Hetjurnar snúa heim

 

 

Líkamlegum leifum ísraelsku hermannanna Ehud Goldwassers og Eldad Regevs var í dag skilað til Ísraelsríkis. Ráðist var á þá í Ísrael, þeim rænt og þeir myrtir af hryðjuverkasamtökunum.

Hizbollah, sem á stefnuskrá sinni hafa eyðingu Ísraels og útrýmingu ísraelsku þjóðarinnar, fékk bæði líkamsleifar fanga og glæpamenn á fæti fyrir bein Goldwassers og Regevs.

Einn þeirra sem nú snýr aftur til Líbanon á lífi sem hetja er Samir Qantar (Sameer Kuntar), Drúsi og ótíndur glæpamaður, sem árið 1979 gerðist málaliði Palestínsku hryðjuverkasamtökunum PLF og réðst til landgöngu í Naharía sunnan við Landamæri Líbanons. Hann myrti þar 31 ára gamlan fjölskylduföður, Danny Haran og 4 ára dóttur hans, Einad. Eftir að hafa skotið Danny Haran í bakið og drekkt honum fyrir framan barnið, sneri hann sér að henni. Hann sló hana margoft með riffilskeftinu og kramdi svo höfuð hennar með því að trampa á því. Kona Dannys, Smadar, faldi sig og hélt fyrir vit yngra barns þeirra hjóna, svo það gréti ekki þegar hetjan Kuntar réðst á fjölskylduna. Barnið kafnaði. Kuntar myrti einnig ísraelskan lögreglumann.

Nú er hetjan Samir Kuntar kominn heim, meira að segja með gráðu í stjórnmálafræði í farteskinu, sem hann fékk við háskóla í Ísrael meðan hann var í fangelsi.

Fagnið þið sem styðjið málstað hans. Það gerið Abbas á Vesturbakkanum og á Gaza er Kuntar þjóðhetja.   Íslenskir vinir þessa fólks ættu að halda veislu í kvöld, setja gott kjöt á grillið og gleðjast yfir því að Kuntar er kominn heim. Þetta er stórfenglegur málstaður sem þið berjist fyrir.

Athugasemdir

[Skúli Skúlason (IP-tala skráð) 16.7.2008 kl. 21:57]

Ég er ekki ennþá búinn að átta mig á því, hvernig Ísraelsmenn geta farið að því að afhenda fjóra eða fimm virka hryðjuverkamenn, þar af einn fjöldamorðingja ásamt 200 beinagreindum, gegn því að fá tvær beinagrindur í staðinn fyrir allt lottið.

Kátína hluta Líbana hljómar eins og gálgahúmor,  trúar dauðans.

Það hlýtur að vera að hluti af þessum viðskiptum sé ekki upp á borðinu, annars mundi maður halda að Ísraelsmönnunum væri farið að fara aftur.