Konungleg list

 

 

Á þessum síðustu og heilögustu dögum eru reiðir menn í Langtíburtustan farnir að skipa fólki til og og segjast annars vilja brenna allt og bramla, ef ekki er dansað eftir þeirra höfði.

Dönum er ljóst að veiðitíminn á þá hefur verið staðfestur í nafni Allah. Það er hættulegt að bera danskt vegabréf í sumum heimshlutum.

Danir kippa sér hins vegar örugglega ekkert upp við þetta skemmtilega málverk sem vann til verðlauna í Ástralíu í nótt. Listamaðurinn, James Brennan fékk 5000 ástralska dali fyrir lystisemdirnar. Verðlaunin kallast Bald Archy Prize. Lesið meira hér

Nú verða Danir að reyna að fá þessa glæsilegu mynd í myndasafn konunganna í Danmörku. Þetta er einstaklega sócíalrealístísk mynd. Prins Friðrik heldur á Carlsberg, sem eins og auglýsingin segir, er líklega besti bjórinn í heimi (en það er nú ekki rétt). Ég hef þó eina athugasemd. Ég held ekki að Mary sé með svona bústin læri. Auðvitað hef ég ekki séð þau, en ég ímynda mér að að þau séu spengilegri.

Nú verður að styðja við bakið á þessum merka listamanni í Ástralíu. Hvað með málverk af Ólafi og Dorrit í svipaðri póseringu? Ohh, ég sé það fyrir mér, með Esjuna í bakgrunninum!

Með því að klikka tvisvar á myndina er hægt að njóta hennar til fullnustu.

Athugasemdir

[Kristján Sveinsson, 10.3.2008 kl. 15:37]

Gamli minn. 

Þetta er stórmerkileg mynd. En karlinn er ekki vitund líkur Friðrik erfðaprinsi. Þetta er einhver allt annar. Er þetta ekki bara Múhameð með Carlsberg? (Sem er annars drykkur fyrir Framsóknarmenn, hef ég heyrt.)  Ekki er ég kunnugri lærunum á Mary en þú, en þetta eru alveg voðalega sósíalrealískir drumbar sem við sjáum þarna. Helvíti miklar júfertur eiginlega. Eigum við að trúa þessu? Kannski þykja bosmamikil læri flott í Ástralíu eins og stórar bjórflöskur. Þeir eru nú ekki að kvotla í sig úr einum litlum framsóknarcarlsberg þar. Hefurðu rannskakað skinnið? Er þetta Tasmaníuhundur eða bara röndóttur refur? Kvikindið er að minnsta kosti hvorki sérlega sósíal eða realístískt. Könnum enn.

Vertu svo vel kvaddur.  

[Vilhjálmur Örn Vilhjálmsson, 10.3.2008 kl. 16:48]

Margblessaður Kristján, þorir þú inn á dómein gamla öfgamannsins. Mér þykir þú kaldur.

Ég er ekki frá því að þessi Brennan hafi verið stífur af Guinness, þannig að Friðrik lítur út eins og að hann sé með vatnshaus og Mary er eins og einhver meðalhlussa frá Brisbein.

Stór læri þykja örugglega flott down under, og hafa þótt það frá örófi alda, sbr. kengúrulæri. Skinnið þótti mér líka illa málað. Brennan hefur verið að flýta sér. Mér telst til að þetta eigi að vera tasmaníudjöfull eða tasmaníutígrisdýr, eða kannski er þetta bara röndóttur framsóknarmaður sem hefur drukkið of marga Carlsberg, sem skýrir hve ósósíalt það er.

Þakka fyrir innlitið, ég slæ á þráðinn innan skamms.

[Predikarinn - Cacoethes scribendi , 11.3.2008 kl. 02:16]

Kæri dr. Vilhjálmur Örn. Get ekki stilltmig um að benda þér á grein sem nefnd er

Israel OK with Muslims destroying its history?
 

http://worldnetdaily.com/index.php?fa=PAGE.view&pageId=58460

[Edda (IP-tala skráð) 11.3.2008 kl. 02:20]

Ha, ha, ha   ha ha .... þið eruð góðir  .... en ég er óánægðust með andlitið á Friðriki, þrátt fyrir að ég sjái smá svip og svo held ég reyndar ekki að hann sé með neina bumbu ???   Ég er líka nokkuð sannfærð um að lærin og kálfarnir á Mary séu mun betur formuð en myndin sýnir    Kær kv. E.