Nasistar þramma enn og aftur í Litháen

 

19 febrúar sl. greindi ég frá hinni árvissu göngu nasista og öfgamanna í Kaunas í Litháen sem fer fram með fullu leyfi yfirvalda í Litháen og undir vernd þeirra. Ég kvartaði persónulega við sendiherra Litháens á Íslandi, sem sagði mér í svari sínu að gangan hafi fyrst og fremst verið mótmæli gegn ESB. ESB andstæðingar í Litháen, sem hata Rússa, Pólverja, gyðinga og samkynhneigða, báru hins vegar borða sem hylla ráðherra litháískrar leppstjórnar nasista, sem árið 1941 undirritaði lög sem gerðu útrýmingu gyðinga mögulegar í Litháen. Samkvæmt sendiherra Litháa á Íslandi eru þeir sem mæra þann glæpamann að mótmæla gegn ESB. Ekki kaupi ég þau vafasömu rök og mótmæli þessari opinberu skýringu umboðsmanns Litháa á Íslandi.

Sl. þriðjudag, 11. mars, fóru nasistarnir enn í gönguskóna og þrömmuðu nú um götur Vilnius til að minnast fullveldisdags landsins. Nasistarnir fengu að halda ræður sínar á besta stað í borginni. Borðinn sem hyllir morðingjann Juozas Ambrazevicius-Brazaitis var aftur með í för. Lesið frásögn Prófessors Dovid Katz af uppistandinu, sem hann birti á Defending History. Ég ætti víst frekar að skrifa fyrrverandi prófessor. Litháísk yfirvöld boluðu Dovid Katz úr embætti prófessors á Jiddishdeild háskólans í Vilnius fyrir fáeinum árum. Litháar þola ekki gangrýni Katz og annarra á þeirri sögufölsun sem fer vísvitandi fram í landinu á ógeðfelldan og subbulegan hátt.

Einn þeirra stjórnmálamanna sem tók þátt í göngu nasista var Gintaras Songailas. Þann rudda hef ég hitt persónulega. Samtök sem vilja efla minningu Aage Meyer Benedictsens kríuðu peninga út úr  einhverjum ESB-sjóði sem þessi Songailas, sem er mest þekktur fyrir hatur sitt í garð samkynhneigðra, sat í. Peningarnir voru notaðir til að halda ráðstefnu til minningar Aage Meyer Benedictsen sem hvatti til sjálfstæðis Litháen um aldamótin 1900. Meyer Benedictsen var af íslensk-dönskum-gyðingaættum. Eitthvað minnkaði víst áhugi þessa litla karls, Songailas, á norrænu samstarfi  þegar hann uppgötvaði að Aage Meyer var af gyðingaættum. Á ferð til þorps, sem Benedictsen dvaldi löngum í þegar hann var í Litháen, fór þessi Songailas og annar meðlimur í litháiskum þjóðernissinnaflokki að útlista skoðunum sínum á "the little dirty country in the middle east" við erlenda gesti ráðstefnunanr. Aðrir þátttakendur lentu í orðaskaki við manngarminn og flokksfylgju hans út af þessum öfgum hans í garð Ísraels, því meirihluti þorpsbúa höfðu fyrir helförina verið gyðingar. Flestir þeirr féllu fyrir hendi Litháa.

Við síðari ráðstefnur vina Aage Meyer Benedictsens hefur Songailas sem betur fer ekki sést, en félagsskapurinn sem vill heiðra minningu hans í Litháen hefur barist í bökkum. Yfirvöld og stjórnmálamenn í Litháen styðja frekar öfgar eins og þær sem við sjáum í þessum árlegu nasistagöngum, þar sem SS-liðar, meðreiðarsveinar og böðlar meðal Litháa í síðara stríði er minnst. Fyrir utan norskan sendiherra hafa Norðurlandaþjóðirnar ekki  hreyft mótmælum. Ekki einu sinni samkynhneigður prófessor frá Íslandi, sem kenndi í Vilnius í fyrra, lét í sér heyra. Um daginn var samkynhneigð kona stungin með hnífi í kviðinn í Vilnius, þar sem hún mótmælti.

SS-manna minnst í "menningarhöfuðborg" ESB

Næstkomandi sunnudag 16. mars þramma nasistar einnig  í Lettlandi með stuðningi ríkisstjórnar Lettlands til að minnast SS-manna Letta sem Lettnesk yfirvöld líta á sem þjóðhetjur. Sú ganga er einni árlegur viðburður. Riga er Menningarborg ESB árið 2014. Riguborg heldur m.a. upp á það með göngum sem heiðra SS og morðingja gyðinga og þúsunda annarra.  ESB, sem margir örvingla Íslendingar vilja tilheyra, segir ekkert. 

Grænklæddi maðurinn sem talar í míkrófóninn á myndinni er helfarar-afneitarinn Ricardas Cekutis sem til nokkurra ára var upplýsingafulltrúi á Þjóðarmorðastofnum (Genocide center) Litháens.  Það segir eitthvað um fullveldishátíð þegar einn af aðalræðumönnunum þar er gyðingahatari og helfararafneitari. En samkvæmt Litháískum yfirvöldum á Íslandi er hann að mótmæla ESB. Gintaras Songailas er í svörtum frakka.

Hér ræðir Dr. Efraim Zuroff við Vitas Tomkus ritstjóra dagblaðsins Respublika sem ítrekað birtir svæsið gyðingahatur. Zuroff, góðvinur minn í 20 ár,  er Íslendingum vel kunnur sem sumir vinstri menn á Íslandi útúðuðu, þegar hann vildi fá Íslensk yfirvöld til að rannsaka mál Eðvalds Hinriksson. Hér er góð grein eftir Zuroff.

Lesið um öfgar ESB á

www.defendinghistory.com

Athugasemdir

[Anna Sigríður Guðmundsdóttir, 14.3.2014 kl. 20:32]

Almættið algóða hjálpi öllum mannskepnum jarðarinnar, við að skilja raunverulega siðmenningu.

Gyðingar eiga svo sannarlega marga meðbræður/systur, í alls konar pólitískt kerfisstýrðum útrýmingarflokkum vestræna glæpabanka-heimsveldisins!

M.b.kv.

[Sigurður Þór Guðjónsson, 14.3.2014 kl. 21:27]

Þaðv voru líka ýmsir hægri menn sem úthúðu Zuroff með ritsjóra Moggans fremsta í flokki.

[Anna Sigríður Guðmundsdóttir, 14.3.2014 kl. 22:12]

hægri-vinstri-villutrúar-snú-snú-pólitík!

Ef einhver skilur pólitík, og getur útskýrt þá spilltu og helsjúku tík, á mannúðlegu mannamáli, þá er sá hinn sami virkilega virðingarverður og alvitur kennari í mannheimum.

M.b.kv.

[Vilhjálmur Örn Vilhjálmsson, 14.3.2014 kl. 23:00]

Sigurður Þór, Dabbi skrifaði víst ekki mikið eftir að honum bárust upplýsingar um fyrirætlun SWC í Jerúsalemför sinni, sem vinstri menn gerðu sig hvað breiðasta út af og kenndu Davíð nærri því um að vera með í áform um. En hann vann ötullega með nýjum vinum í Tallinn til að koma í veg fyrir að mál Miksons yrði rannsakað. Um það var samhljóða vilji í öllum, íslenskum flokkum!! Líf einhverra gyðinga í Eistlandi var ekki eins mikils virði en íslenskra fótboltahetja eða þess sem nuddað hafði Bjarna heitinn Ben. 

[Jón Valur Jensson, 15.3.2014 kl. 02:44]

Þakka þér fyrir að halda uppi merki mannúðar og sannleika, Vilhjálmur.

En athugaðu hitt, að Sigurður er þarna ekki að tala um Davíð Oddsson, heldur miklu eldri skrif.

[Sigurður Þór Guðjónsson, 15.3.2014 kl. 13:00]

Rétt Jón Valur. Davíð var forsætisráðherra en Styrmir og Matthúas voru enn ritstjórar Moggans. Mér er enn minnisstætt hvað þeir svöröðu Zuroff af miklu yfirlæti verð ég að segja í Miksonmálinu.

[Jón Valur Jensson, 15.3.2014 kl. 17:23]

Já, þeir ollu mér miklum vonbrigðum í það sinnið.

Sjálfur skrifaði ég bréf um Miksonmálið til DV, fekk það loksins birt með eftirgangsmunum, þótt niðurskorið væri. Þarf að finna það aftur, þá get ég sett það hér inn. Á hvaða ári/árum var sú umræða mest hérlendis?

[Vilhjálmur Örn Vilhjálmsson, 16.3.2014 kl. 04:16]

Ágætu vinir, Jón Valur og Sigurður Þór. Við erum að tala um árin 1992-93.

Það er nú eins og mig minni helst að Mbl. hafi sem minnst skrifað um málin, líkt og flestir fjölmiðlar. Það voru samantekin ráð. Ellert Schram ritstjóri bannaði mönnum að skrifa um það. Dagfari kallaði þetta mannaveiðar. Þór Jónsson blaðamaður sem síðar var hjá Stöð 2 var hindraður í að skrifa um málið frá Svíþjóð og birta fréttir af málinu af ritstjórum sínum. Ég hafði töluvert samband við Þór þegar málið var í gangi. Karl Th. Birgisson gat einn skrifað um málið á Pressunni án meiri háttar ritskoðunar.

Orðaskak stjórnmálamanna eins og Ólafs Ragnars, Ingibjargar Sólrúnar og Jón Baldvins eru einnig minnisstæð, en þau nýttu málið í baráttu sinni við Davíð Oddsson, sem tók upphaflega við beiðni SWC í Jerúsalem. Menn töldu til að byrja með, vegna fordóma og lélegrar blaðamennsku og ef til vill afleits íslensks embættismanns í för með Davíð, að beiðnin um rannsókn á máli Miksons (Eðvalds Hinrikssonar) væri runnin undan rifjum Ísraelsstjórnar.

Ég er búinn að leita nokkuð að grein þinni. Hana finn ég að minnsta kosti ekki í úrklippusafni mínu um málið. Tímarit.is gaf heldur ekkert. Ef þú finnur greinina Jón, settu endilega hlekkinn inn hér eða sendu mér hann á emli.

[Vilhjálmur Örn Vilhjálmsson, 16.3.2014 kl. 04:28]

Jón Baldvin Hannibalsson fékk bréf frá eistneskum gyðingi, Kaplan, árið 1991 um Mikson. Jón, sem þá var utanríkisráðherra gerði ekki neitt. Segjum ekki að málið hafi ekki verið reynt áður en Efraim Zuroff tók á því. Árið 1963 hafði kona samband við Halldór Laxness um málið en Laxness vildi ekki kona nálægt málinu. Þetta er hægt að lesa í Á Gljúfrasteini.

Þetta er Efni í skáldsögu og sagnfræðirit. Ég bíð enn eftir því að Þór Jónsson skrifi um málið, því hann hefur ef til vill meiri þekkingu á því en flestir aðrir - og hefur þurft að þola ýmislegt vegna góðrar frammistöðu sinnar í því . Þáttur íslenskra stjórnmálamanna og nokkurra lögfræðinga í þessu máli er samt ljótasti bletturinn.

[Vilhjálmur Örn Vilhjálmsson, 16.3.2014 kl. 04:39]

Yakov Kaplan (f. 1927) sem Jón Baldvin vildi ekki svara. Kaplan var fangi í Gúlagi fram til 1958 og komst ekki til Ísrael fyrr en 1969.

[Sigurður Þór Guðjónsson, 16.3.2014 kl. 12:58]

Ég fann ýmislegt í Mogganum í febrúar 1993 og aftur 1999, þá m.a. grein eða bréf frá Zuoff. Auðvelt að finna með því að fletta á timarit is. upp á Epwald Mikson árin 1990-2000.