"Gyðingar samtímans"

Einn af talsmönnum múslíma á Íslandi var eitt sinn ævintýramaður og eyðimerkurprins. Nú er hann orðinn eins konar spámaður á RÚV og telur múslíma Evrópu gyðinga samtímans.

Síðastnefndu meinloku og söguleysu hélt Sverrir Agnarsson enn einu fram í Kastljósi í gær. Hann fékk að ljúka viðtalinu með því að ítreka þessa hjákátlegu vanþekkingu sína. Sverrir sagði "Ég sagði, að áróðurinn gegn múslímum væri farinn að líkjast áróðri nasista gegn gyðingum fyrir 60 árum síðan." Þetta er vitanlega ekki rétt hjá Sverri. Sverrir þarf ekki annað en að lesa blöð og horfa á sjónvarp í heimi Múslíma til að vita að áróður nasista gegn gyðingum fyrir 60 árum er endurtekið efni í fjölmiðlum múslíma um allan heim.

Þessa samlíkingu, sem á engan rétt á sér, hefur maður svo sem séð áður. Gasa er orðið að gettóinu í Varsjá og Ísraelsmenn fremja samkvæmt flestum múslímum helför.  En þó Sverrir sé orðinn gjaldgengur múslími verður hann, eða trúbræður hans aldrei gyðingar samtímans - einfaldlega vegna þess að múslímar nútímans eru enn að óska gyðingum nútímans dauða og pínu - og drepa þá í nafni trúarbragða sinna - og ekki eingöngu fámennur hópur íslamista og Jihadista með sprengjubelti.

Nú þegar múslímar taka gísla í verslun gyðinga og myrða þá, eins nú og í París eða þegar þeir drepa gyðinga á safni þeirra, ráðast á skóla þeirra, dagheimili og samkunduhús, Þá eru múslímar ekki gyðingar samtímans.

Gegnum söguna hafa múslímar ofsótt gyðinga. Hvernig geta múslímar verið gyðingar? Múslímar ætluðu að hjálpa Hitler í lokalausninni (Helförinni). Hvernig í ósköpunum getur Sverrir Agnarsson líkt múslímum við gyðinga? Þegar rannsóknir sýna að meirihluti múslíma hata gyðinga og að sumir telji þá réttdræpa , þá eru múslímar ekki gyðingar. Þetta verður talsmaður múslíma á Íslandi að læra. Hann veit vel, að þegar Palestínumúslíminn Salman Tamimi öskrar "helvítis gyðingar" að fólki sem ekki eru honum sammála, þá er Salman vitaskuld ekki gyðingur nútímans, heldur stuðningsmaður öfga.

Þegar múslímar á Íslandi fara með hatursfullar lygasögur um gyðinga (sjá hér) úr helgiritum sínum í íslenskum fjölmiðlum, þá eru múslímar ekki gyðingar. Sumir þeirra eru reyndar komnir af gyðingum sem neyddir voru til Íslam með ofbeldi, en það vilja múslímar ekki heyra.

Meðan trúarrit og skólabækur í löndum múslíma bjóða upp á samlíkingu á gyðingum við dýr, þá er ekki mikil von um að múslímar sættist við sjálfa sig, frekar en aðra. Menn geta enn lært af þeim trúarbrögðum sem Múhameð lánaði frá með hjálp Allah. Múslímar geta vitanlega ekki verið skyldir þeim mönnum sem múslímar líkja við óæðri dýr?? Meðan múslímar prenta og lesa Mein Kampf eru þeir vitanlega ekki gyðingar samtímans. Þeir geta ekki orðið gyðingar neinna tíma.

Múslímar sem frömdu fjöldamorð á gyðingum við tilurð trúarbragða múslíma, geta aldrei orðið gyðingar. Æ ljótari saga íslamísks heimsráðastefnu og yfirgangs hefur nú náð slíkum hæðum í illmennsku, að það er óréttlætanlegt að líka múslímum við gyðinga, MEÐAN STÆRSTI HLUTI MÚSLÍMA Í HEIMINUM VILL MEINA GYÐINGUM AÐ EIGA SÉR EITT LÍTIÐ LAND,ÍSRAEL, þá eru þeir og verða ekki gyðingar.

Athugasemdir

[Ingibjörg (IP-tala skráð) 9.1.2015 kl. 15:53]

Skv.frásögn A.Speers sagði Hitler að Germönum hefði hæft betur að taka Islam en kristna trú, fyrst þeir lögðu af sín fornu heiðnu trúarbrögð. Þetta er í endurminningabók hans sem kallast á ensku "Inside the Third Reich". 

[Matthías (IP-tala skráð) 9.1.2015 kl. 16:08]

Sæll.
Þú segir: Múslímar ætluðu að hjálpa Hitler í lokalausninni en gleymir þá t.d. framlagi múslíma í París á stríðsárunum þegar þeir björguðu hundruðum gyðinga frá nasistum.
Alhæfingar eru varasamar...
Matthías

[Gunnar Th. Gunnarsson, 9.1.2015 kl. 16:52]

Ég hef tekið eftir einu í umræðunni um múslima. Ef eitthvað er hallað á þá, þá er sagt að verið sé að alhæfa um múslima.

Hvernig á að bera sig að við að segja frá múslimskum hryllingi? Þarf alltaf að taka fram að ekki séu allir múslimar svona? 

Pat Condell, sem fer víst í taugarnar á mörgum trúuðum, sama hvaðan þeir koma. Hamas fær heldur betur á baukinn í myndbandinu sem ég vísa í:

https://www.youtube.com/watch?v=mA5Y-4qim6U

[Theódór Norðkvist, 9.1.2015 kl. 16:55]

Frábær úttekt, fáir slá Sverri við í rökleysum og blekkingum. Nú er ég að fara að horfa á þátt um einn af mínum uppáhalds Gyðingum, Mel Brooks. Vona þó að hann fari ekki að taka upp á því að gera grín að Múhammeð, því ég vil að heimurinn fái að njóta snilli Mels lengur.

[FORNLEIFUR, 9.1.2015 kl. 17:03]

Matthías,ef þú hefur séð sannanir fyrir þessum björgunaraðgerðum múslíma í París, sýndu mér þær. Þetta hefur aldrei verið sannað svo ég viti til!

Hins vegar bjargaði hollensk kona um 10.000 börnum og fáir sem engir hafa skrifað um það eða minnst hennar. Ég er þó einn þeirra. Lestu þér til: http://fornleifur.blog.is/users/5c/fornleifur/files/geertruida_rambam_19_19410.pdf

Í frásögn Gertruidu Wijsmuller Meijers getur þú kannski séð hvað múslímar í Marseille voru hjálplegir gyðingabörnum sem frú Wijsmuller Meijer var að hjálpa.

[Matthias (IP-tala skráð) 9.1.2015 kl. 17:17]

Haaretz var með grein um þetta 23/3 2012, Vilhjálmur. Kannski rangt af mèr að treysta þeim. - Meijer var svo auðvitað einstök kona.

Gunnar, ef þú vilt fá alvöru alhæfingu um þetta mál, gætirðu sagt að kristnir og múslimar hefðu tekið höndum saman um að útrýma gyðingum í Þýskalandi nasismans ... 

[FORNLEIFUR, 9.1.2015 kl. 19:17]

Þetta er mýta. Engir múslímar hjálpuðu svo sannað sé gyðingum í Frakklandi. Sagan um gyðinga sem bjargað var í stórmoskunni í París er ekki sönnuð. http://en.wikipedia.org/wiki/Arab_rescue_efforts_during_the_Holocaust#cite_note-4

Robert Satloff og einstaka aðrir menn sem telja að gróusögur séu heimildir,  hafa verið að éta þetta upp eftir hvorum öðrum með tilvitnun í eitt bréf sem enginn fær að sjá og sem enginn veit hvort er til. Lestu líka þessa umsögn: http://www.huffingtonpost.com/alex-remington/robert-satloffs-among-the_b_417125.html

Ég hlusta á þig, ef þú kemur með heimildir. Ef þú lest téða grein i Haaretz, þá getur þú hugsanlega lesið þetta þér til gangs:

"By contrast, Prof. Renee Poznanski, of Ben-Gurion University, a leading scholar of the subject of French Jewry during the German occupation, says that none of the story is familiar to her. “I have not come across any such thing in the documentation and testimonies. If it indeed happened, we are talking about a historically minor phenomenon, of very small dimensions, but important of course,” she says.

Ég treysti Renee Poznanski betur en þér og Roboert Satloff um að túlka heimildirnar.

Ég veit að óskhyggja er viðurkennd fræðigrein á Íslandi. En svo er ekki úti í hinum stóra heimi. Lestu, Matthías, áður en þú heldur einhverju fram!

[Matthias (IP-tala skráð) 9.1.2015 kl. 22:35]

Þakka ábendinguna og þetta er auðvitað hárrétt hjá þér, menn eiga ekki að trúa á mýtur ...