Hryðjuverkakanína

 

 

"Ef þeir gera það aftur mun ég drepa þá, bara. Ég mun bíta þá bara, og drepa þá", segir bleika kanínan Assud við hrjáðu börnin á Gaza.

Það eru Danir og teiknarinn Kurt Westergaard, sá er leyfði sér að teikna Múhameð, sem blessuð börnin eiga að bíta og drepa. Bleikar kanínur víst ekki lengur eins velkomnar og áður í Danmörku.

Kanínan Assud er meðlimur í hryðjuverkasamtökunum Hamas og hans æðsta ósk er að verða hryðjuverkakanína og píslavottur. Hann hefur sagt börnunum á Gaza að hann verði brátt hjá Allah í Paradís og að tígrisdýr muni leysa hann af í heilþvættinu. Sjá meira hér.

Ég veit ekki hvert þið munið eftir músliminum Farfur sem starfaði fyrir Hamas áður en hann dó. Reyndar urðu ævilok hans alveg gazaleg. Börnunum var sagt að hann hefði dáið píslardauða. Mýslupíslavotturinn Farfur var nefnilega, að sögn Hamassjónvarpsins, hnepptur í fangelsi af Ísraelum, og þar var hann auðvitað myrtur af vondum Gyðingum.

Svona er nú barnaefnið á Gaza. Þetta er einhver sjúkdómur.

Einhverjar athugasemdir frá Hamas-verjum og stuðningsmönnum á Íslandi? 

Athugasemdir

[Greta Björg Úlfsdóttir, 27.2.2008 kl. 19:00]

Það er hræðilegt að innræta börnum hatur eins og gert í þessum myndböndum, og það í nafni trúar, rétt eins og verið er að gera í Jesuscamp. Öfgar á báða bóga og misnotkun á saklausum barnshugum. Eins og Einar segir þá kemst aldrei á friður á meðan börnum eru innrætt þessi viðhorf.

Hvað ungur nemur, gamall temur, enn er víst til fólk í Evrópu sem telur namsimann lausnina og að það verði að útrýma "óæðri" kynstofnum. Og heldur áfram að dreifa þeim boðskap til yngra fólks, rétt eins og fordómum og öfgum er sáð í huga þessara barna í Palestínu. Ömurlegur andskoti.  En slíkt er þó ólöglegt í Evrópu (eða er það ekki?), meðan þetta er víst opinber, eða alla vega leyfileg útvarpsstöð þarna suður frá.

Vilhjálmur, hefur þú einhverjar tölur um áhorf á þessa stöð? 

[Linda, 27.2.2008 kl. 19:30]

hmmm ég var nú búin að setja in margmiðlunarefni sem tengist þessu, hægt er að sjá óssóman með því að smella hér það er gott að fólk skrifi um þessi mál og láti ekki bugast þó svo að háðværar GAZA bullur reyna að blekkja með út úr snúningi.  Þor og dug fólk, þor og dug annað er uppgjöf.

[Brúnkolla (IP-tala skráð) 27.2.2008 kl. 21:03]

Mér hefur aldrei verið vel við kanínur.

[Sigurður Þórðarson, 27.2.2008 kl. 22:03]

Mér er brugðið!

[Theódór Norðkvist, 28.2.2008 kl. 00:00]

Þetta er óhugnanlegt og sýnir hvílíkt andlegt myrkur Íslam er. Við skulum samt ekki gleyma að kúgun Ísraela á aröbum, með dyggri aðstoð Bandaríkjanna og leppríkja þeirra, kyndir undir þennan ófagnað.

[Greta Björg Úlfsdóttir, 28.2.2008 kl. 01:50]

Theodór, það er ekki íslam sem Hamas boðar. Öfgaflokkar hverju nafni sem þeir nefnast geta snúið út úr og túlkað hvaða trúarbrögð sem er sér í vil og sínum málstað.

[Edda (IP-tala skráð) 28.2.2008 kl. 02:06]

Í einu orði sagt "SKELFILEGT"......  Ég dáist að þér Vilhjálmur, þú lætur ekki kveða þig í kútinn     Kær kv. E.

[Theódór Norðkvist, 28.2.2008 kl. 11:01]

Einar: Það er ekkert sem réttlætir svona innrætingu á börnum, svo það sé á hreinu. Hinsvegar gefa Ísraelsmenn ofbeldismönnum byr undir báða vængi með ofbeldi og eyðileggingu á samfélagi Palestínuaraba.

Síðan má deila um hverjir eiga landið þarna. Gyðingar keyptu jú einhver landssvæði, en byssurnar og ofbeldið átti stærstan þátt í að hrekja fyrri íbúa í burtu.

Hægt er að minna á ýmis glæpaverk Gyðinga, t.d. þegar Irgun skæruliðasamtökin slátruðu á annað hundrað aröbum í Deir Yassin, eldra fólki, konum og börnum í þorpinu Deir-Yassin, undir stjórn Menachems Begins, síðar forsætisráðherra Ísraels.

Þeir sem verja svona fugla eru ekki heilir í kollinum.

[Jonni, 28.2.2008 kl. 11:05]

Ég vil taka í sama streng og aðrir mælendur hér og fordæma þennan fádæma barnatíma. Þess má geta að stjórnandi sjónvarpsstöðvarinnar hefur harmað atvikið og að slíkt skuli ekki mega eiga sér stað.

Mér finnst samt rétt að benda á að það er fásinna að halda fram öfgamönnum íslam sem verðugum fulltrúum þeirra trúarbragða. Þá væri eins hægt að taka kristna krossfara og þeirra öfgabrjálæði sem inntaki kristindóms.

[Greta Björg Úlfsdóttir, 28.2.2008 kl. 11:34]

Þetta er hárrétt hjá Jonna, þetta las ég líka í lok í fréttar Jótlandspóstsins um málið:

"Þættinum hefur verið aflýst (suspenderet) vegna tilmæla palestínska upplýsingaráðherrans (informationsminister) sem lýsti þættinum sem "rangri aðferð í baráttunni á móti ísraelsku hersetunni" " 

[Greta Björg Úlfsdóttir, 28.2.2008 kl. 11:37]

Úpps, vitlaust vefslóð, hér kemur sú rétta: Barnasjónvarp hvetur til dráps á teiknara.

[Greta Björg Úlfsdóttir, 28.2.2008 kl. 11:38]

Hm, já, það átti vist við um "drápið" á Mikka Mús, en ætli örlög kanínunnar verði ekki eitthvað svipuð, það ætla ég rétt að vona.

[Vilhjálmur Örn Vilhjálmsson, 28.2.2008 kl. 13:36]

Jú Greta, það eru gyðingar á leiðinni að merja líftóruna úr þessari ofsatrúarhryðujuverkakanínu svo hún geti komist í paradís