Aðför Seðlabankans og ríkisstjórnarinnar að krónunni

 

Íslenska krónan fékk að sögn tímabundna flensu og það rétt fyrir áramótin. Þetta leiddi til þess að Seðlabankinn keypti milljarð króna fyrir evrur.

Svo mikið "veiktist" krónan, að nú er aðeins eitt enn í ákveðna greininum í orðinu króna í eignarfalli - líkt og fram kom í fréttum Stöðvar 2 í gærkveldi, og verður líklega ekki hægt að bjarga þessu enni fyrir minna en nokkra milljarða (evra).

Skuldastaða ríkisins hefur örugglega ekkert að gera með þennan n-skurð, þótt hún sé nærri því eins ömurleg og á Grikklandi, Írlandi og í Portúgal.

Lygar ríkisstjórnarinnar um árangur í ríkisfjármálum er auðvitað aðalástæðan fyrir því að krónan "veiktist" rétt fyrir áramótin og fyrr. Már seðlabankastóri æsir til enn meiri lækkunar með óhugsuðum aðgerðum sem minna á óðan brennuvarg um áramót. Líkt og Íslendingar brenndu peninga um áramótin, fór aðalfjárhirðir þjóðarinnar að skjóta yfirlýsingum á loft um lélegt ástand krónunnar. Slíkar aðgerðir henta vitanlega vel í byrjun þessa ömurlega árs sem svikul ríkisstjórnin ætlar sér að svíkja Íslendinga inn í ESB. Þá er vitanlega við hæfi að hafa krónuna veikari en nokkru sinni fyrr.

Í Seðlabankanum vinnur þjóðhættulegur maður sem hagar sér eins og að evran sé þegar orðin gjaldmiðill landsins!

Athugasemdir

[Ragnhildur Kolka, 3.1.2013 kl. 15:25]

Það er stuttur tími eftir fyrir ríkisstjórnina og hann ætlar hún að nýta vel til illra verka.

[Kristinn Pétursson, 4.1.2013 kl. 02:06]

Getur einhver upplýst hreyfingalista "gjaldeyrisvarasjóðsins" sem tekinn var að láni og átti ekkert að nota hjá Má. Hver er nettó staða þess máls um s.l. áramót?