Mikka Mús hefur verið rænt í Gaza

 

Mikka mús hefur verið rænt í Gaza. Hann hefur verið neyddur til að vera með í "Stundinni Okkar" og kenna palestínskum börnum að verða sjálfsmorðingjar í Ísrael, að lýsa yfir sigri yfir Ísrael, BNA og Danmörku, að drepa alla gyðinga og lýsa yfir heimsyfiráðum Íslams. Ímyndið ykkur Mikka, með sína skræku rödd hrópa: "Lifi íslamska byltingin, dauði yfir trúleysingjana".

The Guardian tókst að túlka þetta svona: "Palestinian TV uses Mickey Mouse to promote resistance".  Að drepa gyðinga er nú orðið andspyrna. Hitler var væntanlega í andspyrnuhreyfingunni, að minnsta kosti samkvæmt einfeldningunum á Guardian.

Ætli Hamas krefjist lausnargjalds? Ætli Mikki verði hálshöggvinn? Allt er óvíst. Ég finn ekkert um kröfur Hamas fyrir Mikka á heimasíðu Hamasvinafélagsins á Íslandi.

Hugsanlegt er að Michael Moore hafi verið víðar en á Kúbu og hafi þegar hálshöggvið Mikka.

Eitt er hins vegar víst, það er ekki auðvelt að vera mús og sérstaklega mús með lim eins og Mikki.

Athugasemdir

[Sigurður M. Grétarsson (IP-tala skráð) 19.5.2007 kl. 22:19]

Palestínumenn eru ekki að “kenna” börnum sínum að hata gyðinga. Þeir þurfa þess ekki. Öll þau grimmilegu glæpaverk, sem þau sjá ísraelsher fremja fyrir framan nefið á þeim hafa séð til þess að þau hata Ísraela. Ísraelar hafa einfaldlega marfaldlega unnið sér inn fyrir því hatri, sem þeir verða fyrir að hálfu Palestínumanna og annarra araba.

  

Það, sem Palestínumenn eru að gera er að hvetja börn sín til að gefast ekki upp fyrir hinu grimma hernámsveldi Ísraela og hada áfram baráttunni fyrir frelsi Palestínu þegar þau vaxa úr grarsi. Þeir sjá ekki fram á að það frelsi náist á næstu árum.

  

Hvernig eiga Palestínumenn að fara að því að fá sér vinnu þegar þeir eru undir hernámi þjóðar, sem umkringir þá algerlega og kemur í veg fyrir að þeir geti flutt framleiðsluvörur sínar úr landi? Hvernig eiga Palestínumenn að geta viðhaldið viðskiptasamböndum þegar Ísraelar setja upp vegatálma án fyrirvara og hindra þannig flutning á bæði vörum og fólki milli staða?

  

Vandamál Palestínumanna stafa fyrst og fremst að grimmilegu hernámi Ísraela og af því stafar hatur þeirra á Ísraelum en ekki því að það sé verið að kenna þeim að hata kúgara sína.