Trúarhljómar

Matisyahu (Matthew Paul Miller) er óvenjulegur rappari (hiphoppari) og rastaman. Hér er óður hans til Jerúsalem sem mér þykir ljúfur. Hann var hér í Danmörku árið 2006 á Roskilde Festival.

 

og þetta er líka gott!

Lipa Schmeltzer hljómar eins og fitueyðandi undralyf, sem hægt er að kaupa í drugstore í stað þess að fara í liposucktion. Lipa Schmeltzer er einn vinsælasti tónlistamaðurinn meðal heittrúaðra gyðinga og vinsældir hans aukast. Hann er mikill grínisti og syngur á máli sem er skylt íslensku. Hér er brot af einu af vinsælustu slögurum hans, Abi Maleibt (Aber man lebt). Lagið er reyndar ættað frá Suður-Afríku og var stolið á sínum tíma, en að vísu ekki af Lipa.

 

Ekki get heldur ég staðið á mér að kynna þennan "Zimmermann", sem kemur örugglega og heldur tónleika í Laugardalshöllinni eftir 20 ár, ef hann lifir af núverandi menningarþróun heimsins.

Athugasemdir

[Sindri Guðjónsson, 6.6.2008 kl. 03:31]

Já, þetta er mjög skemmtilegt! Hafði séð og heyrt í Matisyahu áður.

[Áhugamadur um Rastafari (IP-tala skráð) 6.6.2008 kl. 19:31]

Langaði að benda á að Matisyahu er ekki rasta(fari). Hann trúir ekki að Haile Selassie I, fyrrverandi keisari Eþíópíu, hafi verið Messiah né lítur hann svo á að Zion sé Afríka, hvert svarti maðurinn skuli snúa úr sínu Exodus. Hann hallast, skv. Wikipedia, að Karlin Hasidic grein gyðingdóms.

Textar hans minna á Rasta sem er auðskiljanlegt þar sem orðræða og hugtök Rasta(fari-trúarinnar) eru að miklu leiti hin sömu og í júdai-isma.

Því er rangt að tala um hann sem rastaman.

Vildi koma þessu að.

Kveðjur,

Áhugamaður um Rastafari