sem er forkastanlegt er, að ég man heldur ekki eftir því að hafa verið hótað með krossfestingu af rumpulýð á Íslandi vegna myndbands frá Ísrael. Sjá m.a. hér þar sem maður sem kallar sig Sævarinn skrifar í hatri sínu, sem örugglega er engu minna en hatur hermannsins sem skaut gúmmíkúlu í fangann því Sævarinn hefur krossfestingu í huga. Sævarinn skrifar:

Áhugavert mál og vekur upp spurningar hvort þetta sé djöfull í mannsmynd. Það er amk skrattanum líkt að hóta lögfræðingum og nota peninga sem við eigum og erum skylduð að borga í til að svara fyrir okkur, væntanlega er lögfræðikostnaðurinn styrktur af kirkju eða hvað ? og ef svo er, þá ætla ég að kæra hann fyrir að skerðingu á trúfrelsi, frelsi til að hafna því að guð hafi verið til og Jesú, ég hlýt að hafa jafn mikinn rétt og hann að láta kirkjuna borga fyrir mig lögfræðikoðnað þar sem ég er í þjóðkirkjunni og hef alltaf verið og borgað mína skatta þangað. Núna má þessi skítapési Villi í köben fara að vara sig, ég ætla að krossfesta hann og kjöldraga hann og ég er viss um að DoctorE væri til í slaginn við þennann kjána.

Sævar skrifar þetta í athugasemd við færslu hjá Óskari Þorkelssyni, sem ekki hefur vílað fyrir sér gyðingahatri ásamt vini sínum "Johnny Rebel", sem hefur verið bannaður á blog.is fyrir meint brot á hegningarlögum vegna kynþáttahaturs (sjá t.d. hér), "Birni Bónda" og einhverjum Haffa.  Ætli þessir menn séu félagar í Vinafélagi Palestínumanna á Íslandi fyrst þeim er svo annt um Palestínumenn? Ég tel að hatur þeirra á gyðingum og Ísrael sé nú aðaldriffjöðrin.

Ég verð að upplýsa Sævarinn, sem í stað myndar af sjálfum sér er með mynd af einhverjum saklausum hvutta, því hann þorir ekki að koma fram í eigin persónu,  að ég er ekki meðlimur í neinni kirkju, hvorki þjóðkirkjunni eða öðrum sértrúarsöfnuðum sem trúa á Jesús Krist. Ég er alltaf til í góðlátlegt guðlast. En það sem Sævarinn og nokkrir aðrir morðóðir menn á Íslandi fremja er ekki guðlast, heldur brot á hegningarlögum. Kynþáttahatur og morðhótanir varða við lög á Íslandi. Palestínumálstaðnum er engin fengur í stuðningi frá fólki sem hefur í frammi morðhótanir við stuðningsmenn Ísraelsríkis.

Nýlega var maður sem hótaði að kyrkja mig með berum höndum og nú ætlar einhver að krossfesta mig og kjöldraga. Jesús minn! Það eru greinilega ekki bara öfgar í Miðausturlöndum sýnist mér. Flest það fólk sem hefur skrifað athugasemdir við þessa frétt Reuters/Mbl.is hefur eyðilagt orðstír sinn fyrir löngu.

 

Sævarinn: DoctorE er þetta ekki einum of trúarlegt hjá okkur?

Skutu palestínskan fanga

Athugasemdir

[Snorri Bergz, 21.7.2008 kl. 08:16]

Flott mynd af þér Villi. Voðalega hefurðu lagt af. Hættur að borða dönsku skinkuna?

En annars tek ég undir með þér. Hatur sumra er orðið geigvænlegt. Fólk í slíku sálarástandi hlýtur að líða mjög illa.

[Vilhjálmur Örn Vilhjálmsson, 21.7.2008 kl. 11:37]

Leyfi mér að benda á þessi vísu orð kapítalistans

[Vilhjálmur Örn Vilhjálmsson, 21.7.2008 kl. 11:45]

Snorri passaðu bara bumbuna á sjálfum þér. Mér sýnist að þú hafir farið í einhvers konar þarmaskolun ef dæma má út frá síðustu myndinni af þér við taflborðið.  Þú ert að minnsta kosti orðinn minni en borðið og það þykja mér framfarir.

[Snorri Bergz, 21.7.2008 kl. 16:35]

Já, allt í áttina. Þú hefðir víst gott af smá sykursýki líka. En þá ættirðu auðvitað á hættu að komast niður í 2 stafa töluna, eftir nokkur ár amk. En passaðu þig bar, þegar þú ferð að heimsækja Svía að taka ferjuna yfir, en ekki brúna. Ja, sko...ferjan flýtur ágætlega, en allt óvíst með hvernig burðarþol brúarsporða hefur verið ákvarðað

En kannski færðu þér bara humarsúpu í staðinn fyrir skinkuna . En fínt hjá þér á myndinni hér að ofan, að fela á þér andlitið. Mjög góð tillitssemi við hjartveika og börn undir 16 ára.

Jæja, ég lét þetta nú bara flakka því mig grunar it að þú ert amk að hugsa um að hleypa þessu ekki í gegn!

[Vilhjálmur Örn Vilhjálmsson, 21.7.2008 kl. 17:36]

Jú, þú virkar bara eins og gömul kerling með þessu rausi í þér. En sykursýki er ekkert grín. Ég viss ekki að þú værir með hana, en mig grunaði það síðast þegar ég sá þig.

En hvað varðar hulu mína á terrorárunum. Hefur þú nokkurn tíma mótmælt í norðangarra í Sundahöfn í fiskifýlu með frunsur og bólur. Þá er trefillinn góður. Ég notaði oft trefilinn til að vernda viðkvæma húð mína. Svo batnaði þetta sem betur fer með árunum, þegar mormónarnir fóru að virka eðlilega. 

[Vilhjálmur Örn Vilhjálmsson, 21.7.2008 kl. 17:36]

Erum við ekki komnir sæmilega út fyrir efnið Snorri? Ef svo er, er það auðvitað allt þér að kenna.

[Jón Steinar Ragnarsson, 21.7.2008 kl. 19:04]

Já þessar vindmillur Villi. Hvenær ætla þær að gefast upp?

[Snorri Bergz, 21.7.2008 kl. 19:08]

Jú, ég játa á mig sökina...gaman að gantast í þér Villi.

[Sigurður Þór Guðjónsson, 22.7.2008 kl. 15:37]

Allir sína þjáningu sumra meiri skilning en annarra. Þannig eru mennirnir og ætti ekki að koma neinum á óvart.