Gamla hvað?

Jónas Kristjánsson, fjöldaframleiðandi stuttra áróðurstexta ætluðum heimskum hjörðum, er nú farinn að jarma hátt úti haga fyrir náttúruundrabarnið Andra háfjallasól. Kallar hann nýlega haiku-vísu sína "Guðni er gamla Ísland" og hefur Jónas allt á hornum sér.

 

Þó ég telji mig vita að Jónas hinn einumoflesni hafi ávallt verið hallur undir útópíur og missterka menn, og sjái eitthvað veruleikafirrt "Neues Eisland" í hillingum handan við fjöllin, verður Háfjallasóloninn, hann Andri, að skýra út fyrir okkur, hvernig honum leið þegar hann tók við gulli sem rifið hafði verið út úr munnunum á gyðingum forðum.

 

Er það siðlegt af fjölmiðlum og Fimm Setninga Jónasi að gleyma því helvíti, þegar þeir fara á kaf í eignir foreldra Dorrit ? Sjá hér: Andri er ósiðlegheitin uppmáluð og tvískinnungurinn manngerður og á ekkert erindi á Bessastaði nema í veislur. Svo er hann hégómagjarn pilturinn svo um munar. Hann bannaði mér eitt sinn að birta af sér mynd, sem allir notuðu á vefmiðlum. Hann lét ljósmyndarann hóta mér lögsókn. Ég einn mátti ekki nota myndina, þar sem ég skrifaði um hvernig hann gleypti við styrk sem rifinn var út úr gómi dauðra gyðinga í helförinni.

Nú er lokaspretturinn baráttan um embætti forseta Íslands, á milli tveggja manna sem eru niðri á sama plani og sauðirnir í rofabarðinu. Það er reyndar barátta á milli  reynslu og reynsluleysis og erfitt verður að velja. - Ja, nema að einhver finni eitthvað verulega gruggugt á bankareikningi tengdaforeldra Guðna, eða að kassahjólin sem Guðni ekur börnunum sínum í skólann á séu ekki öryggismerkt. Ég gæti kosið þá báða, en það er ekki hægt.

 

En þegar íslenskir útópíu-nasistar og gamlar geitur eru að reyna að rífa gullið úr tönnunum foreldra núverandi forsetafrúar til stuðnings Guðna eða Andra, eru víst fleiri en Jónas Gamli sem sjá hið margrómaða og glæsta Neues Eisland eins og óbitna graslaut í fjallasal. Íslendingar breytast ekkert, þeir verða alltaf sömu heilalausu hjarð- og delludýrin sem norpa í rætur í rofabarði, þegar þau týnast ekki á heiðinni eða verða útrásardýr. Besti forystusauðurinn fyrir slíka hjörð er víst Ólafur. Guðni tekur þetta næst ef hann vinnur ekki kosninguna. Þá verður hann búinn að gefa út glæsta bók sína um forvera sína í embættinu og getur selt hana í fornleifakjallaranum á Bessó -

Ja, ef Trump verður ekki búinn að eyða jörðinni og mannkyninu áður með vinum sínum í ISIS og svíninu í N-Kóreu.

Athugasemdir

[Agla (IP-tala skráð) 7.5.2016 kl. 15:02]

Skiptir ekki öllu en svona þér til upplýsingar þá er ekki hægt að flokka  þau orð Jónasar sem þú vísar til, undir Haiku kveðskap.

Haiku vísur hafa  17 atkvæði. Í fyrstu ljóðlínu eru fimm atkvæði, í annarri ljóðlínu  eru atkvæðin sjö og í þeirri þriðju eru  þau fimm.

[Vilhjálmur Örn Vilhjálmsson, 7.5.2016 kl. 18:19]

Agla, þú hefur

heyrt um myndmál, eða hvað

kona mín góð?

[Elín Sigurðardóttir (IP-tala skráð) 10.5.2016 kl. 09:17]

Er eitthvað að marka þessar fréttir?

https://www.almasdarnews.com/article/panama-papers-data-leak-king-saudi-arabia-sponsored-netanyahus-campaign/