Gamalt hatur gleymist ei

Hvað eiga Harrison Ford og Kirk Douglas (og Michael), Gwyneth Paltrow sameiginlegt fyrir utan að vera leikarar á hvíta tjaldinu. Jú, þau geta, eins og aðrir góðir menn, t.d. Shimon Peres, rekið ættir sínar til Hvíta Rússlands. Þau eru öll gyðingar eða afkomendur þeirra. Ef þið þekki ekki þetta fólk, þekkið þið örugglega málarann Chagall.

Izzur Danielovitch er 92 ára og gengur undir nafninu Kirk Douglas

 

Enn er verið að ofsækja gyðinga í Hvíta Rússlandi. Ef ekki er verið að ama þá sem lifandi eru, róta menn upp beinum forfeðra þeirra með lítilli virðingu og eyðileggja það litla sem eftir er af menningarverðmætum gyðinga í landinu.

Nasistar eða bræður þeirra kommúnistar notuðu bróðurpart 20 aldar til að ganga að gyðingum dauðum. Þriðji bróðirinn hinn vestræni einfeldningur, hefur nú tekið við eykinu og reynir að ganga frá Ísraelsríki með venslamönnum sínum austur á hnettinum, sem vilja vestræn gildi feig.

Árið 1961 reistu Rússar íþróttahús ofan á grafreitum gyðinga í borginni Gomel (Homel/Hoymel). Nú er verið að lappa upp á byltingarruslið og þá er aftur farið að grafa upp bein gyðinga, sem eru fyrir framkvæmdum.

Gomel var einu sinni næststærsta borg Hvítarússlands og mjög mikilvæg borg fyrir austurevrópskan gyðingdóm. Þegar best lét voru ekki færri en 26 samkunduhús í borginni. Nú er verið að moka leifum fyrri íbúa í poka með lítilli virðingu og brotin er sú greftrunarhelgi sem gyðingar keyptu sér til eilífðarnóns. Gyðingar þurftu í aldanna rás að kaupa grafreiti sína dýru verði. Fermetrinn á sumum þeirra var dýrari en fermetrinn á dýrasta stað í Tokyo, ef farið er út í að reikna eftir nútímagengi. 

Einstaka menn reyna að bjarga því sem hægt er. Einn þeirra er , Yevgeny Malikov, sem bjargað hefur tveimur grafsteinum og safnar saman mannabeinum.

 

Þessi grafræningjaháttur í Gomel er því miður ekkert einsdæmi. Það sama gerðist nýlega í borginni Grodno. Gyðingahatur virðist hluti af menningunni í Hvítarússlandi . Þetta óeðli er samt ekki bara bundið við Hvítarússland. Sjá t.d. hér.  Ekki má gleyma öllu því sem eyðilagt hefur verið vegna haturs í heimi múslíma. Assad Sýrlandsforseti lét t.d. leggja hraðbraut yfir stærsta grafreit gyðinga í Damaskus.

Á því svæði sem nú kallast "lýðveldið" Hvítarússland bjuggu fyrir 1940 meira en ein milljón gyðinga. 800.000 þeirra voru myrtar af þjóðerjum og skósveinum þeirra. Í dag búa tæplega 27.000 gyðinga í Hvítarússlandi og þurfa þeir enn að horfa upp á að trampað sé á menningu þeirra.

Í fyrra kenndi Lukashenko einræðisherra gyðingum um ömurlegt ástand borgarinnar Babruysk. Um Babruysk sagði hann m.a. að borgin "væri gyðingaborg, og gyðingum þætti ekki vænt um þá staði sem þeir búa á. Þeir hefðu breytt Babruysk í svínastíu" og Lukashenko bætti við hróðugur  "Sjáið Ísrael, ég var sjálfur þar og sá með mínum eigin augum". Lesið um ósómann hér.

Enn er arfur Sovétsins víða gríðarlegur, og kannski hvergi eins mikill og í Hvíta Rússlandi illmennisins Alexanders Lukashenkos. Hvítrússar voru líka góðir stuðningsmenn Hitlers. Lukashenko telur meðal bestu vina sinna snillinginn sem stjórnar í Íran, gáfumanninn sem stýrir Kólumbíu og foringja Hamas. Nýnasistar hylla líka Lukashenko Hann hefur reynt að loka deild við háskóla þar sem gyðingdómur er rannsakaður og náðað ofbeldismenn sem framið glæpi gegn gyðingum - og þetta er næsti bær við Pólland, Lithaugaland og Lettland. Síðan 1989 hafa 68000 gyðingar flutt frá Hvíta Rússlandi til Ísrael.

Athugasemdir

[Predikarinn - Cacoethes scribendi , 20.4.2008 kl. 20:07]

Sæll kæri dr. Vilhjálmur Örn.  Tek undir með þér. Þetta er subbuskapur af verstu gerð meðferð þessara þjóða og virðingarleysi fyrir náunganum. Það lýsir sér vitaskuld albest í meðferð þeirra sem eiga sér gyðinglegan uppruna, en sömuleiðis er virðingarleysið lítið og mannvirðingin engin ef þeim býður svo við að horfa um aðra kynþætti.

[Edda (IP-tala skráð) 21.4.2008 kl. 00:50]

SKELFILEGT.....    En halltu áfram Vilhjálmur!! 

Sorgarkveðjur, E.

[Ásgeir Kristinn Lárusson, 21.4.2008 kl. 12:46]

Svo má minna á enn einn merkismanninn frá Belarus, gyðinginn Immanuel Velikovsky.

[Salmann Tamimi, 21.4.2008 kl. 18:07]

Alveg hryllilegt hvernig manneskjan getur verið grimm. Ég fordæmi svona tillitsleysið allt staðar og lika þegar israelsmenn geri nákvæmlega eins við múslima ein og aðrir gera við þá. Kikið á þetta frá Israelska blaðið Háaretz

http://www.haaretz.com/hasen/spages/880732.html