Íbrahím - Íbrahím

Sem fyrsta Íslendingnum sem stakk upp á því (á prenti að minnsta kosti), að moska yrði reist á Íslandi, verð ég að fagna því að fjármagn til þess verks er nú komið í höfn. Eitthvað eru menn að fúlsa við því, en við verðum að virða þann sið að fátækir múslímar taki við ölmusum frá sér ríkari trúbræðrum. Auðnum er mjög misskipt.

Vandamálið er hins vegar allt annað þegar hinir forríku múslímar í Sádí og Qatar senda milljarða í stuðning til ISIS, Hamas, Hezbullah og annarra helstefnu- og  hryðjuverkasamtaka, eða nota vafasama banka á Vesturlöndum til að hvítþvo fé til þeirrar gjafastarfsemi. Mér sýnist þó, að fyrirmenn Sogamýrarmoskunnar séu að gretta sig yfir fjármagni frá Sádí. Salman Tamimi afþakkar meira að segja byggingarfé frá Sádíum með þessum orðum:

„Við myndum aldrei þiggja neinar gjafir frá ríkisstjórn sem virðir ekki mannréttindi fólksins síns, brýtur á þeim og styðja hryðjuverk í Mið-Austurlöndum“.

Nú vandast vissulega málin. Tamimi, sem ekki virðir mannréttindi þegar hann notar orðið gyðingur sem fúkyrði á kristna menn, fær vart nokkra peninga frá ríkum trúbræðrum sínum, ef hann setur svo stór skilyrði. Tamimi verður líklegast líka að losa sig við Íbrahím Sverri, sem sýnir því jákvæðan skilning að fólk berjist með ISIS. Fjármagn frá Qatar væri líklega betri lausn. Al Thani glæpagengið í Qatar hefur stutt ISIS og Hamas...tvö skátasamtök sem Tamimi og Ibrahím styðja. Al Thani málið hlýtur að vera Íslendingum í fersku minni. Ég tel víst, að Al Thani gengið hafi notað Kaupþing til að hvítþvo fé sem sent var hryðjuverkasamtökum.

Er ekki bara tilvalið að Qatar, sem sendir milljarða til ISIS og Hamas, styðji einnig Sogamýrarmoskuna, þar sem stjórna menn sem beint og óbeint styðja Hamas og ISIS? Væri það ekki prýðislausn? Eða að senda peningana fyrst til Hamas, og láta Hamas byggja Hamashof í Reykjavík, þar sem hægt verður að blóta Ísrael og gyðingum almennilega.

 

Athugasemdir

[Guðbrandur Jónsson (IP-tala skráð) 7.3.2015 kl. 12:40]

Þessi peningaupphæð var fyrst 170 milljónir úti í London en nú bara 130 milljónir í Reykjavík.  Að gefa múslimum lóð á besta stað á Íslandi er brandari.  Þetta er við fjölförnustu umferðargötu á Íslandi.  Allir gestir til Íslands munu halda að hér sé ríki múslima að dafna vel.  Ég er viss um að bankarnir séu tilbúnir til að borga 1700, eittþúsund og sjöhundruð milljónir í kosningasjóð samfylkingarinnar , og gefa síðan borgarstjóranum gjaldeyri úti í London fyrir 40 milljónir, vilji hann það, fyrir auglýsingaskilti.  Hvar eru bankapeningarnir núna.  Ég legg til að lífeyrissjóðir Íslands kaupi þessa lóð og setji þar upp 20 metra hán kross, með Jesú Krist negldan þar á, eða enn betra að hafa borgarstjórann í Reykjavík á krossinum.

[Vilhjálmur Örn Vilhjálmsson, 9.3.2015 kl. 13:31]

Guðbrandur, er ekki nóg að Hallgrímskirkja sé á bæjarins besta stað?