Dúkkan í gettóinu

 

Þetta er hönd gyðings frá Hebron. Hann var myrtur af æstum múg árið 1929. Æstur múgur er enn tilbúinn til að myrða gyðinga í Hebron. Nú eru aðrir tímar og múgurinn hefur með sér lækni frá Íslandi, klyfjaðan myndavélum. Sveinn Rúnar Hauksson heitir doktorinn.  Sveinn Rúnar er enginn Spielberg, en boðskapurinn kemst þó til skila enda er hann eingöngu einhliða hjá Sveini, eins og stuðningsmanni öfgasamtaka sæmir.

Á bloggi Júlíusar Valsonar, góðvinar og kollega Sveins, er erfitt að segja skoðun sína ef maður heitir Vilhjálmur Örn Vilhjálmsson. Innri KGB maðurinn í Júlíusi fjarlægir alla gangrýni. Ég held að hann hafi alltaf fjarlægt skoðanir frá mér. Í þetta sinn getur hann það ekki. Ég birti þær á mínu eigin bloggi.

Í nótt setti Júlíus á bloggið sitt myndasyrpu Sveins Rúnars Haukssonar Palestínufara, þar sem hann fjallar um "ruslahaug gyðinga" í Hebron og undarlega dúkku, eftir að hafa fengið skammt af táragasi Ísraelsmanna. Í myndinni gerir Sveinn mikið umtal út af "ruslahaug gyðinga":

"Þetta er ruslahaugur gyðinganna sem  búa hér fyrir ofan, landtökuliðsins. ......

Þarna hafa þeir fleygt dúkku..... þetta er undarlegt ... þetta er undarlegt ... hvað hún stendur fyrir......

Það er rétt er að halda áfram að taka myndir af þessu rusli hérna.......

Þetta er gata sem er bara fyrir gyðinga. This is only Jew's street at least not for Palestinians.

Þessi maður má ganga á götunni  enda er hann með gyðingakollu þarna."

Sveinn Rúnar Palestínufari segir okkur ekki að Hebron er önnur heilagasta borg gyðinga. Þar bjuggu gyðingar þangað til 1929, þegar arabar réðust á þá og myrtu 67 manns. Gyðingar flýðu þá Hebron. Gyðingar höfðu fyrir þennan hræðilega atburð búið í sátt og samlyndi við araba. Já og nokkuð þúsund ár áður en arabar urðu til. En skyndilega árið 1929 ákváðu öfl sem eru forfeður þeirra sem Sveinn Rúnar talar við í mynd sinni, að ráðast á saklausa gyðinga. Síðan þá hafa arabar ekki viljað hafa gyðinga í Hebron. Hver er að tala um Apartheid?  Jórdanar, sem stýrðu borginni frá 1948, gerðu gyðingahverfið í Hebron að ruslahaug og helsta samkunduhús gyðinga, Abraham Avinu, sem byggt var á 16. öld var eyðilagt og gert að asnastíu og geitahúsi.

 

Bækur gyðinga sem myrtir voru eða flæmdir burt frá Hebron árið 1929. Minnir á bókahrúgur í Auschwitz. Fleiri myndir hér

Fyrir menn eins og Svein Rúnar Hauksson, sem hafa svo mikinn áhuga á ruslahaugum, hlýtur að vera áhugavert að heyra um gyðingahverfið og helg hús gyðinga sem voru gerð að ruslahaug af Palestínumönnum.

Í Hebron búa nú 140.000 Palestínumenn og 500 gyðingar. Gyðingarnir hafa ekki getað um frjálst höfuð strokið síðan átti að útrýma þeim þar árið 1929. Það var ekki í fyrsta sinn. Krossfarar ráku gyðinga úr borginni á 12. öld og þegar múhameðstrúarmenn náðu borginni aftur voru réttindi gyðinga ekki mikil. Þeim var meinað að heimsækja helga staði sína - allt fram á 20. öld.

Eitt af fórnarlömbum ofsóknanna í Hebron 1929

Eftir 1967 hafa afkomendur þeirra gyðinga sem búið höfðu í aldaraðir í Hebron ekki fengið aftur hús sín. Aðrir gyðingar hafa sest þar að og hafa margir þeirra mátt láta lífið fyrir það uppátæki.  Gyðingar geta ekki búið óhultir í þessari gömlu borg gyðinga. Palestínumenn halda uppi andanum frá 1929.

Þann 26. mars 2001 var 10 mánaða stúlkubarn, Shalhevet Pass, skotin í höfuðið af palestínskri hetju.

Shalhevet Pass sem myrt var í Hebron árið 2001 og gröf hennar i Hebron

Það er ekki grafreitur gyðinga, þar sem Shalhevet litla hvílir, sem Sveinn sýnir okkur í mynd sinni. Árið 1993 var ráðist á afa hennar með öxi þegar hann var á leið til bænar. Maðurinn með "gyðingakolluna", sem gekk inn í mynd Sveins Rúnars, gæti jafnvel verið afi Shalhevetu? Móðursystir Shalhevetu var stungin í bakið af frelsishetju árið 1998 og móðurbróðir hennar skotinn í fótinn árið 2001.

Svei mér þá, ég held bara að hann Sveinn Rúnar Hauksson frá Íslandi hafið jafnvel fundið dúkkuna hennar Shalhevetu við gettó gyðinga í Hebron.

Athugasemdir

[Jón Steinar Ragnarsson, 30.11.2007 kl. 16:10]

Mér er nú hugsað til þess að það geti verið tvær hliðar á þessu máli og mér finnst með fullri virðingu, þessi grein vera heldur einhliða og full fyrirlitningar.

Var að skoða ÞESSA grein og fannst hún ansi vel grunduð og framsett. Gaman væri að heyra þitt álit.  Þetta má kannski kalla anti-Zionist-extremist, sem er líka hreyfing meðal Gyðinga og á málsvara merkra manna á borð við Chomsky og fleiri.  Það eru líka video á Google með upplestri þessarar greinar og myndefni.

Vona að þú takir þessu ekki stinnt upp og er ég ekki að draga dám af hvorugum deiluaðila. Ég er bara áhyggjufullur heimsbúi og einnig áhyggjufullur um að til séu öfl meðal Gyðingaþjóðarinnar, sem er fjandans sama um ættbræður sína í gróða og valdabralli sínu.  Ég bið þig því að taka þessu ekki með stóryrðum

[Jón Steinar Ragnarsson, 30.11.2007 kl. 16:27]

Þankar mínir eru annars í þá veru að hugsanlega hefði Madagaskar áætlunin verið vænlegri lending.  Það kann ekki góðri lukku að stýra, þegar einhverjir setja trúarbrögð sín og skoðanir á sverðsodda.  Ég held að þessi hnútur fyrir botni miðjarðarhafs verði aldrei leystur nema með öðru holocausti á annan hvorn veginn. Það fyllir mig sorg og ég finn til samúðar gagnvart saklausu alþýðufólki beggja vegna víglínunnar.  Ætla men að sætta sig við slík prospekt eða brjóta odd af oflæti sínu? Á þetta að verða vítahringur blóðhefnda um alla framtíð?  Á að velta sér upp úr hryllingi fortíðar og gera hann að eldsneyti til enn meiri hryllings á báða bóga, eða eru menn tilbúnir að horfa fram á veg, svona til tilbreytingar?

[Vilhjálmur Örn Vilhjálmsson, 30.11.2007 kl. 16:45]

Jón Steinar, greinin sem þú hefur lesið er sjúk og skrifuð og meðtekin af fólki sem skilur ekki að ef maður gerir ekki hreint fyrir sínum dyrum í fortíðinni mun skíturinn alltaf sjást í framtíðinni. 

Þú þekkir lítið til Noam Chomsky ef þú sérð sambandi á milli greinarinnar og hans. 

Eins og kínverskur læknir og alþýðufræðari sagði fyrir 14 öldum: Skeindu barnið vel, þótt skíturinn haldi áfram að fljóta. Íslendingar ættu að moka sína fjóshauga og stíur áður en þeir fá í magann af eintómum áhyggjum út af því að gyðingar voru ekki sendir til Madagaskar. En viljir þú finna skoðanabræður í slíkum landflutningum, ættir þú að hóa í þá félaga á www. skapari.com.

[Greta Björg Úlfsdóttir, 30.11.2007 kl. 18:10]

Maður spyr sig hreinlega hvernig þessum bræðravígum eigi nokkurn tíma að get linnt...sjálfsagt ekki fyrr en menn gera sér í eitt skipti fyrir öll grein fyrir að þeir eru bræður...en það er sjálfsagt útópía...nema jörðin taki sjálf til sinna ráða og útskúfi börnum sínum í náttúrhamförum...þá fyrst fari þeir að standa saman sem systkin...manni dettur nefnilega í hug þegar maður hugsar um alla þá úlfúð sem fyrirfinnst þarna og þá harmleiki sem þarna hafa gerst að þetta hljóti að hafa átt upptök sín svo langt aftur sem með því að Kain drap Abel...sárin eru djúp og mörg, á báða bóga, og illskiljanlegt hvernig eigi nokkurn tíma að eiga að vera hægt að græða þau...þó vissulega sé það rétt hjá þér að til þess að sár geti gróið verður að byrja á því að hleypa þeim grefti sem í þeim finnst út.

Vona að ég hafi ekki misst mig alveg í Biblíulegu málfari...

[Jón Steinar Ragnarsson, 30.11.2007 kl. 21:23]

Kæri Vilhjálmur.  Ég setti þetta nú fram til að sýna þér að það er umræða um að einangraður valdhópur, sé að kalla illt yfir Gyðinga sem aðra. Ég rekst ítrekað á þetta. Það eru skiptar skoðanir meðal Gyðinga um þetta. 

Mér finnst það ótrúlega ruddalegt af þér,  þegar einhver hefur þó kjark til að ræða þessa hluti og spyrja spurninga að þú stimplir þá rasista, nasista og Gyðingahatara. Hvað gengur þér til með slíkum þótta?  Er þetta leiðin til að afla þjóð þinni skilnings?

Ég sé rök um þessa hluti aldrei setta fram öðruvísi en á tilfinningalegum nótum en aldrei skýrt hvað liggur að baki.  Ég hef lesið söguna og hvernig þetta kom til. Ég horfi á fréttirnar og sé yfirgang Ísraelsmanna ás Gaza. Ég veit að enn eru Palestínumenn í flóttamannabúðum síðan 48 í Líbanon, Sýrlandi og Palestínu.  Eru fréttirnar að ljúga? Er þetta algerlega einhliða mál?  Á málflutningurinn að halda áfram með myndum af dánum börnum á báða bóga og hvetja óbein til áframhaldandi ofbeldisverka.  Er þetta spurningin um hverjir eru fórnarlambið eða hver leikur það hlutverk best, eða er þetta spurning um að leita sátta og finna lausn til friðar? Snýst þetta kannski einvörðungu um Jerúsalem og það að uppfylla spádóma, sem ekki hafa ræst og hjálpa þeim því að rætast?

Þú mátt trúa því að ég er ekki einn um slíkar spurningar.

Ég frábið mér ónefnum frá þér og finnst ég aldrei hafa til þess unnið. Með fullri virðingu.

[Jón Steinar Ragnarsson, 30.11.2007 kl. 21:36]

Kannski veltur þetta á að UN hefur aldrei staðið að fullu við samninga varðandi brottflutninginn og heit um að bæta Palestínumönnum eignatjón og tryggja þeim griðland?  Þar eru Íslendingar sannarlega sekir líka.  Þessi ofbeldisþróun er ekki til orðin vegna þess að þetta sé einhver dægradvöl Palestínumanna.  Það þarf tvo til.  Ég er eingöngu að reyna að skilja rætur vandans og myndir af dánum börnum, skýra ekkert.  Ég get sent þér fjöldann allan af slíkum myndum frá Palestínumönnum, ef ég bara nennti að pikka það upp af netinu.

Hvað telur þú geta leyst málið til frambúðar?  Hvað vilja Ísraelsmenn vera sáttir við þarna niðurfrá?  Ef þú getur svarað því, þá er kannski kominn umræðugrunnur.

[Vilhjálmur Örn Vilhjálmsson, 30.11.2007 kl. 21:52]

Kæri Jón Steinar, eitt ráð til þín: Hafðu ekki svona miklar áhyggjur af lífinu og taktu ekki allar áhyggjur heimsins inn á þig. Lífið er of stutt til þess - og til þess að ásaka menn um þótta þó þeir kaupi ekki allt rugl af www sem væri það heilagur sannleikur.

Ég er alveg viss um að Ísraelsmenn og Palestínumenn munu finna frið. Hamas er tímaskekkja og stuðningsmenn þeirra samtaka gera Palestínumönnum bjarnargreiða. Eini bandamaður þeirra nú orðið virðast vera forseti í landi þar sem fólk er hengt á götum úti fyrir smávægileg brot. 

Ósannindi, ímyndunarveiki og alls kyns konspíratjóns-vangaveltur eru versti óvinur Ísraelsmanna og Palestínu-araba. 

Ísraelsríki verður ekki aftur tekið. Palestínumenn verða að gera sér grein fyrir því, og er ekki kominn tími til að "flóttafólkið" í Sýrlandi, Líbanon, Jórdaníu etc. fái full borgararéttindi í þessum löndum, sem eru nú ekki eldri en að elstu menn muna þegar BRETAR fóru með reglustikuna yfir landakortið og sáðu ófriði. Hættu að tala um Palestínumenn eins og þetta sé ævaforn þjóð.

Mér hefur oft fundist að þú sjáir meira í skrifum manna en það sem stendur. Ekki öfunda ég þig af þessum hæfileika. Ég sagði akkúrat ekkert ljótt um þig í fyrra svari mínu, sem var það næstsíðasta. Hér færðu það aftur:

"Jón Steinar, greinin sem þú hefur lesið er sjúk og skrifuð og meðtekin af fólki sem skilur ekki að ef maður gerir ekki hreint fyrir sínum dyrum í fortíðinni mun skíturinn alltaf sjást í framtíðinni. 

Þú þekkir lítið til Noam Chomsky ef þú sérð sambandi á milli greinarinnar og hans. 

Eins og kínverskur læknir og alþýðufræðari sagði fyrir 14 öldum: Skeindu barnið vel, þótt skíturinn haldi áfram að fljóta. Íslendingar ættu að moka sína fjóshauga og stíur áður en þeir fá í magann af eintómum áhyggjum út af því að gyðingar voru ekki sendir til Madagaskar. En viljir þú finna skoðanabræður í slíkum landflutningum, ættir þú að hóa í þá félaga á www. skapari.com."

[Ólafur Jóhannsson (IP-tala skráð) 30.11.2007 kl. 22:34]

Vilhjálmur. Ég hef fylgst með greinum þínum í langan tíma og sé ástæðu til að þakka þér fyrir hve vakandi þú ert gagnvart vaxandi gyðingahatri um víða Evrópu og nú, því miður, einnig hér á Íslandi.

Ég held að Læknirinn Sveinn Rúnar Hauksson trúi því sjálfur að hann sé að hjálpa málstað Palestínumanna með hatursáróðri sínum gegn Ísrael. Honum hefur tekist að ná athygli nær allra fjölmiðla hér á landi með boðskap sínum.

Ég er sjálfur nýkominn frá Ísrael þar sem ég hef starfað, árlega, m.a. sem leiðsögumaður s.l. 25 ár. Þekki vel aðstæður þar, en hef mjög ólíkar sögur að segja þaðan. Þeir eru um 1000 íslendingar sem ég hef aðstoðað þar. Það virðist erfitt að ná athygli fjölmiðla hér fyrir þá sem vilja segja jákvæðar fréttir frá Ísrael.

Sveinn Rúnar segir frá hinu slæma ástandi á Gaza, vöntun á lyfjum, matvörum og öðrum nauðsynjum. Hann hefur ekki sagt frá því að Ísrael sendi fyrir nokkrum vikum flutningarbíla með 60 tonn af matvælum og öðrum nauðsynjum, sem áttu að fara inn á Gaza, til þeirr sem eru verst þjáðir, en voru stöðvaðir og fengu ekki að aka inn á svæðið þar sem þeir voru frá Ísrael.

Hann hefur heldur ekki sagt frá því, þegar 7 Palestínumenn, liðsmenn Al-Fatah voru skotnir til bana. meðan hann var þar. Þeir voru að minnast dánardægurs Yasser Arafats. 

Vinur minn og trúbróðir Rami Ayyad sem hafði litla bókaverslun á Gaza var myrtur 7.október s.l. fyrir það að hann neitaði að afneita trú sinni og gerast múslími.

Ég þakka þér Vilhjálmur fyrir að segja frá Hebron og hvernig saga gyðinga tengist borginni. Hamasvinir hér á landi þekkja fáir þá sögu.

Ég óska þér og þínum gleðilega Hanukkah-hátíð.

Shalom kveðja

Ólafur    

[Jón Steinar Ragnarsson, 30.11.2007 kl. 22:40]

Þessi ábending á skapara.com, fól semsagt ekkert niðrandi eða þóttafullt í sér?  Þetta Tourettskotna komment um skeiningar var ekki þóttafullt?  Kannski að þú sért að skrifa eitthvað annað en þú ert að hugsa?  Ég tel mig ekki vera að lesa neitt annað en það sem stendur þarna minn kæri.

[jóhann Þór Stefánsson (IP-tala skráð) 30.11.2007 kl. 22:59]

Ef þetta er ekki grín, þá ertu ansi truflaður maður. Og að þú skulir nefna Hebron sem dæmi er gjörsamlega útaf kortinu. Og hafðu í huga að Noam Chomsky er aðeins einn af mörgum virtustu fræðimönnum gyðinga sem hafa fengið nóg af skepnuskap Ísraelsríkis. Þeir vilja ekki lengur láta kenna sig við slíkan viðbjóð sem Ísraelsríki er.

[Vilhjálmur Örn Vilhjálmsson, 30.11.2007 kl. 23:30]

Þakka þér fyrir Ólafur og Hanukka sameach ! Vona að þú borðir fylli þína af latkes, súfkaníot og öðru góðgæti og haldir svo Gleðileg Jól.

Kannski geta Palestínumenn lært af Hátíð ljósanna. Við ljóstýruna og án hita og margs annars, sem hernaður Hamas hefur stöðvað, geta menn látið ljós umburðarlyndis og trúfrelsis brenna í stað þess að myrða bræður sína og nágranna. Hamas er Haman Palestínumanna.  

Það eru hörmuleg tíðindi sem þú segir af vini þínum Ayyad. Þetta hefur líklega farið fram hjá flestum á Íslandi. Þetta var víst ungur maður.

Það er sama fólkið sem vill henda gyðingum úr helgri borg þeirra sem drepur kristna menn í Gaza.

Þegar Sveinn Rúnar þegir um þessi ódæðisverk, sýnir hann sinn innri mann. Hjarta hans er veikt og friðarviljinn er eins lítill og hjá Hamas.

[Vilhjálmur Örn Vilhjálmsson, 30.11.2007 kl. 23:43]

Jón Steinar, það var ekkert ljótt sagt um þig á þessu bloggi og verður ekki.

Bendi þér að lokum á dálítinn heilagleika og góðan söng á : http://www.hebron.com/english/gallery.php?id=184

[Loftur Altice Þorsteinsson, 1.12.2007 kl. 01:14]

Ég er búinn að vera erlendis um tveggja vikna skeið og lái mér hver sem vill, þótt ég hafi í bili gleymt tilveru fólks eins og Sveins Rúnars Haukssonar. Þessi maður er greinilega sjúkur af hatri á Vestrænum lífsháttum sem birtist í dálæti hans á stjórnarháttum valdsins.

Kommúnismi og Islam eru því eðlilega heimsvaldastefnur sem Sveinn Rúnar hefur metnað til að þjóna. Ef læknirinn Sveinn Rúnar hefur snefil af viti, munum við bráðlega sjá hann snúa sér að lækningu eigin sálar. Mun honum takast að sigrast á hinum svarta hundi Múhammed ? Kommúnisminn er dauð hugmyndafræði, sem engin hætta stafar af lengur, þótt Vinstri hreyfingin - svart og sviðið orni sér á síðkvöldum við Kommúniskar hannyrðar.

Ég sé Vilhjálmur, að töluvert framboð birtist á síðunni þinni af fólki sem aðhyllist siðferðilega afstæðishyggju (moral relativism). Þetta er fólk sem ekki þorir að verja þau glæpaverk opinberlega, sem það þó fagnar í hjarta sínu.

Vinir Múhammeds beita gjarnan þessum brögðum þegar verja skal Islömsk hryðjuverk. Sjálfsvörn Ísraels er þá lögð að jöfnu við morðóða Múslima, sem ávallt eru tilbúnir að drepa þá sem ekki falla að hinni stöðluðu ímynd, sem búin hefur verið til um syni Mána-gvuðsins Al-ilah. Þeir drepa jafnvel dætur sínar og systur, í meintum trúarlegum tilgangi. Hvílík skítseiði !

[Jón Steinar Ragnarsson, 1.12.2007 kl. 04:05]

Takk fyrir þennan ljúfa söng og fallegu helgi.  Þér er líklega annars kunn afstaða mín til trúarbragða og þá sérstaklega hinna Judeo-Christan ættuðu, sem innifela jú,  Múhameðstrú líka.  Ég ber samt djúpa lotningu fyrir innri rækt og hljóðri trú, sem fólk stundar anda sínum til vaxtar og rekur ekki ofan í kokið á óviljugum.  Það væri of langt mál að rekja hér.

Get ekki annað en tekið orð Loftar hér til mín, þar sem ég á flest kommentin (vonandi misskilningur) og er broslegt að hann skuli vísa í hatur og ofstæki og birta það svo vel sjálfur.  Hann hefur þessa Bush rökleiðslu að ef maður er ekki með, þá sé maður á móti.  Ekki hef ég borðið blak af glæpamönnum, sem skáka í skjóli Islam, hvað þá öðrum, sem réttlæta gjörðir sínar á svo hæpnum grunni.  Ekki vil ég heldur fordæma þá er iðka þá trú í hófsemd. 

 Það vita jú flestir að þegar mönnum skortir rök fyrir illvirkjum, sem ofbjóða mannlegu eðli, þá er hægast að fela sig bak við trúarbrögð, svo afstæð og óræð sem þau eru í bókstaf sínum.  Því tel ég að skipulögð trúarbrögð, trúarstofnanir og ritningar þeirra, eigi að heyra fortíðinni til. 

Fólk getur lotið heimsmynd sinni í hljóði eins og ég held raunar að hafi verið í upphafi, og sé meira að segja íað að í bæði gamla og nýja testamentinu og Kóraninum.  Allavega má finna ritningastaði um að gera sér mynd af ... og nefna nafn "hans", auk annarra leiðbeininga um inniðkun trúar. (mitt skáldlega hugtak)

Guð er nafn, sem menn nota í stað þess að segja: "Ég hef ekki græna glóru."  eða "Af því bara."  Ekki veit ég um tilvist hans né nokkur annar og ekki tek ég gamlar skruddur trúanlegar.  Það er því skítt að börnum  skuli kennt þetta sem sannleik. Það er að sjálfsögðu bara verið að plata.

Það er einlæg trú Kristinna bókstafstrúarmanna að þegar að Kristur komi aftur, þá muni Gyðingar hafa væntanlega sömu rök gagnvart hinum kristnu, við birtingu síns Messíasar.  Fram að því ríkir í besta falli þóttafull meðaumkun þessara hópa í garð hvers annars og í versta falli hatur og fyrirlitning á heimsýn hvors annars.  Báðir aðilar telja sig í V.I.P liðinu og að dauði og tortíming sé óumflýanleg fyrir blindu hins. Finnst þér þetta ekki alveg makalaust?

Ástæða spurnar minnar um ýmis málefni er, að hér heyrist oft bara af annari hliðinni og eru fréttir ansi fínsíaðar, þegar þær ná eyrum okkar. Sér í lagi frá US.  Ég tek öllu með klípu af salti og er soldið eins og Ari í Aravísum. (Hann litla stund þegir og að lokum hann segir: "Þið eigið að segja mér satt.")  Ég viðurkenni nefnilega að ég veit ansi fátt og er ekki í liði með neinum, þegar kemur að stjórnmálum eða trúarbrögðum.  Ég vil reyna að dæma trú manna af verkum þeirra. 

Gleðilega Hanukka.  Ég mun hald mín Jól líka, enda er það hefð eldri Kristni og svo er ég ansi fastheldinn á það sem gott er eins og börnin og lít raunar á þennan tíma sem afturhvarf til bernskunnar og hennar einföldu og áhyggjulausu gleði. Svona endursetning fyrir komandi argaþras í hinum fullorðna heimi en mjög svo vanþroska.

Ég er kannski kominn út fyrir efni...og þó. Fyrirgefðu að ég skuli gerast svo plássfrekur hjá þér. 

[Jón Steinar Ragnarsson, 1.12.2007 kl. 04:11]

 Hér skolaðist til í 6. málsgrein.  Átti að hljóma svona:

Það er einlæg trú Kristinna bókstafstrúarmanna að þegar að Kristur komi aftur, þá muni þeir, sem ekki hafa játast flokki hans verða í eld kastað og þar á meðal Gyðingum. Gyðingar hafa væntanlega sömu rök gagnvart hinum Kristnu, við birtingu síns Messíasar. 

Fram að því ríkir í besta falli þóttafull meðaumkun þessara hópa í garð hvers annars og í versta falli hatur og fyrirlitning á heimsýn hvors annars.  Báðir aðilar telja sig í V.I.P liðinu og að dauði og tortíming sé óumflýanleg fyrir blindu hins.  Finnst þér þetta ekki alveg makalaust?

[Hjálmtýr Heiðdal (IP-tala skráð) 1.12.2007 kl. 18:40]

Vilhjálmur Örn Vilhjálmsson vísar í hryðjuverk sem áttu sér stað 1929. Gott og vel, það sýnir að hann hefur líkt og flestir menn samúð með þeim sem beittir eru ofbeldi. En ef hann neitar að horfast í augu við staðreyndir dagsins og vill réttlæta framferði Ísraela í dag með skírskotun til helfararinnar og annarra hryðjuverka gegn Gyðingum þá er hann ónýtur fórnarlömbum dagsins í dag og þeim andstæður. Og hann er í raun andstæðingur Ísraels, því framferði þeirra í dag mun leiða þá í öngstræti. Það er ekki hægt til lengdar að stunda þá glæpi sem Ísraelsríki er sekt um frá 1948 og komast klakklaust frá. Ýmsir sem styðja málstað Gyðinga eru haldnir öfgafullu hatri á Arabaþjóðum og enn aðrir stimpla alla sem gagnrýna ofbeldi Ísraela sem gyðingahatara. Þetta eru í raun verstu óvinir Ísraela ásamt Zíonistum sem stjórna ríkinu.

[Vilhjálmur Örn Vilhjálmsson, 2.12.2007 kl. 09:34]

Hjálmtýr Heiðdal, þú sérð heiminn á annan hátt en ég. En þú hefur endilega ekki rétt fyrir þér, þar sem þú situr þarna uppi í glershúsinu og hlustar greinilega einvörðungu á afbakaðan eða afar tæpan fréttaflutning RÚV.

Gyðingahatur er nefnilega helsta vopnið í baráttunni við Ísrael. Það er kennt í skólum "Arabalandanna" og það situr í bein og merg kynslóða. Það gerði það áður en ríkið Ísrael varð til.  Ísraelsþjóðin hefur þurft að þola fordómafullt hatur múslima í aldaraðir. Múslimar voru og eru herraþjóðin og maður er réttdræpur ef maður dregur það í vafa, eins og dæmin sanna.

Mundu Hjálmtýr, að múslimir sjálfir hafa myrt milljónir manna á 20. og 21. öld til að sýna heiminum það. Darfur og Súdan eru síðustu dæmin. Flestir Palestínumenn hafa reyndar verið drepnir af bræðrum sínum Jórdönum. EKKI ÍSRAELUM!

Hatur á Arabaríkjum er ekki neitt sem stuðningsmenn Ísraelsríkis ala á. Mörg “arabaríkjanna” eru fullfær um að efla það hatur sjálf.  

Hvernig væri fyrir þig að gera heimildamynd um þjóðfélagið í Íran, ef þú færð leyfi? Í Ísrael færð þú leyfi, en vilt þú t.d. gera kvikmynd um þá hlið sem “kvikmyndagerðamaðurinn” Sveinn Rúnar sýnir okkur ekki? Heimurinn og tilveran er ekki eins og heimildakvikmynd. Það eru margar hliðar á sama máli. Góð heimildamynd getur nálgast sannleikann, en heimildamyndir eru þó oftast orðnar til í heila kvikmyndagerðamannsins áður en þær eru klipptar.

Glæpur Ísraelsríki síðan 1948 er einvörðungu sá að ríkið er til. Það er ríki, sem Evrópuþjóðir reyndu að koma í veg fyrir og sem arabaþjóðir reyna enn að koma fyrir kattarnef. Helsta aðferðin til þess, er að ala á gyðingahatri. Mahmud Abbas (Fatah) skrifaði t.d. "doktorsritgerð" í sagnfræði (hann stundaði nám í Sovét), þar sem hann afneitar helför gyðinga. Palestínumenn hafa gefið út Mein Kampf eftir Hitler og selst sú bók nokkuð vel meðal þeirra. Gyðingahatur múslíma er vel skráð og þú getur lesið þér til um það ef þú googlar Palestinian Antisemitism.

Gyðingahatur gegnumsýrir þjóðfélög múhameðstrúarmanna (múslima) - ekki bara Palestínumanna vegna baráttu við Ísraelsríki. Bandamenn þeirra í hatrinu og einhliða skoðun á heiminum eru svo aflóga öfgavinstrimenn, sem vantar einhverja að hatast út í eftir að múrar þeirra féllu og allir sáu ósómann sem grasseraði þar á bak við. Óþverrrinn grasserar enn í löndum hamars og sigðar og nú er t.d. aflóga KGB maður og annálaður ribbaldi (sem hefur stundað þjóðarmorð á múslimum) að verða að keisara í Rússlandi. Eitt af vopnum hans er gyðinga- og Ísraelshatur. Ungliðahreyfing hans notar sömu aðferðir og nýnasistar og helsti andófsmaðurinn, sem þeir hatast mest út í, er reyndar gyðingur. Ungliðar Pútíns klæða svín í amerískan fána og taka svínin með sér á mannamót. Þetta er sama  múgæsingin, fordómarnir og hatrið sem þú sérð í arabalöndunum og í Þýskalandi Hitlers.

Þér er velkomið að setja alla þá stimpla á mig og aðra stuðningsmenn Ísraels sem þig langar. En ég leyfi mér á móti að segja, að ”stuðningsmenn” Palestínumanna og öfgamúslíma eru verstu óvinir þeirra. Stuðningur við hetjur, sem skjóta 10 mánaða börn í höfuðið. er bjarnargreiði við Palestínumenn. Stuðningur við Hamas, sem heldur þjóð í heljargreipum og myrðir bræður sína, er tímaskekkja.

 Shalhevet Pass

Þessar myndir er ekki frá 1929. Þessar mynd er ofarlega í hugum manna Ísraelsmegin við varnarvegginn. Síðan hann var reistur hefur barnamorðum frelsisherja Palestínumanna fækkað. Nú drepa þeir hvern annan og það þykir mér vænni kostur, þótt ég sé ekki arabahatari eins og þú lætur í veðri vaka. Ég held meira að segja að ég hafi gert meira fyrir múslima en þú. Reyndar með því að hjálpa til við að bjarga feðgum frá bráðum bana í Íran.

[Hjálmtýr Heiðdal (IP-tala skráð) 2.12.2007 kl. 10:54]

Sæll Vilhjálmur Örn. Það byrjar ekki vel hjá þér svarið við athugasemd minni sem ég sendi á vefinn þinn í gær. Þú setur mig í glerhús og fabúlerar um fjölmiðlanotkun mína. En þessi „greinargóða“ lýsing þín á mínum aðstæðum er auðvitað kolröng. Allt frá árinu 1974 hef ég fylgst vel með fréttum frá þessu umdeilda svæði, eða frá því að nokkrir vinir mínir fóru á þessar slóðir og vöktu áhuga minn á örlögum Palestínumanna. Ég hef ferðast um Ísrael og komið á Vesturbakkann og síðast en ekki síst séð kvikmyndir og lesið bækur og netmiðla um þessa átakasögu.

Í æsku og fram á fullorðinsár var ég, eins og allir Íslendingar, alinn upp í gloríunni um stofnun Ísraelsríkis og allan þann blekkingavef sem ofinn var í kringum tilurð þess ríkis. Það eru auðvitað til menn sem afneita helför Hitlers gegn Gyðingum, en það eru líka til menn sem misnota minningu fórnarlamba helfararinnar í þágu ofbeldis.

Hatursáróður gegn Gyðingum og Arabaþjóðum hefur sama hlutverk og aðrir fordómar; þetta eru leiðir til þess að deila og drottna. Pólitískar ofsóknir gegn einstaklingum, þjóðum og þjóðarbrotum hafa yfirleitt sama tilgang; að sundra og sigra. Þú getur setið fastur til eilífðarnóns í trú þinni og sannfæringu um óalandi og óferjandi Araba og „stuðningsmenn öfgamúslima“. En það hjálpar ekki Ísraelum; því vinur er sá er til vamms segir.

[Vilhjálmur Örn Vilhjálmsson, 2.12.2007 kl. 12:45]

Sæll aftur Hjálmtýr. Mér finnst að þú ættir að bragða þitt eigið meðal og sjálfur segja þeim, sem þú telur gyðinga og Ísraelsmenn níðast á, sem allra mest til vamms og synda. Þeir hefðu nú gott af því. 

Ásakanir þínar um að ég og aðrir misnoti minningu fórnarlamba helfararinnar í þágu ofbeldis eru ómaklegar og óhemju ósmekklegar. Ásakanir þínar um að ég sé arabahatari og þaðan af verra eru meiðandi.

Hins vegar er afneitun helfararinnar stór þáttur í þeirri hatursherferð hryðjuverkasamtaka, sem aflóga vinstrimenn keppast til að taka þátt í. Heilagleiki hippamenningarinnar er oft byggður upp á haturseðlinu. Það er t.d. engin tilviljun að gamlir erkikommar flykkjast undir samsæriskenningar um að gyðingar, Ísrael, CIA og djöfullinn Bush standi í leynisamtökum bak við árásirnar á Lýðræðið þann 11/9 2001. Sama fólkið hefur verið að tala um Ísraelslobbý síðustu 40 árin og meðal þeirra er ekkert nýtt að væna Ísraelsríki um að misnota minningu gyðinga sem myrtir voru í Annari heimsstyrjöld. 

En ef það er ekki Ísrael, HVER Á ÞÁ "EIGNARÉTTINN" Á ÖRLÖGUM GYÐINGA SEM NASISTAR OG HANDLANGARAR ÞEIRRA MYRTU?Eru það kannski vinstri menn, sem einir mega á sem ósmekklegastan hátt líkja helförinni við ástand Palestínumanna á Gaza?  Ef svo er verður gamall vinstrisinni eins og þú að svara eftirfarandi spurningum:

Myrtu gyðingar trúfélaga sína í 2. Heimsstyrjöld?

Stunduðu gyðingar hefndarverk, hryðjuverk og annan óskapnað?

Stunduðu samtök gyðinga smygl á eiturlyfjum?

Studdu leiðtogar gyðinga Hitler líkt og leiðtogar Palestínumanna?

Stunduðu ungir gyðingar á flótta í löndum utan Þýskalands glæpi, hópnauðganir og ofbeldi?

Voru gyðingar stærsti hluti glæpamanna af erlendu bergi brotnu í t.d. Danmörku, eins og Palestínumenn eru það nú?

Nefndu gyðingleg hryðjuverkasamtök í Evrópu?

Heimtuðu gyðingar dauða og pínu yfir alla þá sem gangrýndu trú þeirra og Guð?

Sprengdu gyðingar sig í loft upp á götum úti í Berlín eða Münschen?

Drápu gyðingar börn nasistanna eða skutu 10 mánaða gömu börn Þjóðverja í höfuðið?

Er það vegna vanþekkingar, haturs eða kannski þess tvenns, að fólk á vinstri vængnum getur hrópað í kór með Hamas, að Gaza sé eins og gettóið í Varsjá? Þvílík hégilja! 

Hjálmtýr Heiðdal, svaraðu spurningunum ef þú vilt vera gestur á mínu bloggi.  Ef þú getur það ekki, mæli ég með því að þú sýnir stuðning þinn við Hamas í verki. Hamas eru engin líknarsamtök, eins og einfeldingar á vesturlöndum halda. Líknarsamtök stunda ekki hryðjuverk.

[Hjálmtýr Heiðdal (IP-tala skráð) 2.12.2007 kl. 14:16]

Sæll Vilhjálmur. Í skrifum mínu var ég ekki að fjalla um þig persónulega. Ég segi hvergi að þú hatir Araba eða að þú misnotir minningu fórnarlamba helfararinnar – eða að þú afneitir helförinni. En ég tel þig fastan í sjónarmiðum um Ísrael og málefni Gyðinga sem leiða til ófarnaðar. Öfgamúslimar lenda í sama bás og öfgazíónistar hjá mér, ég hef enga samúð með afturhaldshugmyndum sem ráða t.d í Saudi Arabíu eða hugmyndum Zíonista um sérstakan rétt Gyðinga. Kúgun kvenna hjá múslimum, trúaröfgar sem koma fram hjá Hamas ofl. ofl. neikvætt í þeim herbúðum mun ég aldrei styðja. Ég hef hins vegar ekki mikla möguleika á því að koma þessum skoðunum á framfæri við rétta aðila. Sem „aflóga vinstrimaður“ er ég búinn að læra ýmislegt, þ.á.m. að sjá í gegnum marga blekkinguna, (vonandi án þess að falla í gryfju samsæriskenninga) og get því ekki staðið í því að svara spurningum þínum og þar með er ég útilokaður frá viðræðum við þig skv. yfirlýsingu þinni. Spurningar þínar eru eingöngu opinberun þess að þú ert í skoðanapytti sem þú verður sjálfur að reyna að skríða uppúr.

Þú talar um samlíkingar vinstri manna, hér er ein samlíking sem þú getur velt vöngum yfir:

“Eru það ábyrgðarlausar ýkjur að líkja meðferðinni á Palestínumönnum við glæpsamleg hryðjuverk og fjöldarefsingu Nasista? Ég held ekki. Síðustu atburðir á Gaza vekja sérstakan ótta, því þeir sýna svo skýrt vísvitaða áætlun Ísraela og þeirra stuðningsmanna um að undiroka heilt samfélag og búa því lífshættulegar aðstæður í fullkominni grimmd.

Með því að lýsa þessum framferði Ísraela sem yfirvofandi helför, geri ég örvæntingafulla tilraun til þess að höfða til stjórnvalda hvarvetna og almenningsálitsins, svo að gripið verði strax til aðgerða til þess að hindra þessa tilburði til þjóðarmorðs, áður en þeir ná hámarki í fjöldaharmleik”

Höfundur þessarar orða er Richard Falk, bandarískur gyðingur, prófessor emeritus í alþjóðalögum við Princeton háskólann.

[Vilhjálmur Örn Vilhjálmsson, 2.12.2007 kl. 19:08]

Hjálmtýr, þú svarar ekki spurningum mínum. Ég held að það sér vegna þess að þú getur það ekki. Þú ert greinilega búinn að skapa þér ákveðinn sannleika, eins og ofsatrúarmaður, sem útilokar svör við spurningum annarra og jafnvel möguleikann á að hugsa um það sem ég spyr um. Mér þykir það miður.

Nokkrar spurningar til viðbótar, sem ég vil heldur fá svör við en :

Sendu þjóðir heims milljónir dollara til gyðinga fyrir 60 árum, líkt og þær hafa gert í áraraðir til Palestínumanna?

Voru leiðtogar ofsóttra gyðinga með bankareikninga í Sviss, París og Saudí eins og Arafat?

  Falk

Ég held að Richard Falk hafi rangt fyrir sér. Það hendir oft gamla og vísa öldunga. Hann ætti, sem lögfræðingur að vita hvað þjóðarmorð er, og sem gyðingur að bera virðingu fyrir  fyrir fórnarlömbum helfararinnar, sem ekki dóu til þess að hver sem á lygaherferð Palestínumanna trúir hljóti ótakmarkaðan rétt til þess að styðja morðöldu hryðjuverkamanna og kalla hana góða aðferð til að skapa frið. Falk talar ekki fyrir hönd annarra gyðinga, aðeins fyrir sjálfan sig. Ekkert frekar en þú talir fyrir hönd Íslendinga eða kvikmyndagerðamanna á Íslandi.

Af hverju heldur þú að Abbas stingi öllum Hamasliðum sem hann nær í steininn og hótar að skera skegg þeirra? Er það Ísraelsríki sem biður um slíkt?  Abbas er kannski farinn að sjá hvernig leiðin til frelsis verður auðveldust, þótt skeggskurður leysi ekkert. Skeggskurður Hamas-manna er heldur ekki lausn sem er komin frá Ísraelum. Hins vegar notuðu nasistar þessa aðferð í miklum mæli í þjóðarmorði sínu á trúuðum gyðingum sem ekki notuðu Gillette. Hvað ætli Abbas karlinn sé að fara...... ég vona að hann viti það. Hann er hins vegar talinn réttdræpur af Hamas og Co. þar sem hann talar við Ísraelsmenn. Í mínum herbúðum heitir það að batnandi manni er best að lifa.

Áður en þú talar um tilburði við þjóðarmorð með vísun til Ísraela og gyðinga, Hjálmtýr, ættir þú að rannsaka hvort þú sem "aflóga vinstrimaður" sért ekki um það bil að fara að taka óbeint þátt í enn einu þjóðarmorði, og ekki eru þau fá sem vinstrimenn eiga á samviskunni.

[Loftur Altice Þorsteinsson, 3.12.2007 kl. 00:05]

Það er aumkunarvert að sjá suma Íslendinga reyna að styrkja málstað sinn með tilvísunum í erlenda rugguhesta. Hjálmtýr Heiðdal fellur í þessa forar-vilpu, þegar hann endurflytur "spakmæli" eftir Richard A. Falk. Þessi náungi hefur farið hamförum í ein 40 ár og einungis uppskorið aðhlátur. Viðhorf hans eru svo öfgafull, að jafnvel Múhammed sjálfum hefði þótt nóg um. Ef Hjálmtýr vill láta taka sig alvarlega, verður hann að hætta tilvísunum í þennan Falk, sem talinn er verri moðhaus í stjórnmálum en sjálfur Róbert Fischer (líka gyðingur) !

Hjálmtýr virðist bera mikla umhyggju fyrir Vilhjálmi og ef ég skil rétt, er honum sérstaklega umhugað um að stuðningur Vilhjálms við Ísrael hafi ekki öfug áhrif. Eftirfarandi orðræða Hjálmtýs er meðal þess undarlegasta sem ég hef séð á prenti:

Og hann (Vilhjálmur) er í raun andstæðingur Ísraels, því framferði þeirra í dag mun leiða þá í öngstræti (þröngstræti). Það er ekki hægt til lengdar að stunda þá glæpi sem Ísraelsríki er sekt um frá 1948 og komast klakklaust frá. Ýmsir sem styðja málstað Gyðinga eru haldnir öfgafullu hatri á Arabaþjóðum og enn aðrir stimpla alla sem gagnrýna ofbeldi Ísraela sem gyðingahatara. Þetta eru í raun verstu óvinir Ísraela ásamt Zíonistum sem stjórna ríkinu.

Það vita flestir, að gyðingar hafa búið í Landinu helga í um 3000 ár. Þeir komu þangað sem landvinningamenn, en þeir hafa helgað sér þetta land með búsetu sinni og ekki síður með þeirri menningarlegu helgun, sem öllum er kunn. Undir stjórn kalífans Umar ibn al-Khattab, lögðu Arabar undir sig landið um 637, eftir langt umsátur um Jerusalem. Að halda því fram, að Ísraelar séu innrásarmenn en Arabar lögmætir eigendur þessa lands, getur varla talist annað en gróf sögufölsun.

Eftir að hafa lesið um stuðning Hjálmtýs við Araba í Palestínu, rekur maður upp stór augu þegar hann gefur eftirfarandi yfirlýsingu:

Öfgamúslimar lenda í sama bás og öfgazíónistar hjá mér, ég hef enga samúð með afturhaldshugmyndum sem ráða t.d í Saudi Arabíu eða hugmyndum Zíonista um sérstakan rétt Gyðinga. Kúgun kvenna hjá múslimum, trúaröfgar sem koma fram hjá Hamas ofl. ofl. neikvætt í þeim herbúðum mun ég aldrei styðja.

Er hér á ferðinni "siðferðileg afstæðishyggja" eða getum við klappað Hjálmtý á bakið og sagt við hann: "batnandi manni er bezt að lifa" ? Hann vill kannski útskýra, hvernig hægt er að uppræta helstefnu múslima, sem ekki bara beinist að Ísrael heldur öllum heiminum. Ég sjálfur sé engan annan möguleika til þess, en að múslimar láti af þeirri fordæmanlegu heimsvaldastefnu sem nefnist Islam.

[Loftur Altice Þorsteinsson, 3.12.2007 kl. 18:08]

Það mega allir vita, að morðæði múslima er mér lítt að skapi. Ég er einnig þannig skapi farinn, að mér finnst heigulsháttur að skila auðu á örlagastundu. Samkvæmt minni trú-bók gildir:

Vin sínum skal maður vinur vera, þeim og þess vin, en óvinar síns skyli engi maður vinar vinur vera (43).

Jóni Steinari virðist nokkur skemmtan að þessu viðhorfi mínu og þykir mér, að litlu verði Vöggur feginn. Þótt við George W. Bush séum örugglega ekki í sama trú-félagi, má færa til bókar að hann rækir áreiðanlega vel sínar vinar-skyldur.

Í mínum huga, er umsátur múslima um Ísrael ekki einstakur atburður, heldur viðdvöl í 1400 ára sögu Islams. Þessi gríðarlega trúar-blekking (trúar-brögð) tekur öllu öðru fram um ræktun haturs og mann-vondsku. Það er ofar mínum skilningi, að á Vesturlöndum skuli finnast mannverur sem ekki hafna slíkum boðskap með viðbjóði. Glíman við Kommúnisma og Nazisma var barnaleikur hjá því sem framundan er í átökum heimsbyggðarinnar við Islam.

[Erlendur Pálsson, 4.12.2007 kl. 11:02]

Það er sorglegt að gyðingar sem hafa þurft að þola meiri hörmungar og kúgun en aðrar þjóðir skuli standa fyrir því í krafti vopnavalds að halda heilli þjóð í gíslingu og éta smátt og smátt upp landsvæði þar sem Palestínumenn sem þeir hafa alið sinn mann í árþúsundir.  Ísraelsmenn eiga og eru skyldugir að leysa þessa krísu á eins friðsaman hátt og mögulegt er. Sá háttur að svara ofbeldi með 10 sinnum meira ofbeldi er með ólíkindum frá þessari áður kúguðu þjóð og er það þetta sem er að skapa neikvæða ímynd Ísraelsríkis og hefur ekkert að gera með nasisma eða hatur á gyðingatrúnni.