Gyðingaofsóknir Fréttablaðsins

Í Fréttablaðinu í gær var greint frá því að 98 ára ungverji, Lazslo Csatary, hafi verið "sakaður um gyðingaofsóknir".  Það er víst aðeins meira en gyðingaofsóknir sem þessi óþverri er ákærður fyrir í tveimur löndum (sjá hér). 

Í 15 ár hefur verið hægt að dæma þennan mann. En eins og margir vita er Ungverjaland orðin gróðrarstía fyrir öfgafullt gyðingahatur. Þetta er hatur sem höfðar mjög til fólks sem ólst upp við "kommúnisma", enda var gyðingahatur hluti af hugmyndafræði austantjaldslandanna. Nasismi og kommúnismi ásamt mörgum öðrum öfgastefnum eiga það sameiginlegt að geta ekki lifað nema að kenna einhverjum um allt sem miður fer í samfélaginu.  

Í ESB er gyðingahatur í sókn, enda ekki nóg gert til að gera nýjum ríkjum og t.d. þeim "sérleyfishöfum réttlætis og sannleika" á Íslandi sem sækja í þetta ógeðfellda Efnahagssamband, að gyðingahatur sé glæpur en ekki nútímastjórnmál.

Morð og ofsóknir orsakast af sama hatrinu

Csatary er morðingi, en Fréttablaðið er hins vegar reglulega með gyðingaofsóknir og stendur fyrir bullandi pógrómi suður á Bessastöðum. Hvenær hefur blaðið ráðist með því offorsi á Íslendinga í sömu stöðu og Dorrit Moussaieff?

Fréttablaðið má þó eiga, að það hefur sýnt okkur hve íslensk lög eru aftarlega á merinni og mótsagnakennd, er blaðamenn þess vilja skilja forsetann og eiginkonu hans að og jafnvel þjóðnýta ættarfyrirtæki hennar í útlöndum vegna meintra skattsvika síðan hún flutti heimilisfang sitt. Hafa þau orð Sigurðar Líndals fyrir því að slíkt sé löglegt. Mikið er ef þess verður ekki krafist af Ólafi Þ. Stephensen að Dorrit breyti nafni sínu samkvæmt íslenskum lögum í Guðmunda Salómonsdóttir

Gyðingahatur, er það sem á endanum hrindir af stað gyðingaofsóknum og gyðingamorðum, einnig þegar það er notað til að koma sér niður á íslenskum forseta sem stendur upp í nefinu á spilltum valdaklíkum á Íslandi.

Athugasemdir

[Jón Steinar Ragnarsson, 20.6.2013 kl. 10:17]

Hversvegna er Jafítum og Hamítum svona uppsigað við Semíta? Var eitthvað að þarna heima hja honum Nóa?

[Vilhjálmur Örn Vilhjálmsson, 20.6.2013 kl. 10:31]

Disfunctional Home, the same old story!

En áður en við höldum áfram, veist þú hvar Jafíta eða Hamíta er að finna, Jón Steinar? Kannski á Eyjunni og Fréttablaðinu?

[Jón Steinar Ragnarsson, 20.6.2013 kl. 10:39]

Ég ku vera Jafíti en Hamítarnir eru víst mest sunnan við miðjarðarhafið. Forfaðir þeirra hann Ham eða Kam eins og hann heitir hér varð það á að flissa yfir berrössuðum og öldauðum föður sínum og vað að svörtum þræl fyrir áhrýni Nóa gamla sem ekki kunni að skammast sín.

Já eitthvað var Disfunctional þarna á heimilinu, ekki síst þegar að bólförum snýr. Én við verðum víst að sætta okkur við að vera undan þessu fólki. Öðru er víst ekki til að dreifa.

[Vilhjálmur Örn Vilhjálmsson, 20.6.2013 kl. 12:06]

Jáhm  ekki geta neita nokkru af þessu

[Þorgeir Þorsteinsson (IP-tala skráð) 20.6.2013 kl. 13:17]

Wiesental er hetja í mínum huga. Hans skrif eru hvergi dónaleg. Ég virði Evrópubandalagið og vil tengjast því en líka að réttað sé yfir morðingjum. ÞÞ

[FORNLEIFUR, 20.6.2013 kl. 14:06]

Allar tegundir eru til Þorgeir. Hann er nú reynd dáinn hann Símon Wiesenthal og oft þótti sumum hann dónalegur. Ég virði rétt manna að vilja tengjast ESB, en ég á erfitt út frá mínu sjónarhorni að skilja það. Eitt helsta landið í ESB hefur þrátt fyrir að að hafa gert mjög vel upp með fortíð sína, átt erfitt með að koma glæpamönnunum fyrir dómstóla.

[Rafn Haraldur Sigurðsson (IP-tala skráð) 21.6.2013 kl. 00:32]

Kanski væri rétt að Kristinn Hrafnsson sækti um pólitískt hæli fyrir fjöldamorðingjann.

[H.T. Bjarnason (IP-tala skráð) 22.6.2013 kl. 11:43]

Hvers vegna í ósköpum er verið að draga Kristinn Hrafnsson inn í þessa umræðu? Hvar og hvenær hefur Kristinn lýst því yfir að hann sé reiðubúinn að koma að þessu máli? Svarið er ... aldrei. 

[Vilhjálmur Örn Vilhjálmsson, 24.6.2013 kl. 11:33]

H.T. Bjarnason, stendur eitthvað um Kristinn í rausinu hjá mér?.

Rafn, er auðvitað að grínast. Til Íslands vilja sumir teyma hvaða pésa sem er, og helst þá sem brotið hafa lög á einn eða annan hátt. Á Íslandi var reyndar til fólk sem vildi halda verndarhendi yfir morðingja gyðinga (Mikson). Er þá nema von að Rafn setji fram þessa spurningu í ljósi mála Assange og Snowdens?

En Íslendingar eru hins vegar ekki eins gestrisnir við alvöru flóttamenn, þá sem ekkert hafa brotið af sér og aðeins framið þann glæp að vera til eða vera fátækir og kannski með annan húðlit og trú en ríkjandi furstar í því landi sem þeir flýðu frá.