Holy Hijab

 

 

Þessa dagana tala Danir vart meira um annað en slæður. Sumir ráðherrar koma sér í vandræði ef þeir eru jákvæðir fyrir slæðum. Aðrir þingmenn koma sér í vandræði ef þeir eru á móti slæðum. Enn aðrir vilja verða þingmenn með slæður.

Allt þetta slæðutal er kannski ekki einkennilegt, þar sem fleiri og fleiri konur í Danmörku hylja sig með alls kyns slæðum. Þær konur sem hylja sig, eignast fleiri börn en stöllur þeirra án slæða. Konurnar með slæðurnar segjast ekki getað lifað án þeirra og telja að tuskurnar séu einfaldlega guðlegar, en þeim sem er illa við klútana segja þá vott um kvenfyrirlitningu Íslams og skuggalegan miðaldahugsunarhátt.

Hvað sem öllu þessu slæðutali líður, og ef tekið er tillit til frjósemi slæðukvenna, þá er ljóst að nær helmingur allra kvenna í Danmörku mun eftir 20-40 ár bera slæður, sem "lög þeirra og trú fyrirskipa". Þá gilda víst ekki lengur dönsk lög í Danmörku. Allsbera stelpan á síðu 9 í Ekstra Blaðinu mun þá líklega með slör og slæður eða kannski hefur hún þegar verið hrakinn á brott eins og Eva úr Paradís.

Ég get ekki skilið hvernig slæður geta verið þóknanlegar Guði.  Það hlýtur að vera mjög heitt og óþægilegt að hafa svona vafning og geta ekki um frjálst höfuð strokið. Hvaða guð fyrirskipar slíkt? Það er víst hann Allah.

Ein af sterkustu skjaldmeyjum Allah er lítil stúlkukind á Gaza ströndinni, sem hér heldur mikla lofræðu, á arabensku, nýju tungumáli, um kosti og heilagleika hijabsins, þ.e. slæðunnar sinnar. Ræðan er heldur sorgleg.

Ekki veit ég hvaða álit stúlkan á Gaza hefur á þeim slæðudansi sem hægt er að sjá hér að ofan. Dillibossar eru greinilega jafnvinsælir með eða án slæðu. "Derty Dancing Al Arabi!" eða tvískinnungur undir kufli.

Athugasemdir

[Auðun Gíslason, 26.5.2008 kl. 21:26]

Þakka þér fyrir videóið.  Reyndar með því hallærislegasta, sem ég hef séð lengi.  Reyndar væru sumar kerlingar best geymdar á bakvið slæðu!  Fyrir nokkrum árum voru allar kellingar á Íslandi með slæðu yfir hárinu, ýmist til að "passa" uppá lagninguna"" eða til að enginn sæi, að þær höfðu ekki farið í "lagningu."  Og fyrir nokkrum árum máttu kvenkyns bankastarfsmenn ekki ganga í síðbuxum í vinnunni sinni.  Í Flórída er búið að banna einhverja undurfurðulega útgáfu af gallabuxum...Minnir orðið ástandið "á samræmt göngulag fornt."

[Hjálmtýr V Heiðdal, 26.5.2008 kl. 22:37]

Eftir þessa slæðufrásögn væri gaman að fá smá upplýsingu um höfuðbúnað strangtrúaðra gyðinga, hatta, slöngulokka og loðhúfur í 30 stiga hita. Einnig um það að konur þessara karla bera ekki eigið hár. Þegar ég heimsótti Ísrael þá var mér tjáð að þær væru með hárkollur því að þeirra eigið hár væri ekki guði þóknanlegt. Upplýstu mig nú Villi sæll.

[Hjálmtýr Heiðdal (IP-tala skráð) 26.5.2008 kl. 23:02]

Um höfuðbúnað – er það höfuðmálið?

Sæll Vilhjálmur.

Eftir þessa upplýsandi umfjöllun um slæður þá er ekki úr vegi að þú upplýstir um höfuðbúnað gyðinga. Þegar ég var í Ísrael sá ég menn með svarta hatta, loðhúfur og slöngulokka í 35 stiga hita. Einnig sá ég konur þessara manna og mér var sagt að þær væru með hárkollur þar sem þeim var bannað að bera eigið hár. Einhver spekingur hafði lesið það í bíblíunni. Þetta eru bara sögur sem ég hef heyrt en veit ekki neitt um málið þrátt fyrir minn mislukkað gyðinglega uppruna sem þú varst snöggur að sýna að átti sér enga stoð.

[Gunnar Hrafn Jónsson (IP-tala skráð) 27.5.2008 kl. 01:35]

Mér þótti þetta áhugavert innlegg í umræðuna um slæðuna: http://dagskra.ruv.is/streaming/sjonvarpid/?file=4397938/8

[Vilhjálmur Örn Vilhjálmsson, 27.5.2008 kl. 04:32]

Sæll Hjálmtýr, ég er alltaf af vilja gerður til að fræða fráfallna gyðinga. Satt er að haredim, heittrúaðir gyðingar, bera fyrir utan skegg og slöngulokka, peyot, hatta og jafnvel loðhúfur, strimmel, á heitustu dögum ársins og að konur þeirra eru með hárkollur og jafnvel líka hatta. Þetta lesa þeir út úr lögmálinu. Þetta er þó ekki eins útbreidd fyrirbæri eins og hijab og búrka. Hins vegar eru þessir gyðingar, sem þú nefnir, ekki að leitast eftir því að setjast á þjóðþing Dana og að fá gjörvallan heiminn til að bera það ok sem þeir þurfa að bera í 45 stiga hita. Og aldrei hef ég séð heittrúa gyðingakonur dansa dillbossadans. Þær gera það kannski fyrir eiginmanninn, þegar hann kemur þreyttur úr Schul, samkunduhúsinu, á kvöldin. 

[Vilhjálmur Örn Vilhjálmsson, 27.5.2008 kl. 04:36]

Gunnar Hrafn Jónsson, ertu meðlimur í hryðjuverkasamtökum? Vonandi sér Björn Bjarnason ekki myndina af þér. Konan frá alþjóðabankanum segir ekki alla söguna - og alls ekki rétta. Konur hafa ekki sömu réttindi og menn í heimi Íslam. Það er einföld  staðreynd, sem þú getur ekki notað RúV-fréttir til að falsa þig frá. Íranska konan, er eins og þú sérð ekki með slæðu!

[Vilhjálmur Örn Vilhjálmsson, 27.5.2008 kl. 04:43]

Kristinn Haukur, "trúarkjaftæði" er nú einu sinni það mikilvægasta fyrir mannskepnuna, fyrir utan mat og kynlíf. Þess vegna blanda menn því nú oft saman og jafnvel prestar og predikarar á Íslandi. Vídeóið með dillibossunum sýnir víst líka "sexy" sitúasjón með trúarlegu ívafi. Ef þú vilt banna trú, er þá ekki líka best að banna  kynlíf og nautn? Hver er ofsatrúarmaðurinn nú? Þeir sem trúa, eða þú trúleysinginn?

Ég tel ekki að slæða sé trú, heldur trúarlegt tákn sem nú fer í aukana vegna þess að það hefur stjórnmálalega þýðingu fyrir þá íslamista, sem lýst hafa yfir að þeir sækist eftir heimsyfirráðum það sem Kalífaveldið er útópían og Íslam eru lögin.

[Hjálmtýr V Heiðdal, 27.5.2008 kl. 08:47]

Þú fyrirgefur að aukasendingu tókst að slæðast inn. Ég hélt að sú fyrri hefði misfarist. „þá er ljóst að nær helmingur allra kvenna í Danmörku mun eftir 20-40 ár bera slæður“ skrifar þú. Framtíð Dana er ekki „björt“ skv. þinni tölfræði. Makalaust hvað menn eru niðurstöðugjarnir. Framtíðarspár hafa yfirleitt ekki staðist, og síst þær sem byggja á huglægum forsendum.

[Aðalbjörn Leifsson, 27.5.2008 kl. 09:57]

Vilhjálmur þetta var lostafullur bossanova dans. Veistu Vilhjálmur sumt kvennfólk ætti ekki að vera í öðru en burka. Annað er umhverfisslys og sjónmengun. Þessi guð þeirra hann Alli ætti að lokast inni á Sankt Hans, og það strax.

[Auðun Gíslason, 27.5.2008 kl. 11:09]

"... ég er alltaf af vilja gerður til að fræða fráfallna gyðinga..."???

[Vilhjálmur Örn Vilhjálmsson, 27.5.2008 kl. 20:52]

Hjálmtýr, ég er enginn spámaður. En aukninguna í notkun hijabsins hef ég séð með eigin augum og múslímar fjölga sér betur og hraðar en Danir. Kannski er það bara allt í lagi. En ég skil líka þá sem hræðast þá þróun.

[Vilhjálmur Örn Vilhjálmsson, 27.5.2008 kl. 20:55]

Auðun, þetta tal um fráfallna gyðinga, skýrist ef þú lest fyrri skoðanaskipti okkar Hjálmtýs. Hjálmtýr var á því að forfeður hans væru gyðingar. Ég tel svo ekki vera. Lestu líka fyrsta innlegg Hjálmtýs hér í umræðuna.

[Vilhjálmur Örn Vilhjálmsson, 27.5.2008 kl. 21:00]

Aðalbjörn, mér finnst allar konur fallegar, hver á sinn hátt og þykir ekki fallegt að hylja fegurð. Ég er líka á móti því að loka Guði inni á Kleppi eða krossfesta þá. Ef við misnotum Guðina, þá erum við vond. Þeir sem misnota Allah, eru ekki góðir í mínum bókum.

[S.H. (IP-tala skráð) 28.5.2008 kl. 21:41]

 

 

 

Þann 6.mars síðastliðinn var blaðakonan Parvin Ardalan væntanleg til Stokkhólms frá Íran til þess að taka við verðlaunum, sem kennd eru við Olof Palme. Verðlaunin sem skyldu afhent 8. mars voru að þessu sinni veitt fyrir baráttu Ardalan fyrir jafnrétti og bættri stöðu kvenna í írönsku samfélagi.

En Parvin Ardalan kom aldrei til Svíþjóðar.

Hún hafði gengið um borð í flugvélina í Teheran og var sezt þegar óeinkennisklæddir menn ruddust inn og tóku hana höndum. Flugstjórinn kvaðst tilbúinn að lyfta, því Ardalan hafði öll skilríki í lagi, vegabréf og áritanir, en hún tók þá ákvörðun að fara sjálfviljug frá borði af ótta við að henni yrði ekki leyft að snúa aftur til heimalands síns.

Hver var þá orsök þess að stjórnvöld í Íran meinuðu þessari konu að fara úr landi?

Ardalan, sem 41 árs gömul bendir á það hrópandi misrétti sem ræður milli kynjanna. Gift kona má ekki vinna utan heimilis án leyfis maka, ekki heldur getur hún farið til útlanda nema með sérstöku leyfi eiginmannsins. Hún fær ekki skilnað nema með samþykki mannsins, aftur á móti getur hann tekið sér fleiri hjákonur.Erfðaréttur konu og dætra er bara hálfur á við erfðarétt sona. Vitnisburður kvenkyns manneskju  gildir aðeins til hálfs á við karlkynið.
Stúlkur eru sakhæfar frá átta ára aldri, en drengir frá fimmtán ára. Líflátsdómi er þó ekki framfylgt fyrr en við átján ára aldur, sama gildir fyrir bæði kynin!
Ef gift kona er ótrú manni sínum er leyfilegt að grýta hana til bana án dóms og laga.
Konur verða að hylja sig frá hvirfli til ilja utan heimilis og í augsýn annarra karlmanna en maka. Vei þeirri konu sem vísar nakinn fót eða ökkla eða lokka sem óstýrilátir gægjast undan blæjunni. Þá er siðalögreglan fljótlega á hælum konunnar. Makeup eða aðskorinn fatnaður er stranglega bannaður.

 

Í byrjun maí 2008 tók systir Parvin Ardelan við verðlaununum í Stokkhólmi.

En verðlaunahafinn sjálf sem þjáist af MS situr þegar í illræmdu fangelsi í Teheran dæmd til 2-3 ára fangelsisvistar fyrir baráttu sína.