Sjúkleg íslensk hópæsing

Í gær var DV með enn eina frétt í röð sinni um löngu látinn kennara sem sakaður er um að hafa verið barnaníðingur. Miklar umræður urðu á athugasemdabálki fréttarinnar. Ég, einn á móti öllum, og talsmaður þeirrar óvinsælu skoðunar á Íslandi, að ekki sé hægt að dæma menn án sannanna - Hinir allir hæstaréttadómarar í dómstóli götunnar og fullvissir um að hægt sé að draga mann niður í svaðið án sannana og einnig þá sem benda á ósiðsemi þess athæfis. Tveir menn sem tóku þátt í umræðunni gáfu í skyn að ég væri barnaníðingur.

Sumu fólki nægið ekki að skeggræða, þeir urðu að beita ad hominem rökum. Ingi Jóhannesson, sem búsettur er á Ólafsfirði fann sig til knúinn að leita uppi, hvernig maður skrifar Jahve ist mein Führer á Google Translate og það á jiddísku og lét það flakka í athugasemdunum.

Íslendingar voru vissir um sakleysi stríðsglæpamanns

Þegar sannanir voru lagðar fram fyrir sekt stríðsglæpamanns sem bjó á Íslandi, hópuðust sumir Íslendingar saman honum til stuðnings. Fjölmiðlar lögðu lok á fréttaflutning. Engin átti með að koma og segja neitt ljótt um góðan Íslending. Allar ásakanir og gögn voru uppspuni og falsanir KGB og gyðings, sögðu menn.  Sekt mannsins hefur verið sönnuð. Hann fyrirskipaði morð á gyðingum. Sagnfræðinganefnd hefur síðar komist að þeirri sömu niðurstöðu. En þegar styðja á við móðursýkislega herferð á  hendur látnum manni, sem sakaður er fyrir að hafa verið barnaníðingur, og það án sannanna, telst það til eðlilegrar hegðunar að skrifa Jahve ist mein Fuhrer, þegar deilt er við mann sem bendir á að enginn sé sekur nema að sekt hans sé sönnuð.

Frétt DV.is fjallaði í gær um "Englabörn Skeggja Ásbjörnssonar", sem samkvæmt minningabók Brynju Benediktsdóttur voru þeir nemendur sem Skeggi leyfði að setja á kjöltu sér. Taldir voru til landsfrægir menn,  Styrmir Gunnarsson, Ragnar Arnalds, Jón Baldvin og fleiri. Þessir ritstjórar og stjórnmálamenn voru að sögn heimildarkonu DV englabörn Skeggja.

Ég sé fyrir mér, að brátt birtist frétt með þessa fyrirsögn í DV: Jesús var barnaníðingur. Hann sagði "leyfið börnunum að koma til mín". Englabörnin hans Jesús verða örugglega svínuð til af DV áður en yfir líkur. Það er í tísku.

Lesið einnig fyrri færslu:  http://postdoc.blog.is/blog/postdoc/entry/1362782/

Athugasemdir

[Hrafn Arnarson (IP-tala skráð) 23.3.2014 kl. 10:26]

Þessi pistill er undarlegur. það er grundvallar regla réttarkerfisins að allir eru saklausir þangað til sekt þeirra er sönnuð. Sekt verður að vera hafin yfir allan efa í lögfræilegum skilningi. Þannig á að vera tryggt að saaklaus maður sé aldrei dæmdur. Það getur hins vegar verið að sekir menn sleppi. Þannig er hugmyndafræði réttarríkisins en veruleikinn getur verið annar.--Þú ert sem sagt ekki einn Vilhjálmur enda væri réttarríkið þá löngu fallið-. Blaðaskrif og umræður um meint kynferðisafbrot eru vandmeð farin. Stundum er talað um "dómstól götunnar". Hér eru auðvitað einginn dómur, einginn dómur felldur og alls ekki faglegt mat á trúverðugleika frásagna. Trúverðugleikann verður hver að meta fyrir sig. Slíkumræða hefur ýmsa kosti og ýmsa galla. Ef sá sem er ásakaður er í valdastöðu, tengdur valdamönnum og nýtur virðingar mun hann geta varið sig.Þetta á við um stríðsglæpamanninn sem þú nefnir. Það sem er mest sláandi í hinu málinu að ekkert eða nánast ekkert mark var tekið á börnum og frásögnum þeirra. Vald og virðing hins ásakaða og tíðarandinn var slíkur. Í nokkrum löndum Evrópu var það í lögum allt fram á seinni hluta 19du aldar að framburður barna væri algerlega marklaus. Það hefur mikið breyst. Í seinna málinu vona ég að þeir sem brotið hefur verið á fái uppreisn æru og samfélagið viðurkenni að það hafi brugðist þeim.

[Vilhjálmur Örn Vilhjálmsson, 23.3.2014 kl. 10:32]

Það liggur enginn framburður barns fyrir í máli gegn Skeggja Ásbjarnarsyni, Hrafn Arnarson. Það hefur aldrei verið höfðað mál gegn Skeggja. Orðagjálfur þitt er út í hött, og þú ferð allt í einu að tala um "seinna málið" og "að þeir sem brotið hefur verið á fái uppreisn æru". Þessi athugasemd þín er úr öllu samhengi og svo notuð séu þín orð: Undarleg.

[Vilhjálmur Örn Vilhjálmsson, 23.3.2014 kl. 10:50]

Íslendingar eru til í að verja stríðsglæpamann þrátt fyrir sannanir gegn honum, en það þykir allt í lagi að ræna menn æru og kalla þá barnaníðinga þótt engin sönnun liggi fyrir. "Hugmyndafræði réttarríkisins" sem Hrafn Arnarsson skrifar um virkar greinilega ekki á Íslandi.

[Jón Valur Jensson, 23.3.2014 kl. 16:29]

Það er ljótt, dr., að sjá hvernig þú falsar hér forsíðu DV 21.-24. marz.

Bara það að búa til svona lagað er ljótt, þó að flestir fatti kannski, að þetta er bara út frá orðm þínum þana í lok pistilsins.

Og það er Drottins dagur!

[Jón Valur Jensson, 23.3.2014 kl. 16:30]

... orðum þínum þarna ...

[Vilhjálmur Örn Vilhjálmsson, 23.3.2014 kl. 17:22]

Drottins dagur var í gær hjá sumum, en hvað finnst þér um ummæli Inga Jóhannessonar í umræðunni um Skeggja Ásbjarnarson: Jahve ist mein Führer?

Ég veit að þetta "listaverk" mitt er ljótt, en innihald DV er oft ljótt og rotið og mér þótti enginn dagur verri en annar til að koma því til áliti mínu til skila. 

Jesús og börnin eru ein fallegast hugsjón nokkurrar trúar. Ég geri ekki lítið úr henni. Það vona ég að fólk sem les færslu mína sjái. Fjandsemi í garð barna er ekki boðskapur kristni eða gyðingdóms og ég held ekki nokkurra annarra trúarbragða. En þú veist hvernig atast hefur verið í kaþólsku kirkjunni á síðustu árum.

[Vilhjálmur Örn Vilhjálmsson, 23.3.2014 kl. 17:28]

Þú ferð vonandi ekki að kæra mig í til Moggabloggsmanna fyrir helgibrotsmynd mína, því hér á blogginu eru daglegar árásir á gyðingdóm sem engin kippir sér upp við:

T.d. http://svarthamar.blog.is/blog/svarthamar/entry/1366468/

[Vilhjálmur Örn Vilhjálmsson, 23.3.2014 kl. 19:17]

Hvað með bjór sem kallaður er Jesús?

[Óskar Helgi Helgason (IP-tala skráð) 23.3.2014 kl. 23:52]

Vilhjálmur Örn !

Bara - svona í eitt skipti fyrir ÖLL.

Gyðingdómur og Múhameðstrú - eru UPPSPRETTUR stærstu manngerðra vandamála veraldarinnar / að Kommúnisma og Nazisma meðtöldum.

Eingyðistignun - hinna fyrrnefndu hefir leitt af sér ekki minni hörmungar en gamla Sovétið (Leníns og Stalíns) sem og ''Þriðja ríkið'' (Hitlers).

''árásir'' sem þú kallar - er FYLLILEGA RÉTTMÆT gagnrýni á heimsku og fordild fylgjenda þessarra kreddna - ágæti fornleifafræðingur.

Hindúisminn - með sína ótölulegu Guði og Gyðjur er aftur á móti ekki / til neinna vandræða - svo dæmi sé tekið af skurðgoða- og myndadýrkun.

Reyndu svo - að fara að jarðtengjast maður.

Með fremur þurrum kveðjum / af Suðurlandi

e.s. Má víst gott kalla - fái þessi athugasemd mín að standa / hjá hinum kunna síðuhafa.

[Vilhjálmur Örn Vilhjálmsson, 24.3.2014 kl. 02:01]

Óskar Helgi Helgason, þú ert aumur gyðinga- og múslímahatari og ert hér með vinsamlegast beðinn um að halda þig frá bloggi mínu.

[Jón Steinar Ragnarsson, 24.3.2014 kl. 02:47]

Mér er spurn...af hverju beið þetta fólk í öll þessi ár með þessar annars þokukenndu ásakanir? Var lag að selja bækur? Var breiðavík svona mikill sukksess að fólk fann sig knúið til að fylgja því eftir?

Sorry, þetta getur hljómað tilfinningasnautt, en maður hlýtur að velta fyrir sér tilgangnum þegar meintur gerandi hefur legið í gröfinni í einhver ár. Er ekki eitthvað millistig á því að bera harm í hljóði eða vera á forsíðu mesta sorprits þjóðarinnar með þetta?

En....ég er bara dauðlegur maður og skil ekki allt.

[Vilhjálmur Örn Vilhjálmsson, 24.3.2014 kl. 03:16]

Jón Steinar, þessi spurning hefur einnig leitað á mig. Skömm er vitanlega stór þáttur, og hún var fyrr á tímum stundum innprentuð svo vandlega í ungmenni og börn að þau báru aldrei sitt barr eftir það. 

En ég á erfitt með að trúa því að kennari hafi getað, já segjum það eins og er, nauðgað nemendum með þukli í miðjum tíma, án þess að þeir segðu nokkuð eða samnemendur þeirra gerðu nokkuð.  Mér er það óskiljanlegt.

[Jón Steinar Ragnarsson, 24.3.2014 kl. 04:14]

Það hefði verið sannfeðrugra að hafa mynd af Múhameð þarna á forsíðunni, en þá hefðirðu líka verið sprengdur í loft upp á stundinni af einhverjum fulltrúa trúarbragða kærleikans. ;)

[Vilhjálmur Örn Vilhjálmsson, 24.3.2014 kl. 08:38]

... af honum Mumma með Æsu litlu. Ég held ég sleppi því. Mér annt um líf mitt og fjölskyldu minnar. En vissulega jaðrar þessi "expressjón" mín í það sem aðrir upplifa sem helgispjöll. T.d. Jón Valur. En stundum verður maður að gerast frakkur til að fá umræðu og umhugsun.

[Hrafn Arnarson (IP-tala skráð) 24.3.2014 kl. 09:32]

Ég vil nú svara orðagjálfri Vilhjálms. Það voru mörg börn sem sögðu frá athæfi Skeggja en þeim var einfaldlega ekki trúað. Börn voru slegin utanundan og þeim sagt að þegja. Skeggi naut virðingar fyrir störf sín. Hvaða gildi hafði hafði framburður fátæks barns á þessum tíma? Nánast ekkert gildi. Það er afar algengt að fólk geti ekki sagt frá ofbeldi sem, það er beitt. Skömmin er of mikil. Skömm og niðurlæging fjölskyldunnar yrði of mikil.(Nauðganir eru dæmi um þetta) Vilhjálmur ætti að geta skilið þetta. Það að fólk kemur núna fram og segir frá öllu er mikilvæg slálarhreinsum fyrir það. Viðbjóðurinn sem olli sálarangist er nú hreinsaður burt.

[Vilhjálmur Örn Vilhjálmsson, 24.3.2014 kl. 13:03]

Af hverju ferðu rangt með Hrafn? Þrír eru ekki margir. Miklu fleiri hafa lýst ágætum mannsins. Þessir 3 stigu fram á með minningar sínar á síðustu 4 vikum.

Eins og Hrafn getur lesið aðeins ofar, þá er ég sammála honum um bölvaða skömmina. En ég trú því ekki að barn sem var handnauðgað af kennara í kennslustund hafi ekki uppskorið samúð og reiði samnemenda sinna ... fyrr en 50 árum síðar.  Hefðir þú viljað lifa með slíka vitneskju um skólafélaga þína í 50 ár Hrafn Arnarson? Það efa ég.