Er ekki nóg komið?

Barak í egypska dagblaðinu Al-Akhbar

Ég hef fengið nokkra gesti í heimsókn á bloggið mitt, sem eru miklir stuðningsmenn Palestínumanna. Ein helstu rök þessara manna eru samlíkingar þeirra á Ísraelsríki við Þýskaland nasismans.

Mig langar að benda þeim á að EUMC (European Monitoring Centre on Racism and Xenophobia) hefur sett ákveðna staðla á hvað gyðingahatur er. Samkvæmt reglum EUMC eru þessir tveir- þrír gestir mínir, sem sí og æ líkja Ísraelum og gerðum þeirra við nasista og óyndisverk þeirra, gyðingahatarar (rasistar). Síðast í fyrradag þegar ég birti opið bréf til Ingibjargar Sólrúnar Gísladóttur, kom einn af þessum gyðingahöturum í heimsókn.

Niðurstöður EUMC varðandi gyðingahatur sem tengist Ísrael eru þessar:

• Denying the Jewish people their right to self-determination, e.g., by claiming that the existence of a State of Israel is a racist endeavor.
• Applying double standards by requiring of it a behavior not expected or demanded of any other democratic nation.
• Using the symbols and images associated with classic anti-Semitism (e.g., claims of Jews killing Jesus or blood libel) to characterize Israel . . . .
• Drawing comparisons of contemporary Israeli policy to that of the Nazis.
• Holding Jews collectively responsible for actions of the state of Israel.

 

Bendi ég mönnum á að lesa þessa ágætu grein eftir Dr. Manfred Gerstenfeld til að fræðast um skilgreiningu EUMC á gyðingahatri.

Ef ég sé fleiri landa mína líkja Ísraelsríki við Hitler-Þýskaland, hef ég samband við EUMC, ECRI (European Commission against Racism and Intolerance) og SÞ og bið stofnanirnar að hafa samband við dómsmálaráðuneytið í Reykjavík til að biðja það að hefja viðeigandi ráðstafanir gegn gyðingahatri á opinberum vettvangi á Íslandi.

Vinsamlegast lesið dæmi um gyðingahatur, sem ég safnaði saman á einni kvöldstund í fyrra, hér til vinstri á síðunni eða hér

Athugasemdir

[Linda, 26.6.2007 kl. 15:13]

Ég las grein þína um gyðingahatur hér á landi, og mér misbauð gjörsamlega.  Þó svo að ég væri ekki trúuð persónu mundi þessi skrif misbjóða mér.  Þú ert að gera góða hluti og ég styð þig heilshugar, við erum ekkert bættari fyrir vikið að afneita því að gyðingahatur hefur og er að færast í aukanna.

[Vilhjálmur Örn Vilhjálmsson, 26.6.2007 kl. 18:57]

Þakka þér fyrir Linda. Ég leyfi mér þó að halda, að meirihluti íslensku þjóðarinnar sé með með sönsum og blöskri þetta líka.

[Sigurður M Grétarsson, 26.6.2007 kl. 23:18]

Ekki veit ég hverja þú ert að kalla gyðingahatara hér en miðað við svör þín við gagnrýni minni á bréf þitt til Ingibjargar Sólrúnar rennur mér í grun að þú eigir meðal annars við mig.

Endilega sendu öll mín skrif til EUMC,

[Sigurður M Grétarsson, 26.6.2007 kl. 23:25]

Ýti aftur óvart á senda takann áður en ég er búinn með greinina.  Hér kemur framhaldið.

Endilega sendu öll mín skrif til EUMC, ECRI, Sþ og Dómsmálaráðuneytisins og biddu þá um að kæra mig fyrir gyðingahatur. Þeir munu hlægja að þér einfaldlega vegna þess að það er ekkert í mínum skrifum, sem getur flokkast undir gyðingahatur. Gagnrýni á framferði Ísraela gagnvart Palestínumönnum er ekki gyðingahatur frekar en að gagnrýni á framferði Rússa gagnvart Téténum sé fordómar gagnvart rússnesku rétttrúnaðarkirkjunni eða gagnrýni á framferði Breta á Norður Írlandi sé fordómar gagnvart ensku biskupakirkjunni.

Ef einher skrif á bloggsíðu þinni eiga erindi til dómsmálaráðuneytisins eru það skrif þín þar, sem þú kallar menn "gyðingahatara" að ósekju.

Hvernig væri að rökræða um ástandið fyrir botni Miðjarðarhafs við þá, sem eru ósammála þér um hverjir beri þar mestu sökina í stað þess að uppnefna þá með nafngift, sem þeir eiga engan vegin skilið? Svona framferði er dæmigert framferði rökþrota manns.

[Vilhjálmur Örn Vilhjálmsson, 27.6.2007 kl. 02:25]

Elsku Sigurður, þú og vinir þínir í atvinnumennskunni við stuðninginn við hryðjuverk ættuð að lesa greinagerðir EUMC, Evrópuráðsins, SÞ og annarra stofnana.  Lestu grein Gerstenfelds. En fyrst og fremst, kynntu þér sögu Seinni Heimstyrjaldarinnar og hörmungar hennar áður en þú notar hana til að baða þér upp úr eymd Palestínuþjóðarinnar.

Mig hefur alls ekki þrotið rök; ég bendi þér einfaldlega á að fara varlegar í hlutina og kynna þér þá betur.

Ég skil vel áhyggjur þínar af Palestínumönnum. Múslimir verða að hjálpa bræðrum sínum. Þeir gera það ekki með vopnum, hatri , útrýming og fyrirlitningu fyrir öðrum þjóðum. Í virðingu felst lausnin. Réttur tilvista Ísraelsríki er óumdeilanlegur. Meðan Palestínumenn tala um útrýmingu Ísraelsríkis og jafnvel gyðinga á samlíking þín á nasistum aðeins rétt á sér í tengslum við Palestínumenn.

Samlíkingar þínar og annarra gesta hér á PostDocs eru frekar virðingarsnauðar. Þú ert aö eigin sögn jafnaðarmaður og ættir að vita betur, þó svo að rotin egg hafi verið til meðal ykkar, eins og t.d. Jónas Guðmundsson, sem þú getur lesið um í grein eftir mig um gyðinga á Íslandi, sem hægt er að lesa á spássíunni til vinstri.

[Sigurður M Grétarsson, 27.6.2007 kl. 18:29]

Bara svona til að byrja með. Ég hef aldrei stutt hryðjuverk hvorki í atvinnumennsku né sjálboðavinnu. Ég spyr enn og aftur. Hvernig væri að koma með rök í stað þess að kalla mig uppnefnum, sem engan vegin eiga við? Ég hef lesið svör við öllum greinum þínum upp á síðkastið og hef ekki séð eina grein, sem flokkast getur undir gyðingahatur eða stuðning við hryðjuverk.

Þú segist ekki vera rökþrota en kemur ekki með nein rök eða svör við spurningum, sem beint er til þín. Ég kem því með þessa spurningu aftur.

Hvað er það, sem gerir hernám Ísraela í Palestínum svo sérstakt að íbúar hernámssvæða þeirra hafi ekki sama rétt til vopnaðrar andspyrnu við hernámið eins og íbúar annarra hernámssvæða nú og fyrr hafa og hafa haft samkvæmt alþjóðalögum?

Þjáningar Palestínumanna stafa ekki af því hvernig önnur ríki múslima hafa hagað sér heldur af því hvernig hið grimma hernámsveldi Ísrael hefur hagað sér.

Réttur tilvistar Ísraelsríkis er ekki óumdeildur. Það er fjöldi ríkja, sem ekki viðurkennir tilvist Ísraelsríkis til dæmis Indónesía eins og þú sjálfur segir frá í öðru erindi hér á bloggsíðu þinni. Hitt er annað mál að í samþykktum Sameinuðu þjóðanna er tilvist Ísraelsríkis viðurkenndur en aðeins innan þeirra landamæra, sem þeim var úthlutað með samþykkt Sameinuðu þjóðanna árið 1947. Öll önnur svæði, sem Ísrelar ráða yfir eru ólögleg hernámssvæði eða stolið land. Þar á meðal er Jerúsalem. Réttur Palestínumanna til að berjast fyrir frelsi sínu og landi er einnig viðurkenndur samkvæmt alþjóðalögum. Í því felst réttur þeirra til árásar á hernaðarleg skotmörk og þar með talda ísraelska hermenn.

Hvað varðar skilgreiningar EUMC á gyðingahatri þá eru þrjár af þeim fimm, sem þú vitnar þarna í út í hött. Það að tala illa um þjóðríkið Ísrael getur ekki á nokkurn hátt talist gyðingahatur. Það eru því aðeins skilgreiningar þrjú og fimm, sem geta talist gyðingahatur. Ekki veit ég hvers konar fyrirbrygði þetta EUMC er en ég trúi því ekki fyrr en ég tek á því að einhver þjóðríki í Evrópu taki skilgreiningar eitt, tvö og fjörur alvarlega.

Ég er jafnaðarmaður og friðarsinni. Þess vegna fordæmi ég hernám og grimmilega kúgun á íbúum hernámssvæða eins og Ísraelar hafa ástundað í meira en hálfa öld. Þess vegna tek ég málstað þeirra kúguðu gegn kúgurum þeirra. Engin sannur jafnaðarmaður og friðarsinni getur stutt framferði Ísraela gagnvart Palestínumönnum.

[Vilhjálmur Örn Vilhjálmsson, 27.6.2007 kl. 19:20]

Sigurður, friðarsinni og jafnaðarmaður, ef þú vilt setja reglurnar í EUMC, skrifaðu þeim og segðu þeim skoðun þína og hvað þú hefur skrifar um Ísrael. Evrópuríki taka EUMC alvarlega, en "jafnaðarmenn" og margir vonlausir vinstrimenn eru að reyna við rasismann á fullu.

Ég hef þegar lesið skoðun þína. "I AM NOT IMPRESSED".

Lifðu samt heill! Ég mæli með því að þú verðir gerður að fyrsta ritara í sendiráði Ingibjargar Sólrúnar, hvort sem það verður á Sprengjuleirum á Vesturbakka eða í Gíg í Hamastan. En diplómatíu verður þú víst að læra áður en þú ferð.

Ég ef fullviss um að þú ert góður maður, en á milli skoðana okkar eru t.d. 6 milljónir manna, og það þykir mér vont.