Nýr biskup á Íslandi

 

 

Kaþólskir á Íslandi hafa fengið nýjan biskup. Ég óska kaþólskum landsmönnum mínum til hamingju með hann, en spyr jafnframt að aldagömlum íslenskum sið: Hverra manna er hann?  Hinn nýi hirðir safnaðarins á Íslandi er frá Sviss og heitir Pierre Bürcher og er fæddur 1945. Hér er hægt að lesa hvar hann stendur í tign og nálægð við Drottinn sinn.

Til að fara fljótt yfir sögu, þá get ég upplýst að hann hefur sérhæft sig í málefnum Íslams og samskiptum kaþólskra við múslima. Í því hlutverki hefur hann t.d. ferðast víða og meðal annars til Íran til að líta eftir kaþólskum þar.

Í vor var þetta haft Pétri biskupi á Radio Vadicana:

"Die Schweizer Behörden sollten aufmerksamer verfolgen, was in den Moscheen geschieht. Dies regte Weihbischof Pierre Bürcher, Präsident der Arbeitsgruppe "Islam" der Schweizer Bischofskonferenz, in einem Interview mit dem Internet-Nachrichtenportal "swissinfo" an. Was im Inneren von Moscheen ablaufe, könne den Frieden weit mehr bedrohen als der Bau von Minaretten. - Anfang Mai starteten zwei Parteien in der Schweiz eine Volksinitiative für ein Minarett-Verbot."

Þeim orðum Pierre Bürchers, að það sem gerðist í moskunum sé stærri hætta fyrir friðinn en byggingar turna, var beint að landsmönnum hans í Sviss sem mótmæla byggingu kallturna (mínaretta) múslima í Sviss.

Maður gæti fengið á tilfinninguna að aðstoðarbiskupinn í Sviss, sem er einn helsti sérfræðingur kaþólsku Kirkjunnar á málefnum Íslams, hafi farið of langt í skoðunum sínum fyrir vissa stjórnendur í Vatíkaninu. Benedikt Páfi hefur hlotið mikla gangrýni fyrir að styggja múslima með skoðunum sínum, og það getur verið bísna hættulegt.  Hér getið þið lesið útleggingu á því hvaða hættu maður tekur með því að gera það. 

Páfinn í palestínsku blaði

 

Það er greinilega kominn merkur maður í biskupsstól á Íslandi. Til marks um það læt ég fylgja svar hans við spurningu blaðamanns um hvað fái hann til að halda að maður finni lausn á lélegu sambandi hinna þriggja stóru eingyðistrúarbragða:

P.B. svaraði: The most fervent believer, whether they be Christian, Jew or Muslim, will never attain perfection and we are on a similar path when it comes to inter-cultural and inter-religious relations. The human being has its limits; unfortunately we are not perfect and neither are our societies.

Vel mælt, einstaklega vel mælt.

Athugasemdir

[Greta Björg Úlfsdóttir, 16.12.2007 kl. 12:24]

Ef menn láta eftir sér að segja svona opinberlega, þá eru þeir sendir til Íslands með hraði!

[Greta Björg Úlfsdóttir, 16.12.2007 kl. 12:27]

En ég samgleðst kaþólskum á Íslandi þeim mun meira!

Kannski finnur Þorgerður Katrín hauk í horni? 

[Greta Björg Úlfsdóttir, 16.12.2007 kl. 12:38]

Ég sé að í öllum trúmála-umræðu-hitanum hef ég vanrækt síðuna þína, hér er komið fjölmargt sem ég á eftir að lesa og mér þykir girnilegt til fróðleiks. Þakkir fyrir það.

[Vilhjálmur Örn Vilhjálmsson, 16.12.2007 kl. 13:07]

Já, og á Íslandi get geta menn bara látið Hallgrímskirkjuturn fara í fínu taugarnar á sér.  Þakka þér sömuleiðis, Greta, og Gleðileg Jól.

[Sigurður Þór Guðjónsson, 16.12.2007 kl. 16:12]

Ekki vildi ég búa í nágrenni við kallturn fremur en við kikjuturn. Helvítis hávaði og læti. Þurfa hinir trúuðu alltaf að vera með læti? 

[Vilhjálmur Örn Vilhjálmsson, 17.12.2007 kl. 07:31]

Sigurður, vegna hinna mörgu trúuðu múslima, sem og kristinna, sem lesa bloggið mitt, ætla ég ekki að vera með nein læti. Sem kandídat í kirkjufornleifafræði, og sá eini á Íslandi, veit ég margt um turna og kirkjuklukkur. Til er heil fræðigrein sem heitir kampanólógía, sem stunduð er af mönnum sem margir fá mikið "kikk" út úr því að fá að hringja kirkjuklukkum. Ég held að þeir sem kalli til bæna gegnum hátalarakerfi efst í kallturnum séu bræður klukkuhringjara í trúnni. Eitt sinn heyrði ég að ástæðan til þess að kallarar í Kaíró byrjuðu að nota hátalara væri sú, að flestir þeirra voru orðnir svo feitir og stórir, að þeir komust ekki upp í turninn.