Mein Crampf

Þýðingar á krampaköstum Hitlers hafa verið seldar grimmt í heimi múslima til fjölda ára. Bókin hefur til að mynda selst vel í Tyrklandi og eins er hún metsölubók í Gaza.

Það er svo skrítið, að ef mönnum er gert erfitt fyrir að fá eitthvað, sækjast þeir enn meira í það. Það sama gildir um gallið í Mein Kampf. En þegar fræðimenn vilja fara að gefa verkið út með neðanmálsskýringum á óþverra, sem heilvita fólk getur séð í gegnum, þá er einnig verið að mikla það sem lítið og ómerkilegt er.  Ég tek undir það sem Wofgang Benz, prófessor í Berlín, hefur sagt: Best er að láta nýnasista og aðra um útgáfur á ruglinu. Fólk, sem hefur áhuga á þessum óskapnaði, mun frekar kaupa bókina á 4 evrur hjá nýnasistum í stað þess að kaupa hana með skýringum eftir fræðimenn á 100 evrur.

Fólk sem kaupir Mein Kampf eru oftast fasistar og fræðimenn og gagnrýnin hugsun eru einatt fyrstu fórnarlömb þess konar lýðs.

Verður Mein Kampf endurútgefin?

Athugasemdir

[Sigurður Þór Guðjónsson, 27.7.2007 kl. 17:26]

Eini sinni lag ég Mein Kampf sem ég fann á íslenskum  bókamarkaði. Finnst nú óþarfi að banna þessa þvælu. 

[Sigurður Þór Guðjónsson, 27.7.2007 kl. 17:27]

Bókasafni á þetta nú að vera.

[LM, 27.7.2007 kl. 18:15]

Af hverju má þetta ekki vera aðgengilegt fólki eins og ýmis annar vafasamur boðskapur ?

[Vilhjálmur Örn Vilhjálmsson, 27.7.2007 kl. 21:42]

Bönn eru vond, enda sýnist mér um seinan að banna bókina ef Sigurður Þór hefur fengið bókina á bókasafni í Reykjavík. Einhvern tíma las ég um íslenska nasista sem voru að brenna eintök sín af krampaköstum foringjans daginn eftir að Bretar stigu á land árið 1940. Þá fækkaði væntanlega til muna eintökum af bókinni. Lesið þetta endilega, en ef þið eruð allsgáð og nokkurn veginn normal, gefist þið upp úr leiðindum eftir 10 blaðsíður og jafnvel fyrr.

[Sigurður Þór Guðjónsson, 28.7.2007 kl. 01:20]

Já, þetta er ótrúlega leiðinleg bók. Viðurkenni að ég las bara fyrstu 10 blaðsíðurnar og einhverja valda geðveikiskafla!

[Linda, 28.7.2007 kl. 02:43]

Hæ ég hef sjálf verið að berjast, ef svo má að orði komast um málefni Gyðinga m.a. að fræða fólk um ýmislegt, og eins og hér vill einn af mínum blogg vinum fá upplýsingar um Mein Kampf og Íslam.  Ég fann þetta á netinu og er þetta kveð um aðgerðaleysi prests á árunum rétt fyrir síðari heimsstyrjöld út frá því spinnaðist þessi umræða hér . Jæja vona að þú hafir það gott.

Shalom.

Linda.

[Vilhjálmur Örn Vilhjálmsson, 5.8.2007 kl. 08:58]

Apaskinnið mitt (ekki uppnefning;vísað er til myndarinnar af þér), á ég nú að fara að bera virðingu fyrir Hitler? Þú biður ekki um lítið.

Ég vona að ég hafi ekki gert þig að nýnasista með því að tala um "krampaköst Hitlers".

Reyndar halda nokkrir sérfræðingar því fram, að Hitler hafi verið illa haldinn af Parkingsons-veiki, aðrir að hann hafi verið flogaveikur í ofanálag. 

Hefur þú lesið Mein Kampf. Það er heldur krampakennd lesning.

Lifðu svo sem heilsusamlegast, Hafþór!

[Vilhjálmur Örn Vilhjálmsson, 6.8.2007 kl. 15:02]

Svona lít ég bara út gæskurinn, og jafnvel verr, ekki alveg íslenska aríaídealið. Fasistum þykir alltaf fólk með greraugu og skalla tilvalin fórnarlömb. Vissi ekki að öpum þætti þetta slæmt líka. Ég biðst vægðar. Ég ætlaði ekki að móðga Hitler á Apaplánetunni. Viltu hnetur?

[Vilhjálmur Örn Vilhjálmsson, 6.8.2007 kl. 15:13]

Svona leit Haffi út þegar hann kom í heimsókn, ef hann tæki nú upp á því að fara í lýtaaðgerð: