Ræfilsráðherrann og aumingjasamkundan

Auðvitað er Mary Luz Suarez Ortiz  ekki heimsmeistari eins og Bobby Fischer, gyðingahatarinn og iðjuleysinginn sem fékk íslenskan ríkisborgararétt fyrir utan öll lög og skynsemi.

Mary Luz er að mínu mati heimsmeistari. Hún hefur sýnt heimsmeistaralega tilburði til að bjarga sér og fjölskyldu sinni, þrátt fyrir vinnuleysi. Hún hefur komið á fót dagpössun og verið í starfsnámi á veitingahúsi. Hún hefur sýnt að hún er virkur þjóðfélagsþegn sem er öll að vilja gerð til að verða hluti af þeirri þjóð sem þarf að hafa ræfilinn Ögmund og aumingjasamkunduna Alþingi yfir sér.

Nú er okkur sagt að Mary Luz Suarez Ortiz uppfylli ekki lög, og í ljós er komið að Pósturinn getur ekki komið bréfum yfirvalda á leiðarenda - að sögn Ögmundar. Það bréf skulu yfirvöld sýna fram á að hafi verið sent.

Meðan Mary Luz er talin ólögleg á Íslandi eftir fimm ára búsetu, fékk Bobby vitleysingur óhindrað að brjóta hegningarlög á Íslandi og var gerður að Heiðursíslendingi áður en hann kom til landsins.

Ögmundur Jónasson, þú ert víst örugglega ömurlegasti "sósíalistinn" sem lifað hefur og Alþingi sýnir aftur og sannar, að það er alla jafnan hin mesta aumingjasamkoma.

Athugasemdir

[Ragnhildur Kolka, 11.3.2013 kl. 09:55]

Þetta er sannarlega hið undarlegasta mál. Hvorki ráðuneytið eða allsherjarnefnd treystu sér til að veita konunni ríkisborgararétt. Hljómar eins og konan hafi verið með þjalfunarbuðir fyrir Fark-skæruliða eða eitthvað alika i kjallaranum.

Það verður að upplýsa þetta mál.

[Jósef Smári Ásmundsson, 11.3.2013 kl. 13:43]

Bobby Fiscer var ekki heill heilsu Vilhjálmur.Það er ekki hægt að segja svona lagað um sjúka menn sem fá oft ranghugmyndir og öfgafullat skoðanir vegna andlegra veikinda.En það breytir því ekki að þessi kona hefði átt að fá ríkisborgararétt.

[Vilhjálmur Örn Vilhjálmsson, 11.3.2013 kl. 15:59]

Hér má lesa skilyrði fyrir veitingu ríkisborgararétt.

http://www.innanrikisraduneyti.is/raduneyti/starfssvid/rikisborgaramal/almennt/skilyrdi-fyrir-veitingu/

Ragnhildur, gaman verður að sjá hvað geigaði hjá Mary Luz. Var það málakunnáttan sem hún átti að byggja upp meðan hún gat ekki fengið starf?

Jósef Smári, ég hef aldrei séð vottorð upp á að Fischer hafi verið andlega sjúkur, en það er ekki ástæða til þess að fella umsókn manna um ríkisborgarrétt á Íslandi. Þegar hann fékk bláa vegabréfið kunni hann ekki önnur orð á íslensku en skyr og Sæmi. Mér þykir líklegast að núverandi ríkisstjórn, sem var rétt í þessu að halda velli, leggi mikla áherslu á að menn fái sér vinnu og séu ekki á framfærslustyrk þau ár sem þeir eru að vinna sér rétt til þess að kalla sig  Íslendinga. Þar með brjóta Íslendingar alþjóðalög. Viðhorf til atvinnuleysingja með ríkisfang á Íslandi er mjög skiljanlegt í ljósi þess.

Á Íslandi er ekki hlaupið að því að fá sér vinnu!

[Jósef Smári Ásmundsson, 12.3.2013 kl. 05:57]

Ég hef heldur ekki séð vottorðið Vilhjálmur,en það voru allir vitibornir menn sem gerðu sér grein fyrir veikindum hans.Varðandi málakunnáttuna hafði ég spurnir af því að hann var fljótur að læra íslenskuna.En þrátt fyrir það hefði hann náttúrulega ekki átt að fá ríkisborgararétt framyfir aðra.Mér skilst að málið með Mary Luz hafi verið það að bréf bárust ekki til hennar frá yfirvöldum eða hún svaraði ekki .Eitthvað álíka fáránlegt.

[FORNLEIFUR, 13.3.2013 kl. 13:07]

Og nú hefur Allsherjarnefnd tekið sinnaskiptum og Maru Luz fær íslenskan ríkisborgararétt.