Þörf sýning í Berlín

 

Minnismerki fyrir fórnarlömb helfararinnar í Berlín

Nú stendur yfir sýning í anddyri utanríkisráðuneytis Þýskalands í Berlín . Sýningin fjallar um gyðingahatur og leggur áherslu á að gyðingahatur er ekki bara eitthvað sem gerðist í Evrópu fyrir 60-70 árum síðan.

Þegar Ariel Sharon er teiknaður með horn er teiknarinn gyðingahatari. Þegar George Bush teiknaður, þar sem hann er umkringdur rabbínum frá "Fjórða ríkinu Ísrael"er það einnig gyðingahatur. Þegar læknir í Reykjavík, sem er talsmaður vina Palestínumanna í Íslandi, skrifar grein sem hann kallar "Israel, Israel über alles", er einnig um svæsið gyðingahatur að ræða. Hef ég fyrir því orð prófessors Wolfgangs Benz, sem er aðalráðgjafi sýningarinnar í Berlín. En hann var staddur á Akureyri í apríl í fyrra, þar sem fyrirbærið var rætt á ráðstefnu við háskólann þar í bæ. Nýbúinn Róbert Fischer er líka svæsinn gyðingahatari og kemst upp með það, þótt hann brjóti með því íslensk hegningarlög. Skrifstofublók hjá saksóknara Ríkisins svaraði með dónaskap þegar ég bað embættið um að rannsaka mál Bobba. Það var ekki hlutverk embættisins. Lögreglan taldi það heldur ekki til verka sinna. Íslensk lögregla og saksóknari sendu gyðinga úr landi á fjórða tug síðustu aldar.

Það væri ekki alvitlaust fyrir íslensk yfirvöld að fá sýninguna í þýska utanríkisráðuneytinu að láni.

Það er óneitanlega mikil þörf fyrir slíka sýningu á Íslandi.

Hvað segir Ingibjörg Sólrún?

Athugasemdir

[Árni Gunnar Ásgeirsson, 9.8.2007 kl. 18:09]

Varla þykir þeim vænt um skattpeninga sína sem telja rétt að verja þeim til rannsókna á rausi geðraskaðs gamlingja. 

Það er ágætt að einhverjir séu tilbúnir að halda uppi vörnum fyrir Gyðinga, en að ætla að koma í veg fyrir að fólk viðri skoðanir sínar, hversu ósanngjarnar eða ljótar þær kunna að vera, er bara firring. Rétt eins og bann á hakakrossinum í Þýskalandi er firring. 

[LM, 10.8.2007 kl. 13:30]

Ég er ekki alveg að ná þessari pælingu með "gyðingahatur". 

Hvað ef t.d. Slobodan Milosevich væri teiknaður með horn, væri það þá ... serbahatur ?

En þegar Bush er teiknaður sem api, er að kannski apahatur ??

[Vilhjálmur Örn Vilhjálmsson, 10.8.2007 kl. 14:29]

Venjulega eru vitlausar geimverur hættulegar viti bornu lífi á jörðunni. En þú færð nú svar engu að síður.

Sjáðu hvað setur ef þú teiknar horn á Slobo. Heldur þú að einhver muni kippa sér upp við það? Hann var þjóðarmorðingi

Teiknir þú Bush sem apa, verður þú örugglega vinsæll á vinstrivængnum. Það finnst þeim voða voða gaman, því þeir vita að hann er ekki þjóðarmorðingi, þótt þeir kalli hann það.

En teiknaðu endilega ekki Múhameð spámann, því þá lendir þú í  klandri maður.

Láttu mig vita þegar þú ert búinn að teikna.

[Gunnar Örn (IP-tala skráð) 10.8.2007 kl. 19:45]

Sælir,

bara fyrir forvitni sakir, ert þú gyðingur, því reglulega skýtur þú upp kollinum með frábærar hugmyndir um hversu slæmir og vondir gyðingahatarar íslendingar eru.

Ég segi og skrifa að Ariel Sharon er þjóðarmorðingi og illmenni, og geri ekki ráð fyrir öðru en að hann snæði kvöldverð með Hitler í Helvíti.

Gerir þessi fullyrðing mig að gyðingahatara eða er ég bara maður sem hatar illmenni og óþverra?

[Loftur Altice Þorsteinsson, 10.8.2007 kl. 20:51]

Er nema von að þú spyrjir Vilhjálmur:

Hvað segir Ingibjörg Sólrún?

Ég hef haldið því fram að seta Ingibjargar Sólrúnar á stóli utanríkisráðherra, sé Íslendingum til mikilla óþurfta. Hún hefur hvað eftir annað gefið yfirlýsingar, sem lýsa óþjóðhollustu og andúð á Vestrænum gildum. Auðvitað mun hún ekki stuðla að neinu sem getur aukið samúð og samstöðu með gyðingum.

Hér fjallaði ég nokkuð um ISG og utanríkismál okkar: Ingibjörg Sólrún á leið til Palestínu

[LM, 10.8.2007 kl. 21:35]

Ég tók nú Slobo sem dæmi þar sem hann á nokkuð sameiginlegt með Sharon.  Báðir hafa verið sakaðir um stríðsglæpi en reyndar bara réttað yfir öðrum.  Ég er ekki einu sinni klár á því hvort Slobo var dæmdur fyrir glæpi gegn mannkyni eða eitthvað annað.

Ég er ekki viss um að Serbar yrðu ánægðir ef maður teiknaði Slobo með horn.

Ekki hef ég mikið álit á stríðsglæpamanninum Ariel Sharon en læt þó vera að teikna á hann horn.  Held hann hafi alveg séð um það sjálfur.