Danskur undirlægjuháttur

 

 

Ímyndið ykkur að RÚV hefði búið til þátt um öfgafulla íslamista árið 2002 og sent hann út tvisvar sinnum. Ímyndið ykkur að þátturinn hafi orðið áhugaverður aftur í kjölfarið á allri umræðunni um teikningarnar af Múhameð spámanni nýverið. Ímyndið ykkur að viðmælendurnir í þættinum, sem tilheyra íslamístískum samtökum á Íslandi, sem t.d. gætu heitið Hizb ut-Tahrir al Islandiah, hafi neitað at taka þátt í endurgerð þáttarins ef aðrir en múslímar væru með í þættinum. Ímyndið ykkur að RÚV hafi gengið að þeim skilmálum og flutt þáttinn, þannig að viðtöl við "vantrúaða", kristna og gyðinga, væru fjarlægð úr þættinum.

Þá að bláköldum veruleikanum.

Allt þetta hefur gerst í Danmörku. Danskir fjölmiðlar greindu frá því  hér um daginn að þáttur danska útvarpsins DR (P1), sem fyrst var sendur út árið 2002 og ber heitið Jihad.dk, var nýlega sendur út aftur. Þátturinn var sendur út með þeim skilyrðum öfgasamtakanna Hizb ut Tahrir, að engir nema múslímar mættu taka til orða í þættinum. DR hefur veitt öfgasamtökum tækifæri til að ritskoða fólk með aðrar skoðanir eða trú.  Hizb ut Tahrir hefur í Danmörku hvatt til "drápa á gyðingum, hvar sem þá er að finna", og þeir hafa heimsyfirráð íslamísk kalífaheimsríkis á dagsskránni. Ekki má gleyma ætlun þeirra að útrýma Ísraelsríki, því borgin al Quds, miðja nýja heimsríkis þeirra, á að rísa þar. Jerúsalem heitir borgin í okkar menningarheimi, en múslímar eru meira fyrir hið smekklega nafn al Quds. 

Svona er nú veruleikinn í Danmörku. Að mínu mati er stefna Danmarks Radio undirlægjuháttur og einfeldni, sem er eftir að draga dilk á eftir sér.

Athugasemdir

[Loftur Altice Þorsteinsson, 14.3.2008 kl. 09:26]

Ef ég skil þig rétt Vilhjálmur, telur þú að múslima-sjálfsalar finnist ekki á Íslandi. Sannleikurinn er sá að fjöldi fólks hér á landi, eins og í öðrum Vestrænum löndum er haldinn sárri sjálfseyðingarhvöt, sem meðal annars birtist í undirlægjuhætti við heimsvaldastefnu Muhammads.

Það kæmi mér ekki hætis hót á óvart, ef nákvæmlega sama daður við Allah eigi eftir að eiga sér stað á RUV, eins og þú lýsir á DR (P1). Hér er allt fullt af gömlum kommúnistum í tilvistarkreppu, sem eru himinlifandi með að fá að aðstoða múslimina með sitt Jihad á hendur Vesturlöndum.

[Vilhjálmur Örn Vilhjálmsson, 14.3.2008 kl. 09:38]

Ég er hræddur um, Loftur,  að þú hafir rétt fyrir þér.  En fjöldi öfgamúslíma er ef til vill ekki eins mikill á Íslandi og í Danmörku.

[Vilhjálmur Örn Vilhjálmsson, 14.3.2008 kl. 12:37]

Skúli, einn af æðstu mönnum Hizb ut Tahrir í Danmörku er einmitt læknir. Þetta eru kannski menn sem vilja meira blóð en í vinnunni.