McDonalds í ólátaseggina - Róar það þá?

Hans og Gréta, forðum aktívistar á Norðurbrú, nú nýtir samfélagsþegnar

Danska lögreglan gefur ólátaseggjunum frá Norðurbrú, sem eru í fangageymslum þeirra, McDonalds hamborgara í matinn. Því hafa tvær dömur frá Svíþjóð mótmælt harðlega og fara líklega með málið fyrir mannréttindadómsstólinn í Strassbúrg. Í Svíþjóð er nefnilega alltaf hægt að velja um 7 rétti í gæsluvarðhaldi. Sænsku flikkurnar eru nefnilega grænmetisætur, sem ekki borða mjólkurafurðir – eins konar kanínur.

Danskur óróaseggur á Norðurbrú, Thomas Greve, borðaði þó matinn frá McDonalds með bestu lyst og lét þetta eftir sér hafa um McDonalds keðjuna: “Ég borða á henni stundum, þegar ég er í bænum. Það er ekki svo að ég hati hana eins og sumir öfgafullir aktívistar. En það er enginn vafi á því, að það er eitthvað pólitískt á bak við þetta hjá löggunni.”

Lögreglan neitar þessum ásökunum unga mannsins, sem kláraði borgarann sinn. Þetta er bara óskaplega venjulegur matur í dönskum fangelsum segir löggan.  Kannski ekki nema von, að það séu svo margir glæpir hér í landi. Fólk langar bara í ókeypis ruslamat á rólegum stað.

Talsmaður lögreglunnar, Michael Bæk, skýrir skoðun sína á matvendni sænsku stúlknanna. “Þær gætu bara hafa fjarlægt kjötið og borðað restina”.  Lesið meira um málið á fréttastoð Politikens.

 

Athugasemdir

[Greta Björg Úlfsdóttir, 5.3.2007 kl. 10:29]

Ég skil nú bara ekkert í dönsku löggunni að bjóða ekki vegetarisk menu fyrir mótmælendur! Þetta er ekki nógu gott! Bráðum hætta þeir að þora úr landi, ef þeir neyðast til að borða mjólkumat í fangelsum í útlöndum!

[Vilhjálmur Örn Vilhjálmsson, 7.3.2007 kl. 15:55]

Harðvítugustu menn segja mér að áður fyrr hafi löggan hér mestmegnis verið með rauðar pulsur úr næsta pulsuvagni fyrir gæsluvarðhaldsfanga. Það jók glæpatíðnina meðal Svía í Danmörku. Eða þar til Svíar fundu upp rauðu pulsuna. Þá fluttu allir glæpamennirnir aftur til Málmeyjar. Hvernig ætli þetta verði eftir nokkur ár í fangelsunum. Sushi og falaffel? Í Frakklandi er McDonalds fæði í fangelsum ígildi dauðadóms.