Azzah

 

Azzah árið 1857

Azzah, eða Gazaborg eins og hún heitir á arabísku, er ævagömul borg. Borgin var að öllum líkindum stofnuð af Egyptum, en var síðar undir yfirráðum Filistea, sem sumir rugla vísvitandi við hinn mög svo blandaða hóp Palestínumanna nútímans. Borgin lá í alfaraleið milli Egyptalands og Asíu og var því mikilvæg fyrir verslun og íbúarnir voru fyrr á tímum velstæðir mjög. Um 150 f. Kr. réðu Gyðingar það ríkjum en var bolað burt af Rómverjum. Síðar var borgin byggð kristnu fólki. Alla tíð bjuggu þó Gyðingar í borginni og mikils metnir rabbínar og lærifeður störfuðu þar. Margoft var reynt að koma gyðingunum í burtu og voru þar að verki alls kyns "illmenni" og "ruddar": Persar, krossfarar, múslimir, Tyrkir og Bretar.

Eitt stærsta samkunduhús gyðinga til forna var í Azzah. Egypskir fornleifafræðingar fundu rústir samkunduhússins árið 1966. Þegar þeir birtu niðurstöður sínar, héldu þeir því fram að þetta væru rústir kirkju. Ári síðar, rétt áður en Ísraelsmenn hertóku svæðið,  fundust leifar mósaíkmyndar af Davíð konungi, syni Jesse. Egypsku fornleifafræðingarnir birtu grein um fund sinn og héldu því fram að mósaíkmyndin sýndi Orfeus, þó svo að yfir myndinni stæði "Davíð" á hebresku. Skrítið hvernig men geta tapað allri glóru vegna haturs.

Hann Allan Johnston, sem nú er í Gaza í boði "vina" sinna, skrifaði árið 2004 um fornleifarannsóknir og fornleifar á Gazaströndinni. Honum tókst að greina frá sögu svæðisins án þess að nefna Gyðinga. Nú sýpur hann seyðið af vinsemd sinni við vitleysingana, sem eru að eyðileggja svæðið.

Alvarlegra er, að margar fornminjar sem til vitnis eru um veru gyðinga á þessu svæði, hafa verið eyðilagðar af Palestínumönnum í viðleitni þeirra að sýna hinum auðtrúa umheimi, að þeir hafi búið frá örófi alda á svæðinu. Tengdafaðir forseta íslenska lýðveldisins á reyndar ýmsar merkar fornminjar sem sýna tilvist  gyðinga í Gaza fyrr á öldum, áður en Palestínumenn "urðu til".

Til þess að gera langs sögu stutta: Árið 1929 voru gyðingar sem búsettir voru í Gaza þvingaðir í burtu af Bretum eftir að arabar höfðu myrt 150 Gyðinga í borginni

Og ef dæma má út frá þessu frímerki, höfðu Egyptar ákveðnar skoðanir á yfirráðum sínum yfir Gaza árið 1948. Hugsið ykkur hvernig ástandið í Gaza hefði verið ef Egyptar hefðu þar enn yfirráð.

Ísraelar ("búsetar") yfirgáfu Gazaströnd árið 2006. Enn er þeim þó kennt um skálmöldina þar og blaðamenn tala enn um hersetu Ísraels. Ef það hefur farið fram hjá löndum mínum, þá stjórna hryðjuverkasamtökin Hamas Gaza í dag þessum landskika í raun. Þau eru studd af einfeldningum á vesturlöndum, sem vantar einhvern að hatast út í til að upphefja sjálfa sig.

Fyrir skömmu ætlaði utanríkisráðherrann okkar, hún Ingibjörg Sólrún, að heimsækja þetta litla strandríki til að eiga samleið með Norðmönnum í stuðningi þeirra við Palestínumenn. Ég minni menn gjarna á að Norðmenn eru þjóðin sem ekkert sagði þegar gyðingum Noregs var smalað í skip til Þýskalands áleiðis til Auschwitz, en þeir halda ekki vatni né sönsum ef soðinn er krabbi í beinni útsendingu í norska sjónvarpinu. Ingibjörg Sólrún á samleið með þjóð sem reyndi að setja peninga myrtra norskra gyðinga í eigin vasa og sem nú sendir sekkjafylli, nei gáma af peningum til Hamas. Ingibjörg vill eiga samleið með Norðmönnum sem styrkja áframhaldandi morðöldu meðal Palestínumanna. Á fé Íslendinga að fara í sömu vitleysuna?

Mér var hugsað til eins atriðis varðandi Gaza. Þegar Ísraelsmenn gjalda í sömu mynt fyrir eldflaugaárásir Hamas á saklaust fólk í Ísrael, segja fréttastofur einatt frá því hve margir óbreyttir borgarar hafi fallið í Gaza. Þegar Hamas og Fatah berast á banaspjót eru oftast aðeins upplýsingar um tölu fallinna og særðra, en ekkert um fjölda fallinna óbreyttra borgara. Er þetta ekki dálítið skrítið? Ef til vill fær Ingibjörg Sólrún skýringu á þessu í ferð sinni til Gaza. Gazalega verður gaman þá.

Ítarefni um sögu gyðinga á Gaza.

Athugasemdir

[G. H. (IP-tala skráð) 22.6.2007 kl. 19:13]

"...Filistea, sem sumir rugla vísvitandi við hinn mög svo blandaða hóp Palestínumanna nútímans."

 Áhugaverð setning, í ljósi þess hve útbreiddur ruglingur er á milli Ísraelíta til forna og "gyðinga" nútímans. Það er einmitt sá misskilningur sem gerir það að verkum að þeim var afhent land sem fæstir þeirra geta gert nokkurt genetískt eða sögulegt tilkall til.

[Vilhjálmur Örn Vilhjálmsson, 22.6.2007 kl. 19:42]

G. H. , þú ert sannur Norðmaður, enda genetískt kominn af þeim - eða kannski ertu bara erfðafræðilega séð Kelti eða jafnvel Sami ("Lappi"). Þú ættir að fara aftur "heim", því þú hefur sögulegt og genetískt tilkall til eins og jafnvel tveggja smákonungsdæma í Noregi.

Ég skil ekki rök þín og mig grunar að þú sért að tala um eitthvað sem er þér ofviða

Gyðingar og Ísraelítar eru ekki bara erfðafræðilega stærð eins og þú og restin af  "hreinu" hjörðinni hans Kára Stefánssonar á Fróni.

Gyðingar eru ekki "rasi" eins og Hitler hélt og byggði útrýmingarherferð sína á.  Gyðingar eru miklu meira en eitthvað sem hægt er að mæla með litningum og stærð nefsins.

Gyðingum var afhent það land, sem þeir höfðu búið í í aldaraðir, og bjuggu í,  þegar er "þeim var afhent það" árið 1948.

Palestínumenn, sem heldur eru ekki "genetísk" og einleit "þjóð", og vinir þeirra eins og G.H. vilja helst ekkert heyra um tilvíst gyðinga og tína til svona kjánarök,  "genetískar og sögulegar" sannanir. 

G. H. þú virðist hafa misst úr nokkra sögutíma og jafnvel ekki mætt í kristinfræðitímana.

Reyndar sýna erfðafræðirannsóknir og líkamsmannfræðilagar rannsóknir á hluta gyðinga nútímans, að þeir eru náskyldir því fólki sem byggði landið um Krists burð. Mítókondrial rannsóknir sýna einnig að formóðir gyðinga, bæði sefarda og askenaza, er ættuð frá Miðausturlöndum.

G.H., hvar voru forfeður þínir þegar Gyðingurinn Jésús var við störf? Í hellum í Neanderthal eða að eltast við gamlar geitur í Guðbrandsdal?

Sama hvaða sauðahúsi þú ert af, ertu velkominn með skoðanir, en undirbyggðu þær betur næst þegar þú kemur í heimsókn.

[Linda, 23.6.2007 kl. 02:18]

Þúsund þakkir fyrir baráttu þína í þágu Ísraels.

[Loftur Altice Þorsteinsson, 23.6.2007 kl. 19:11]

Gott mál hjá þér Vilhjálmur, að fjalla um Gaza. Vonandi verður einhvern tíma friður á svæðinu, til að rannsaka betur fortíð þess.

Kveðja.

[Snorri Bergz, 23.6.2007 kl. 20:54]

Kvittun. Flott Villi. En bara spurning; ætli fornir Sephardim á Gasa hafi síðar farið vestur, þaðan áfram upp og endað í Hollandi?

En til samanburðar má nefna, að albönsk ætt settist að í Landinu helga, drap þar og útrýmdi ætt, sem kallaðist Husseini og ku hafa verið kominn frá Mekku, tók yfir eignir hinnar útrýmdu og, það sem meira er, nafn hennar.

Þessi nýja Husseini ætt varð síðan með valdamestu ættum á svæðinu. Af henni kom síðar sá maður, sem kallaði sig Yasser Arafat. Já Albanir hafa tekið yfir fleiri staði en Kosovo!

[Gestur Halldórsson, 24.6.2007 kl. 10:17]

Ég heillast af skrifum þínum hvort heldur sem er af afstöðu þinni, gagnasöfnun, málefnum, rannsóknarfærslum o.fl.

Ég segi bara; Takk,takk og hafðu góðan dag og biðjum (berjumst) öll fyrir þjóð drottins og Jerúsalem.

[Vilhjálmur Örn Vilhjálmsson, 24.6.2007 kl. 10:30]

Þakka ykkur öllum fyrir. Mér þykir þú segja tíðindi Snorri. Arafat allt í einu orðinn Albani, alveg eins og Móðir Teresa. Höfuðbúnaður þeirra var reyndar nokkuð líkur. Hvar getur maður lesið um þetta? Hjá Nóbelnefndinni?

Fornleifar eru óhemjulega mikið notaðar af Hamas í áróðri þeirra. Því er sífellt haldið fram, að Ísraelsher eyðileggi vísvitandi fornleifar. Fornleifarrannsóknir eru leiðinlegar þegar fornleifafræðingarnir verða stjórnmálamenn og láta "frelsishetjur" misnota lærdóm sinn. Það á því miður við um flesta og franska og breska fornleifafræðinga sem hafa verið að rannsaka á Gaza á síðustu árum.

[Sigurður M Grétarsson, 24.6.2007 kl. 22:02]

Þegar talað er um skipulega eyðingu minja til að láta líta út fyrir að þeirra eign menn hafi alltaf byggt ákveðin svæði tel ég rétt að bæta inn í þessa umræðu því að Ísraelar hafa í gegnum tíðina jafnað að minnsta kosti 300 og jafnvel allt að 450 palestínskum bæjum og þorpum við jörðu eftir að hafa hrakið íbúana á brott með vopnavaldi og byggt eigin bæji og þorp í staðinn. Svona bara til að nefna það þá er það gyðingur, sem hefur hvað mest safnað upplýsingum um þessa bæji og þorp. Það voru krækjur í upplýsingar um þetta á heimasíðu félagsins Ísland Palestína en þeir hafa breytt síðunni sinni þannig að ég finn þetta ekki núna og get því ekki nefnt nafn mannsins.

[Snorri Bergz, 25.6.2007 kl. 14:05]

Villi: Dror Ze'vi: An Ottoman Century. The Disctrict of Jerusalem in the 1600s (NY: State University of NY Press, 1996).