Smá ræpa um kúka í sandkassanum og niðurgang SDG á Útvarpi Sögu

Sigmundur Davíð Gunnlaugsson hélt því fram í viðtali á útvarpi Sögu í gær að George Soros stæði á bak við birtingu Panama-skjalanna (SDG lætur orð sín um Soros falla ca. 43 mínútur inn í þennan þátt).

Ósköp á nú drengurinn bágt, hugsaði ég, er ég heyrði hann halda því fram að Soros stæði á bak við fall sitt. Sigmundur Davíð telur þessa samsæriskenningu sína jafnvel efni í heilan þátt á útvarpi Sögu. Er hann með sömu veikina og Trump?, hugsaði ég með sjálfum mér.

Megi Drottinn og önnur máttarvöld varna oss frá því að slíku gjálfri verði útvarpað yfir þann hluta þjóðarinnar sem nennir að hlusta á Útvarp Sögu. En orð SDG sýna, að enn meiri ástæða er að koma í veg fyrir frekari pólitískan frama hans í næstu kosningum. Það er skylda Framsóknarflokksins að losa sig við Sigmund - ef flokkurinn ætlar sér yfirleitt að lifa af.

Nú er nýjasta gúrkan sem menn naga í, eftir að flestum er orðið ljóst að hjartaspítalinn í Mosfellsbæ er spilaborg og hollenski "fjármálameistarinn" er uppskafningur, að ræða um rasistana og "kúkana" sem trymbillin Waage finnur í sandkassanum sínum.

Gunnar Waage kúkaveiðimaður hefur ugglaust gleymt einum rasista á topp-20 veiðilista sínum og gæti sá flotið frekar ofarlega á listum að mínu mati. Það er SDG, því Sigmundur endurlífgar nú gamlar hefðir í Framsóknarflokknum, sem maður hélt að hefðu endað sitt skeið. Gyðingahatur hefur því miður löngum loðað við forsvarsmenn Framsóknarflokksins. Það er engin tilviljun að það var Hermann Jónasson sem lét vísa gyðingum úr landi á Íslandi og sonur hans sem féll fyrir áróðurstrikki Arafats (sjá hér).

Ég hef áður skrifað um (sjá t.d. hér hér og hér) áráttu sumra Íslendinga að kenna útlendingum um sínar eigin svikamyllur og ófarir, sér í lagi gyðingum. Nokkrir höfuðpauranna í íslenska hruninu (margir telja hrunið vera afleiðingar einhvers óáþreifanlegs samsærismökkurs í útlöndum) höfðu þörf á því að svína á gyðinga, þegar upp komst um glæpi íslenskra banka- og athafnamanna. Fjöldi Íslendinga tók einnig þátt í þeim ásökunum með banka- og stjórnmálamönnum. Líkt og kaþólska kirkjan forðum, einnig altarisdrengurinn Hitler og múslímar, kennir og ákveðin gerð afar vitgrannra vinstri manna nútildags gyðingum um allt milli himins og jarðar. Það er alltaf billeg lausn að kenna gyðingum um allt.

Sjálfstæðisflokkurinn var reyndar nærri því sama marki brenndur og flokkurinn varð síðar athvarf fyrir fjölda íslenskra nasista eftir stríð (sjá hér). Kannski er það þess vegna að einstaka sagnfræðingur meðal sjálfstæðismanna er svo mikið kappsmál að klína gyðinghatri á Framsókn, en gleyma ósómanum  í sínum eigin flokki.

Fjöldi múslímahatara á Íslandi er einnig sama marki brenndur þegar kemur að gyðingum. "Stuðningur" þeirra við Ísraelsríki einkennist oft af tvískinnungi og kemur oft einungis til svo hægt sé að réttlæta heiftarlegt og siðlaust hatur á minnihlutahóp í samfélaginu með svínshausum og blóði. Ísraelsríki er í flestum tilfellum enginn akkur af stuðningi íslenskra múslímahatara við ríkið. Múslímahatur kemur ekki veg fyrir starfsemi Hamas og annarra hópa sem hafa morð á gyðingum á stefnuskrá sinni.

En þetta hatur er sannkallaður vítahringur. Sá minnihlutahópur sem múslímahatarar hatast út í er heldur ekki barnanna bestur, því trú hans hefur einfaldlega sjálfskiptingu og innbyggt gyðingahatur. Prelátar múslíma hvetja til morða á gyðingum og öðrum  í tíma og ótíma. Við höfum svo sannarlega vör við það á síðustu vikum - ekki bara á götum Jerúsalem og Tel Aviv - heldur um heim allan.

Fólk eins og Gunnar Waage sér líklega vart rasismann hjá Sigmundi fyrir stólpanum í augunum, því rasistaexpertinn í sandkassanum er vissulega líka rasisti þegar allt kemur til alls. Hann hatar gyðingana í Ísraelríki alveg eins og vinkona hans hún Erla Sema og fjarskyldur frændi hennar á Tyrklandi, hann Erdogan.

Sjálfsímynd sú sem Íslendinga hafa þróað með sér á 20. og 21. öld er mjög naív og hefur á stundum jaðrað við rasisma. Allt er hreinast, fallegast og best - og vitaskuld hreinna, fallegra og betra en annars staðar. Íslendingar hafa sterkustu karlana, vergjörnustu konurnar, bestu bankana, hreinasta vatnið og gáfaðasta fiskinn  - svo ekki sé talað um tunguna uppi í fólki og málið. Orðbragðið upp á síðkastið bendir þó til þess að hreina mjólkin sé eitthvað farið að súrna í kokinu og iðrunum á hinum sanna, skyldleikaræktaða Íslendingi.

Íslendingar, og sér í lagi menn í valdastöðum, verða að læra að bera ábyrgð á eigin gerðum. Alveg sama hvað góðir og hreinir Íslendingar þeir eru, verða þeir að gera sér grein fyrir því að í landi þar sem þjóðkirkjan jafnt sem örgustu trúleysingjar leggja blessun sína yfir andgyðinglegan kveðskap 17. aldar, þá er til langtum fleiri rasistar en þessir 20 kúkar sem Gunnars Waage hefur safnað í sandkassanum sínum. Sumir kúkarnir finnast heldur ekki vel í svörtum sandi, því þeir eru óttaleg ræpa og jafnvel bölvað prump. Þökk sé Útvari Sögu, sem leyfði þjóðinni að heyra prump SDG í beinni. Menn kjósa kannski eftir því - þegar og ef leyft verður að kjósa.

Athugasemdir

[Jónas Gunnlaugsson, 29.7.2016 kl. 02:05]

Sannleikur?

Já, nei, en þroski minn í gær og í dag.

Hungarian PM blames Soros for fueling refugee crisis in Europe   5.4.2016 | 13:55

Var Sigmundur Davíð Gunnlaugsson farinn að láta bankana greiða til baka til fólksins?

Var bankinn, fjárfestirinn aðeins að færa bókhald?

Það er kominn meiri skilningur og við komumst ekki hjá því að hætta að plata fólkið.

Spuni, gamla sagan, skírð.

000

SDG á Útvarpi Sögu

Sett á bloggið hjá:  Vilhjálmur Örn Vilhjálmsson

000

 „Allt er hreinast, fallegast og best - og vitaskuld hreinna, fallegra og betra en annars staðar. Íslendingar hafa sterkustu karlana, vergjörnustu konurnar, bestu bankana, hreinasta vatnið og gáfaðasta fiskinn“

Mikið er þetta rétt hjá þér.

Það er eins með Ísrael og allar hinar þjóðirnar, allstaðar á allt að vera best.

Við verðum að hafa markmið, eða frekar aðleitunar þrá.

Þá finnum við nýjar leiðir, sem við höfum ekki látið okkur detta í hug áður.

Þarna var Jesú einn höfuð kennarinn.

Jesú boðaði vísindi, sem oftast varð að kenna okkur með dæmisögum.

Vísindin, trúin, var trú Gyðinga, og síðan kölluð Kristni til að fjarlægja þessi vísindi, þessa trú Gyðinga frá  Gyðingum.

Keisarinn í Róm leyfði Rabbínaskólann, sem er þá að grunni til trú Gyðinga í dag.

Ég ætla ekki að prjóna þetta lengra, en ef við höfum aðleitunar þrá, eftir ljósinu, GUÐI?, þá eykst viskan, og allt fer að blómstra allt um kring.

Sannleikur?

Já, nei, en þroski minn í gær og í dag.

Egilsstaðir, 29.07.2016  Jónas Gunnlaugsson

000

http://jonasg-egi.blog.is/blog/jonasg-egi/

Kristni er að grunni til trú Gyðinga    10.8.2014 | 21:50

ÍSRAEL    16.3.2012 | 18:05

[Vilhjálmur Örn Vilhjálmsson, 29.7.2016 kl. 04:30]

Sæll Jónas, það sem þú eða Gunnar Rögnvaldsson setjið á ykkar blogg, er alfarið á ykkar ábyrgð.

Það hefur verið lenska hjá gyðingahöturum og nýnasistum á vefnum að kenna Soros um allt í heiminum. Þetta eigið þið reyndar sameiginlegt með fjölda vinstri manna. Ófrægingarorð fasistastjórnar í Ungverjalandi um Soros hefur ekkert vægi. Meðlimum hennar langar greinilega aftur í gyðingamorð.

SDG hefur sokkið djúpt þegar hann viðrar þessa nasistamýtu og greinilegt er að aðrir á Íslandi trúa henni líka.

Það er mikill misskilningur hjá þér að kristni sé að grunni til trú gyðinga. Slíkar yfirlýsingar sýna einungis vilja sumra kristinna manna til að útrýma gyðingdómi. Kristni og Íslam eru meira skyld ef nokkuð er. T.d. heiftin og útrýmingarvilji áhangenda þeirra trúarbragða. Það sem m.a. sannar það er að gyðingar hafa aldrei stundað fjöldamorð á kristnum eða múslímum, en kristnir og múslímar hafa stundað fjöldamorð á gyðingum.