Hvítur reykur yfir Rómarborg

 

eða eins og Danir segja: "Habemus kolonihavehus"

Maður gleðst vissulega yfir því að kaþólskir séu nú búnir að fá sér nýjan Páfa, Fransiscus / Jorge Mario Bergoglio,  sem virðist í fljótu bragði ekki hafa hylmt yfir glæpi bræðra sinna og systra í kirkjunni. Hann á meira að segja góða vini á meðal gyðinga í Argentínu. Svo eldar hann ofan í sig sjálfan og labbar í vinnuna. Líklegt þykir mér að Vatíkanið banni honum alla góða siði sína. Þetta virðist þó vera hinn sterkasti karl, sem lifað hefur með eitt lunga síðan hitt var tekið þegar hann var unglingur.

Þetta getur sem sagt ekki orðið betra, nema vera skyldi að næsti páfi yrði kona.

Við sem aðra Guði höfum óskum Jóni Val og hinum milljörðunum til hamingju. Myndin efst sýnir fyrirboðann. Frans missti kardínálakollhúfuna í vindgusti á Péturstorginu. Nú er hann komin með hvíta húfu og vonandi er hún hrein.

Athugasemdir

[Jón Steinar Ragnarsson, 14.3.2013 kl. 12:24]

Sara Silverman er alveg með þetta: http://m.youtube.com/watch?v=3bObItmxAGc

[K.H.S., 14.3.2013 kl. 12:45]

Hann gæti tappað úr plussinu og ofurskrautinu, kringum sig  í einu herbergi , álíka og við Íslendingar náum að safna til góðra mála á einni öld. Guð á viti gott kjör???

[FORNLEIFUR, 17.3.2013 kl. 21:26]

Kardínálar drepa Frans páfa ef hann gerir nokkuð slíkt, enda hafa þeir forsölurétt á öllu.

En ef þessi kirkja ætlaði sér að borga fyrir allar syndir sínar, eins og hún ætlar sér í barnaníðsvandamálum sínum, er ég hræddur um að hún verði að slá lán hjá Angelu í Über-Deutschland. Kaþólsku kirkjunni tekst ekki lengur að telja fylgisfiskum sínum öllum trú um að þeir séu syndugir og þurfi að greiða fyrir sukkið og svallið bak við altarið.