Rænt frá barni - peði fórnað fyrir "drottningu"

 

Stöð 2 heldur því fram að Miyoko Watai hafi verið löglega gift Fischer og að dóttirin, Jinky Fischer á Filippseyjum, eigi ekki heimtingu á grænum eyri.

Ef Watai var löglega gift Fischer, gerðist það eftir ágúst 2004 og reyndar eftir að hann kom úr fangelsi í Japan og fór til Íslands. Sbr. gögn á þessari síðu . Það er að segja á Íslandi, og því hljóta íslensk yfirvöld að hafa pappíra sem sanna að til hjúskapar hafi verið stofnað. Gaman væri að sjá þau gögn.

140 millur og íbúð til japönsku konunnar og ekkert til barns Fischers. Þetta mál á líklega eftir að draga dilk á eftir sér.

Í erfðalögum 1962 nr. 8 fæ ég ekki séð hvernig er hægt að sniðganga barn Fischers, nema að hún hafi haft í hótunum við hann og misgert erfðarétti. Hún er 7 ára.

Athugasemdir

[Sindri Guðjónsson, 24.1.2008 kl. 18:17]

Erfðaréttur er ekki beint mín sérgrein, en ég veit þó að barn Fischers er skylduerfingi skv íslenskum lögum, og á að taka eftir hann arf. Spurning hvort að meint kona hans geti setið í óskiptu búi, og þá fer uppgjör á dánarbúi Fischer fram seinna.

[Greta Björg Úlfsdóttir, 25.1.2008 kl. 20:33]

Laissez-Faire, barnið á móður á Filippseyjum, ég veit ekki betur en að hún sé á lífi samkvæmt fréttum, alla vega var stelpan ekki eingetin.

Hafi kallinn verið kvæntur þeirri japönsku hlýtur hún að verða að skipta arfinum með dótturinni, annars er barnið einkaerfingi.

Ég veit ekki hvort það stendur til að gleyma alfarið tilvist hennar, í krafti þess að hún er í annarri heimsálfu (það er Japan að vísu líka). Það þyrfti að stofna stuðningshóp fyrir hana til að halda þessu á lofti. 

[Greta Björg Úlfsdóttir, 25.1.2008 kl. 20:36]

Frumgögn um giftinguna munu vera á leið til landsins. Lögmaður frændsystkina Fischer´s í Bandaríkjunum hefur óskað eftir að skoða þau. Skrítið að hann skuli ekki hafa gert erfðaskrá, eins og hann viriðist hafa hugsað mikið um peninga, og ljóst að hann var mikið veikur. En kannski átti hann voná, eins og fleiri hafa haldið á undan honum, að hann yrði eilífur.

[Sigurður Þórðarson, 26.1.2008 kl. 02:33]

Það er einn maður sem veit þetta allt en það er Garðar Sverrisson.