Skrifuðu íslensk skáld um helförina?

  

 

Ég fékk nýverið bréf frá stúdent í Vín, sem lesið hafði bók mína. Hann vinnur að doktorsverkefni um helför (gyðinga) í bókmenntum (þ.e.a.s. fagurbókmenntum og ekki í fræðiritum) eftirstríðsáranna, sérstaklega á Norðurlöndunum.

Ég mun vísa honum á sérfræðinga á Norðurlöndum sem ég þekki, sem ég veit að geta svarað spurningu hans varðandi Noreg, Danmörku, Svíþjóð og Finnland miklu betur en ég get. 

En þegar ég fór að reyna að muna hvort einhverjar íslenskar skáldsögur, ljóð og aðrar listir hefðu fjallað um helförina, þó það væri ekki nema lína eða eitt málverk, reyndist minni mitt ekki vera hjálplegt.  Ég veit að Einar Hákonarson listmálari fór ungur til Auschwitz og varð fyrir miklum áhrifum af þeirri ferð. En hvort hann hefur beinlínis skapað verk sem tengjast þeirri för, veit ég ekki.

Einar heitinn Heimisson skrifað hina ágætu bók "Götuvísa gyðingsins", sem var tilnefnd til íslensku bókmenntaverðlaunanna.

Svo eru auðvitað til aðrir sem misþyrma listagyðjunni og kalla sig listamenn og nota listina eins og menn gerðu forðum í Sovét.

Eysteinn heitir ungur maður fyrir austan. Eins og er, er hann sjóari og hugsuður og meira að segja bloggari. Hann hefur skrifað þetta á Ljóð.is.

Kæri Adolf sárt vér söknum þín
Senn er mál að efla hreina stofninn
Úr Jerúsalem rekja júðasvín
Og jafnvel byrja að kynda gamla ofninn

Get ég sent þessa "ljóðlist" að austan til Vín? Er ekki eitthvað annað til?  Hvað með þig Þórarinn Eldjárn, eða Arnaldur Indriða? Eða eruð þið bara í frumskógarferð í kuskinu í naflanum á sjálfum ykkur?

Ég get auðvitað sent austurríska stúdentnum glás af íslenskum lofsöng og listsköpun um hryðjuverkastarfsemi í Palestínu, en ég held hann hafi ekki áhuga á því.

Hjálpið mér, þið sem eruð betur lesin á íslenskar bókmenntir en ég.

Athugasemdir

[Kristján Sigurður Kristjánsson, 18.2.2008 kl. 19:46]

Hvaða bók er "Býr Íslendingur hér"?

[Vilhjálmur Örn Vilhjálmsson, 18.2.2008 kl. 19:55]

Býr Íslendingur hér fjallar ekki beint um helförina. Frekar um hve Íslendingar geta verið vondir við hvern annan.

[Kristján Sigurður Kristjánsson, 18.2.2008 kl. 20:17]

Hver er munurinn á að vera píndur og drepinn af nasista eða kommunista? Hver er munurinn á að drepa Gyðing og mann sem er ekki gyðingur?

[Vilhjálmur Örn Vilhjálmsson, 18.2.2008 kl. 20:24]

Ég held barasta að það sé enginn munur, Kristján minn. Morð er sami glæpurinn, hvar sem morðið er framið.

[Brjánn Guðjónsson, 19.2.2008 kl. 02:33]

hvort sem um er að ræða gyðinga eða araba?

[Vilhjálmur Örn Vilhjálmsson, 19.2.2008 kl. 10:04]

Eða smaladrenginn Brján, ef hann væri ekki draugur.

Þessi fyrirspurn mín virðist kalla á menn með mikla réttlætiskennd, en litla greind.

Samkvæmt hugsunarhætti Bjáns og Kristjáns ætti að vera búið að myrða 6.000.000 Þjóðverja eða annarra Evrópubúa fyrir morð þeirra á 6.000.000 gyðinga. Þeir setja öll mannslíf að jöfnu.

Þið sjáið því lesendur góðir, að líf gyðinga eru og voru greinilega ekki eins mikils virði og t.d. Íslendinga.

En skrifuðu Íslendingar um 6.000.000irnar sem myrtar voru í helförinni? Ég er ekki að spyrja um 6.000.000 krónur.

Hvenær kemur svarið?

[Snorri Bergz, 19.2.2008 kl. 11:26]

Villi. Tékkaðu skrif Hendriks Ottóssonar, m.a. í æviminningum hans (Vegamót og vopnagnýr t.d.), og kíktu á hann í Þjóðviljanum, ef þú nennir. Hann er kominn á www.timarit.is

Síðan var eitthvað í Lesbók Mbl. (getur farið í orðaleit) og má líka tékka ferðasögu biskupsins, man ekki hvað hann heitir.


Ég læt þig vita ef ég man eftir einhverju fleiru.

[Snorri Bergz, 19.2.2008 kl. 11:27]

Já, heyrðu, athugaði Tímarit M'als og menningar c.a. á sjötta eða sjöunda áratugnum.

[Vilhjálmur Örn Vilhjálmsson, 19.2.2008 kl. 11:38]

Þakka þér fyrir Snorri. Þú ert löngu orðinn 6.000.000 kr. virði. Hendrik vissi ég um og var stúdentinn búinn að lesa um hann í grein eftir mig, en hitt mun ég skoða.  

[Kristján Sigurður Kristjánsson, 19.2.2008 kl. 17:56]

Ég þarf ekki að beita mikilli greind eða koma langt á móts við skoðanir þínar til að segja að Gyðingar eru í þínum huga verðmætari en annað fólk og er það í samræmi við skoðun þeirra sjálfra margra í gegnum söguna. Gyðingar eru þorskar en aðrir menn eru meðafli sem fer í gúanó að miklu leiti. Gyðingar eru kindur, við hin erum grasið sem kindurnar eta. Nasisminn beindist eingöngu að Gyðingum en óhjákvæmilegur meðafli flaut með. Þótt kommúnisminn hafi drepið 100000000 manns, ekki stolið 100.000.000.- kr., þá var hann ekki alslæmur. Þetta minnir svolítið á Omega.

[Stefán Pálsson (IP-tala skráð) 19.2.2008 kl. 18:09]

Glæpasagan "Engin spor" eftir Viktor Arnar Ingólfsson. Þar kemur fyrir persóna sem lent hafði í útrýmingarbúðum nasista og mátti þar þola ýmsar pyntingar - raunar var þar um að ræða samkynhneigðan mann fremur en gyðing. Veit ekki hvort það skiptir máli í þessu samhengi.

[Vilhjálmur Örn Vilhjálmsson, 19.2.2008 kl. 21:46]

Kristján S. Kristjánsson, er eitthvað að vaxa i höfðinu á þér? Hefur þú eitthvað til málanna að leggja? Hvað er Omega?

[Vilhjálmur Örn Vilhjálmsson, 19.2.2008 kl. 21:50]

Þakka þér fyrir Stefán. Ég þekki því miður ekki þessa bók, og já samkynhneigðir fangar skipta máli í þessu samhengi.

[Kristján Sigurður Kristjánsson, 19.2.2008 kl. 22:58]

Það sem er að vaxa í höfðinu á mér er bæði vit og reynsla. Og bæði vit og reynsla segir mér að sérstök mannréttindi fyrir einn hóp manna er ekkert annað en kúgun fyrir aðra. Td. Aría og Gyðinga. Eða hver er Aríi og hver er Gyðingur? Er moske til Aríi sem er Gyðingur og öndvert? Það er ekkert sérstakt við útrýmingu nasista á Gyðingum nema verkfræðin. Margur mannkynsfrelsarinn hefur þurft að drepa hópa fólks með hnöllum og hniðjum án þess að kvarta en þeir báru samt sama bálið í brjósti sínu og nasistinn. Má nefna Serba drepa Króata sem nýlegt dæmi og Króata drepa Serba fyrir rúmum sextíu árum. Íslensk skáldverk eru ekki til um það heldur sérstaklega. Þó vil ég rétta fram ágæta bók sem Gerpla heitir og fjallar um frelsun bænda úr ánauð með vopnum.

Jamm

[Vilhjálmur Örn Vilhjálmsson, 20.2.2008 kl. 07:15]

Ég hef sagt það áður og segið það við þig nú, Kristján S. Kristjánsson: Maður ætti aldrei að blogga undir áhrifum.  Farðu og sofðu þetta úr þér.

[Tobbi (IP-tala skráð) 21.2.2008 kl. 22:46]

Þráinn Bertelsson reit bók sem heitir Paradísarvíti.  Þar er Adolf sálugi nefndur á nafn og söguhetjan spjallar við hann.

Kv T