Jesús Jósefsson

Nýlega kom út ”páskabók” í Danmörku eftir lækninn Niels Svensson. Bókin, sem ber heitið Det sande ansigt, fjallar um líkklæðið í Jóhannesarkirkju í Torino. Svensson er meðlimur í alþjóðlegum félagi kristinna manna, sem helst vilja trúa því, að það sem hefur myndast á líkklæðinu í Torino sé sjálfur Meistarinn frá Nazaret.

Ýmsar myndir af Jesú hafa fests á nethimnu manna. Við þekkjum vestfirska sjómanninn á íslensku altaristöflunum. Guðmundur Jaki sat fyrir hjá Einari Jónssyni. Einari þótti skriffinnskufingur Jakans tilvaldir þegar hann var að skapa hendur meistarans. Einar ku annars hafa haft Torinoklæðið að fyrirmynd þegar hann mótaði andlit Krists. Þetta sýnir okkur að klæðið er miklu eldra en Guðmundur Jaki.

Bók Svenssons er afar yfirborðskennd. Hann sniðgengur marga hluti og fer ekkert inn á það sem ég tel afsanna á afgerandi hátt, að það sé negatívan af Jesú, sem sé að finna á línstranganum í Torino.

1)       Ef maður málar andlit sitt með einhverjum smitandi lit, leggur sig, og leggur klæði yfir og lætur það falla eins og líkklæði, pressar dálítið á allar hliðar andlitsins og skoðar svo þrykkimyndina. Hver er útkoman? Spegilmynd þín? Nei aldeilis ekki. Það sem fram kemur er útflatt hringlaga andlitsmynd. Ekkert í líkingu við það sem sjá má á klæðinu í Torino.

2)       Látnir gyðingar voru, og eru, settir í líkklæði (sérstök föt, tachrich bitz) áður en þeir voru vafðir laki (sovev), sem mjög líklega leit ekki út eins og líkklæðið í Torino.

En kannski var Jesús bara ekki gyðingur. Palestínumaður segja sumir!

Allt virðist benda til þess að trúaðir kristnir geti alls ekki sætt sig við annað en Appolónískt útlit Guðs eða einhvern Jesús, sem gæti hafa verið fjölskyldumeðlimur þeirra eða fyrirliði í knattspyrnuliði á Skaganum.

Segðu mér hvaða Kristur hefur búið um sig í huga þínum, og ég get kannski sagt þér eitthvað um sjálfan þig? 

1)   

2)   

3)   

4)   

5) 

6)  

7)   

8)

 

9)

10)

11)

12)

13)

14)

Athugasemdir

[Hjalti Rúnar Ómarsson, 2.4.2007 kl. 21:50]

3) C-14 mælingar sýndu að líkklæðið væri frá miðöldum.

4) Biskup frá þeim tíma sem líkklæðið kom fyrst fram (og sem C-14 mælingin gaf til kynna) sagðist hafa fundið listamanninn sem gerði þetta!

...og svo framvegis. Maður þarf að vera ansi djúpt sokkinn í kristni til að trúa þessu.

En í sambandi við útfararsiði gyðinga, þá var víst sérstakur grafreitur fyrir glæpamenn á tíma Jesú (minnir að það sé talað um það í Mísnah). Þannig að það er hugsanlegt (a.m.k. líklegra en að Jesús hafi lifnað við), að hann hafi verið settur tímabundið í gröf Jósefs (þeir höfðu ekki tíma til þess að klára greftrunina vegna þess að hvíldardagurinn var að koma, sbr í Mk ætla konurnar að smyrja líkið hans á sunnudagsmorgni) og var síðan færður í gröf fyrir glæpamenn á laugardagskvöldi.

[Vilhjálmur Örn Vilhjálmsson, 2.4.2007 kl. 22:28]

Svensson og vinir hans velja það úr sem þeir vilja helst heyra. T.d. krefjast þeir nýrra C14 greininga, því þeir halda því fram að fyrri sýni hafi verið tekin af seinni tíma viðgerðum á klæðinu.

Smurðu gyðingar lík? Er það ekki kristin uppfinning? 

Svona spurningar gátu hér á öldum áður kostað gyðinga lífið.

Megi guð þinn svo vera með þér Hjalti Rúnar  á ferð þinni um vitleysur trúarinnar!

Ég er með 14 mögulega syni Guðs hér að ofan. Hvern trúir þú mest á?