BBC breytti sömu frétt kl. 14:58 og 15:36

 

 

Eftir að Mbl.is sauð þessa vafasömu frétt saman eftir frétt á fréttavef BBC, hafa gerst undur og stórmerki.

Frétt sem upphaflega bar heitið:

Gaza militants risking holocaust

breyttist kl. 14:58 í Gaza militants 'risking disaster'

fréttinni var síðan breytt verulega enn á ný kl. 15:36 og ber nú yfirskriftina:

Israel warns of invasion of Gaza  en það er bara allt önnur frétt en ég las í dag.

Allar þessar yfirskriftir birtust á slóðinni http://news.bbc.co.uk/2/hi/middle_east/7270650.stm

BBC virðist eiga í erfiðleikum með að segja sannleikann rétt eins og Hamas.

Stungið hefur verið upp á nafninu British Broadcasting Conspiracy. Ég er farinn að halda að það sé réttnefni

 

Ísraelar hóta Palestínumönnum helför

Athugasemdir

[Predikarinn - Cacoethes scribendi , 1.3.2008 kl. 01:38]

Ólafur Björn Ólafsson : Hvernig stendur þá þessu blóðbaði múslima við að ráðast á hvora aðra? Er skopmyndateiknarinn danski múslimi ?

[Predikarinn - Cacoethes scribendi , 1.3.2008 kl. 01:38]

Sorrý . Átti að vera Er skopmyndateiknarinn danski gyðingur ?

[Vilhjálmur Örn Vilhjálmsson, 1.3.2008 kl. 06:21]

Mikið er nú merkilegt að sjá hve margir gyðingahatarar eru á Íslandi. Þeir læðast allir fram við þennan fréttaflutning, sem var rangur, og byggir á því að fréttaritarar í Ísrael kunna ekki hebresku og vita ekki hvernig orðið "shoah" er notað við mismunandi aðstæður.

Þetta er svona álíka blaðamannavitleysa og þegar Vigga átti að mæta Margréti Danadrottningu í "krydsild" hér um árið í danska blaðamannaklúbbnum. Þetta þýddi einhver gemlingur á Mogganum með því að Möggu og Viggu væri boðið í kryddsíld.

Blaðamenn gera mistök. Stundum verður þetta að saklausri síld, en einatt getur heimurinn logað vegna lyga eins manns.

Gyðingahatur á Íslandi, sérstaklega á meðal vinstri manna, en einnig fólks sem í mínum bókum verður að teljast sjúklingar er orðið alvarlegt.´

Á Ísland erindin í Öryggisráð Sameinuðu Þjóðanna með slíkan andskota í farteskinu. Lítið á það sem Ingibjörg Sólrún skrifaði um Ísrael á síðasta áratug 20. aldar.

[Vilhjálmur Örn Vilhjálmsson, 1.3.2008 kl. 12:06]

Hann hefur orðið undir einhverjum valtara í lífinu.

[Ómar Bjarki Kristjánsson, 1.3.2008 kl. 14:02]

Sæll Vilhjálmur.

Það er sorglegt að svona sjúkir og veraldafyrtir einstaklingar skuli vera til eins og kemur fram í athugasemd Ólafs Björns og bloggskrifum hans. Í blogg skrifum hans segist hann ekki vera rasisti heldur væri þetta hinsvegar hugsanir sínar. Já, þvílíkur þankagangur. Hann ætti að grafa sér dýpri gröf með þeim tækjum sem hann vinnur á, leggjast þar og hugsa um hvað þetta yndislega líf geti boðið upp á, eða haft þennan þankagang með sér sjálfur.

Mig langar að vísa á bloggfærslu hér og setja inn hér neðanmáls góða athugasemd frá þeim sama við skrifum á öðru bloggi hér:

"  

Ómar Bjarki Kristjánsson, 1.3.2008 kl. 14:02

Einhverra hluta vegna er mörgu skynugu fólki á Íslandi í mun að sverta Ísrael á flesta lund. Eldflaugaárásum er líkt við gamlárskvöldssprengjur og látið í veðri vaka að ein þjóð eigi að láta það gott heita að láta rigna yfir sig eldflaugaárásum vegna þess að þær eru ekki nægilega mannskæðar.

Svo kemur alltaf eitthvað forvitnilegt og nýtt. Nú hafa Ísraelsmenn ekki skilað Gaza svæðinu nægilega vel. Sleppum því að Gaza á landamæri að Egyptalandi (enda fyrrum landsvæði þeirra) en reiðir sig á alls kyns aðföng frá Ísrael, rafmagn, olíu og fleira. Sleppum því að síðan í júní í fyrra hafa Hamas samtökin tekið yfir völdin á Gaza, sem hafa á stefnuskrá sinni að eyða Ísrael og drepa eins marga Gyðinga og þeir ná í. Sleppum því að enginn mótmælti ólöglegri yfirtöku Hamas úr herbúðum þeirra sem gagnrýna Ísrael eilíflega. Sleppum því að herská öfl nota saklausa borgara fyrir skildi í átökum sínum við Ísrael. Sleppum öllum þessu og hvað situr eftir?

Jú, eldflaugaárásir dag hvern sem einfeldningar á Íslandi ætlast til að menn horfi framhjá, vegna þess m.a. að Ísraelsher er jafn sterkur og hann er. Ég get ekki skilið fólk öðruvísi en að undir niðri býr mikið hatur í garð Ísraela úr því að þeim á ekki að leyfast að verja sig.

Ef friðarferlið kæmist alvarlega í gang aftur (fundir hafa að vísu verið haldnir reglulega að undanförnu) er ljóst að Palestínumenn gætu nálgast stofnun eigin ríkis og þess óskum við flest. Það er sú lausn sem gæti minnkað ófriðarbálið og gefið Palestínumönnum færi á að byggja upp lífvænlegt og sjálfstætt ríki.

Gaza svæðið er tengt Ísrael um flesta hluti en í framtíðinni gætu menn byggt upp tengslanet til Egyptalands - ef Egyptaland hefur þá áhuga á slíku en þeir hafa hingað til ekki ljáð máls á slíku. Á meðan verða íbúar á Gaza að reiða sig á tengslin við Ísrael. Sem ég segi, Róm var ekki byggð á einum degi. Vitanlega gætu Ísraelsmenn rofið þessi tengsl, en þá fyrst kæmi nú hljóð í skrokkinn ... ekki satt?

Það liggur alveg kristalljóst fyrir að á meðan herská öfl Palestínumanna boða ófrið og fylgja honum eftir með m.a. eldflaugaárásum verður ekki af stofnun ríkis Palestínumanna. Hin herskáu öfl hafa og heldur lítinn áhuga á slíku.

Þetta veit umheimurinn, jafnframt því fordæma margir hin harkalegu viðbrögð Ísraelsmanna og það skil ég vel. En ég hef hins vegar aldrei áttað mig á hve langt menn mega ganga í því að verja land sitt og þjóð.

Eitt er víst: hin blóðugu átök munu halda áfram og einfeldningar á Íslandi munu síst hjálpa almennum Palestínumönnum í átt til friðar og sjálfstæðs ríkis með því að breiða fjöður yfir haturshugmyndafræði herskárra Palestínumanna og Islamista, sem gera sér það að góðu að senda börnin sín í sjálfsmorðsárásir.

Ólafur Als, 1.3.2008 kl. 17:09   "

Með kveðju til þín. GH.