Vesturfarar og ritbann á skerinu

 

Mikið var nú gaman að sjá frændfólk mitt í einum þátta Egils Helgasonar um vesturfarana. Ég er frændi Stephans G. og einn þeirra sem standa honum næst á Íslandi, ef svo má að orði komast. Stórgaman var að sjá barnabörn Stephans G. og hve lík þau voru sumu frændfólki mínu og þeirra á Íslandi. Sömu kækirnir, sami tjáningarmátinn. Litningar láta ekki að sér hæða.

Það fer hins vegar í verra að ég geti ekki hrósað Agli Helgasyni fyrir þættina. Ég get ekki gert athugasemdir á Eyjunni og heldur ekki á DV. Ég fæ enga skýringu á þessu ritbanni í athugasemdasvæði Eyjunnar. Ég hef spurst fyrir um það en fæ engin svör. DDR-háttalag íslenskra fjölmiðlamanna er útbreiddara en maður hefði haldið.

Þótt Agli Helgasyni sé illa við tilhugsunina um að ég sé frændi Stephans G. og hann hafi látið það í ljós á mjög ljótan og lítilmótlegan hátt (sjá nánar hér og hér), er lítið sem hann getur gert við því. Ég er bara feginn því að Egill sé ekki ættmenni mitt. Ég er afkomandi Þórðar Sigurðsonar stýrimanns, en Stephan G. og hann voru systrasynir. Þeir voru afkomendur fátækra kotunga í Skagafirði, sem meikuðu það, þrátt fyrir alla mótstöðuna í lífinu, þrátt fyrir að þurfa að flýja heimasveit sína vegna yfirgangs mektarmanna og presta sem söfnuðu hrossum, riðu börnum og sungu falskt við undirleik Bakkusar.

Þótt Stephan hafi sem betur fer aldrei verið ritskoðaður í Kanada, þá er ég það á miðli þeim sem Egill Helgason skrifar pistla sína á. Eyjan er miðill sem annars hreykir sér af frelsi hugsana og skoðana og þar eru ábyrgðarmenn flestir sérleyfishafar á réttar skoðanir og kenndir. Mikið fer heiminum aftur. Egill hyllir friðarsinnann Stephan G. fyrir skattpeninga þjóðarinnar en Eyjan.is ritskoðar aumingja mig án röksemda nærri heilli öld eftir að Stephan frændi velti fyrir sér heimsfriðinum í litla "bleika" húsinu í Markerville.

Ég læti Bill frænda syngja Agli sönginn um lestina Voodoo King sem Egill Helgason verður fyrr eða síðar fyrir eða Drottningu Frelsisins sem félagar hans á Eyjunni hafa gert útlæga.

Athugasemdir

[Valdimar Samúelsson, 1.11.2014 kl. 22:15]

Góðir þættir. Hann gleymdi fólkinu úppi á Kodiak eyju en þar var/er eftirlegu kindur frá því að Jón Ólafsson fór þangað. Það hefði verið gman að heyra um það fólk.

[Húsari. (IP-tala skráð) 1.11.2014 kl. 23:28]

Sæll Vilhjálmur.

Mér finnst villan mesta vera sú að engu er líkara
en stjórnandi þáttar líti á sjálfan sig í æðra sessi,
stærri og meiri en allir viðmælendur enda nær hann
sambandi við fæsta og varla nokkurt vit í neinum þeim
samtölum sem þarna fara fram því traustið er ekki
fyrir hendi.

Andri Freyr Viðarsson gerði þetta snilldarvel
og skipti engu þó hann færi sínar eigin leiðir að
takmarkinu, - náði innilegu og góðu sambandi við
alla, - hrein unun að horfa á þættina hans.

[Vilhjálmur Örn Vilhjálmsson, 2.11.2014 kl. 07:08]

http://nutiminn.is/egill-helgason-apar-eftir-andra-flandri/

Það eru víst skiptar skoðanir á því, Húsari góður, en ég hef því miður ekki séð þætti Andra Freys.  Ef dæma má út frá hlekknum hér, hefur Egill sótt margt til hans.

Ég skil vel hvað þú meinar með sambandsleysi Egils. Egill þarf alltaf að koma því að, að hann viti eitthvað, þó að það sé stundum takmarkað. Hann talar of mikið fyrir viðmælanda og leggur fólki orð í munn. Það gerir hann líka i Silfrinu.  En það er bara hans stíll. Hann er óumflýjanlega stærri en flestir viðmælendur. Ef maður veit svarið áður en maður fær það, er kjánalegt í sjónvarpsþáttum að gefa það í skyn áður en viðmælandi segir það. En Egill á nú góða takta líka, þó hann vilji ekki leyfa mér að gera athugasemdir á Eyjunni.

[Þorvaldur S (IP-tala skráð) 2.11.2014 kl. 12:03]

Gæti ritskoðunarskýringin verið sú að þú leyfir ekki kökusneiðar á netvafranum þínum? Alltént fannst sú skýring þá ég reyndi að láta ljós mitt skína árangurslaust á DVinuþ

[Vilhjálmur Örn Vilhjálmsson, 2.11.2014 kl. 13:52]

Nei, það er víst ekki vandamálið Þorvaldur. Á DV getur Vilhjálmur ekki gert athugasemdir en Fornleifur getur það. Báðir nota sömu tölvuna og vafrastillinguna.

[Húsari. (IP-tala skráð) 2.11.2014 kl. 13:59]

Þakka svarið, Vilhjálmur.

Sláandi þessi hlekkur sem með fylgdi.

Egill nær þessu einfaldlega ekki, sýnir hroka og yfirlæti
og virðist mér hann jafnan tala niður til þessa fólks.

Atriðið í kirkjugarðinum í síðasta þætti var þó óborganlegt
þar sem hann lamdi einn áa þinna því meir sem hann
staglaðist fremur á að næsta einn stæði hann uppi af
afkomendum Stephan G en ekki skilaði það neinu.
Er þurrkasamt á þessum slóðum; innkirtlar óvirkir
af þeim sökum?!

Annars hef ég tekið eftir því að Vilhjálmur Örn og
Fornleifur hafa farið á kostum þessa dagana og
vikur reyndar.

Sjálfsagt verður ekki fjárfest í þeirri þekkingu nú
fremur en áður, - en hefði þó svikalaust mátt gerast
og það löngu fyrr.

[Vilhjálmur Örn Vilhjálmsson, 2.11.2014 kl. 14:14]

Þorvaldur S, ég setti inn athugasemd hér frá facebók Fornleifs http://www.dv.is/neytendur/2014/10/29/kexklandur-hja-fron-vegna-galladrar-kremvelar/ en facebók litla bróður Fornleifs, Vilhjálms Arnar fær ekki að setja athugasemd.  Á Eyjunni geta þeir hvorugir sett inn athugasemd.

[Vilhjálmur Örn Vilhjálmsson, 2.11.2014 kl. 14:26]

Húsari, ég sem hélt að Forneifur væri kominn í frí, eða að deyja úr leti einhvers staðar í suðurlöndum. Ég er að minnsta kosti mjög svekktur yfir pennaleti hans.

Þurrkurinn í Red Deer County hefur líklegast engin áhrif á innkirtla manna sem eru í endalausu sjálfsánægjukasti. Slíkir kirtlar eru vel smurðir. Þetta vissi Bill frændi og þess vegna var viðtalið við hann skorið mjög við nögl. Beitt svör eru hættulög loftbelgjum.

[Vilhjálmur Örn Vilhjálmsson, 2.11.2014 kl. 15:02]

Þorvaldur, ég er einnig búinn að hafa samband við umsjónamann vefsíðu Eyjunnar og við Hallgrím ritstjóra á DV. Eyjan svarar ekki og Hallgrímur svaraði, en þrátt fyrir ítrekanir hefur hann enn ekki komið með neina skýringar.

[Vilhjálmur Örn Vilhjálmsson, 2.11.2014 kl. 15:19]

Ég er náttúrulega klár á því að jafnháðskur heimsborgari og ég, sem gerir athugasemdir á fjölmiðlum beggja vegna Atlantsála, hef aðeins verið settur í bann á tveimur heimalningsfjölmiðlum á Íslandi.

[Þorvaldur S (IP-tala skráð) 3.11.2014 kl. 21:55]

Nú, þá er sýnilega ekki sama Jón og séra Jón haugur.

[FORNLEIFUR, 5.11.2014 kl. 12:29]

Það mun rétt vera, Þorvaldur.