Hverfa fréttir á RÚV ?

Þessi frétt http://fornleifur.blog.is/users/5c/fornleifur/files/horfin_frett_16748.pdf,  um myndir sem í dag birtust á Fornleifi, hvarf skyndilega á vefsíðu RÚV fyrir stundu. Fyrr í dag var hana að finna á slóðinni http://www.ruv.is/frett/thegar-gunnar-hitti-hitler , en sama hvað ég leita, þá finn ég hana ekki nú á vefsíðu RÚV.

Á vefsíðu RÚV er nú upplýst að síðan sem ég er að leita að sé þar ekki. En víð ítarleit finn ég þetta: http://www.ruv.is/frett/morgunutvarpid/gunnar-gunnarsson-var-ekki-nasisti. Er síðastnefnda fréttin hinn heilagi sannleikur?

Ég vona að þetta sé bara eitthvað tæknilegt, "afsakið stutt hlé" eða eitthvað þvíumlíkt hjá RÚV. Ég hef nú spurt vefmeistara RUV.is og fréttastofuna hvar þeir hafa falið fréttina.

Ef svör berast ekki, verð ég kannski að fara til yfirmanns þeirra í ráðuneytinu?

Athugasemdir

[Vilhjálmur Örn Vilhjálmsson, 16.9.2012 kl. 19:55]

Þegar Gunnar hitti Hitler | RÚV fyrir 2 klst. ... Vilhjálmur Örn Vilhjálmsson, Albertslund í Danmörku. Þar kemur meðal annars fram að sá til vinstri sé Hinrich Lohse. Vilhjálmur segir jafnframt ... www.ruv.is www.ruv.is/frett/thegar-gunnar-hitti-hitler

---------

Þetta kemur fram þegar maður geri ítarlít, en þegar klikkað er á fréttina kemur ekkert. En sjáið þið af hverjum myndin er? Er þetta Einar Már Guðmundsson? Ekki er hann nasisti?

[Vilhjálmur Örn Vilhjálmsson, 16.9.2012 kl. 20:33]

Það er enginn vafi, myndin sem kemur upp við leit af greininni sem hvarf er af Einari Má. Myndin var þó alls ekki í greininni sem hvarf.

Kannski er hann Einar orðinn Webmaster á ruv.is? Líklegra þykir mér þó að á RúV hafi ráðist einhver ritskoðunarvírus.

[Ólafur Björn Ólafsson, 16.9.2012 kl. 22:44]

Sæll

Sjálfur varð ég undrandi á að sjá þetta hjá þér.

Ég smellti á alla tengla þar til ég sá fréttina en engin var myndin af Gunnari. Sjálfur fór ég að grafast fyrir um það sem ég hafði lesið um Gunnar í bókinni "Íslenskir Nasistar" frá 1988 ritað af þeim Hrafni Jökulssyni og Illuga Jökulssyni.

Þar kemur skýringartexti með mynd á síðu 297 um að Gunnar Gunnarsson rithöfundur hafi verið einn þeirra Íslendinga sem lýstu sérstakri ánægju með sameiningu Þýskalands og Austurríkis.

Á blaðsíðu 160 í sömu bók kemur fram að Gunnar Gunnarsson hafi verið í náðinni hjá íslenskum þjóðernissinnum.  Hvergi í fljótu bragði sé ég að Gunnar hafi verið í félagi þjóðernissinna "Nasistaflokknum íslenska". en það kemur fram á bls. 297 að "Gunnar var að sönnu ekki nasisti". 

Eins fann ég á bls. 296 í sömu bók, um þessa heimsókn hans sem fjallað var um í fréttinni á RÚV að hann hafi verið eini Íslendingurinn sem hafi verið svo frægur að hitta Hitler. Sjálfur mun Hitler hafa talað allann þann tíma er heimsóknin stóð.

Með kveðju

kaldi

[Vilhjálmur Örn Vilhjálmsson, 17.9.2012 kl. 04:55]

Ég hef sent fréttastjóra RÚV, menntamálaráðherra og útvarpsstjóra línur út af hvarfi fréttarinnar um myndirnar af Gunnari Gunnarssyni skáldi:

Ágæti Páll Magnússon,

ég sendi hér áfram erindi mitt til fréttastofu RÚV og menntamálaráðherra (sjá neðar), vegna hvarfs á frétt sem var á vef RÚV í gær.

Í ósk um að hvarfið skýrist hið fyrsta. Mig langar að vita hver skrifaði fréttina, hver fjarlægði hana og hvaða ástæðu viðkomandi sá til þess.

Nú er það svo, að ég tók vefmyndir af fréttinni og greinilegt er á vef RÚV að fréttin hafi verið til, en einhver sá ástæðu til að fjarlægja þessa frétt og það
hlýtur að vera ástæða fyrir því.  Sums staðar í heiminum gerist það sem liður í ritskoðun. Hver er ástæðan á RÚV?

virðingarfyllst,

Vilhjálmur Örn Vilhjálmsson

-------- Original Meddelelse --------

Subject:	http://www.postdoc.blog.is/blog/postdoc/entry/1257921/
Date:	Sun, 16 Sep 2012 22:04:21 +0200
From:	Vilhjálmur Örn Vilhjálmsson <[e-mail]>
To:	[e-mail], [e-mail]

Ágæti fréttastjóri RÚV og menntamálaráðherra, Vegna hvarfs fréttar af vef RÚV hef ég skrifað eftirfarandi pistil á bloggi mínu: http://www.postdoc.blog.is/blog/postdoc/entry/1257921/ Í von um tæmandi skýringar á fréttahvarfinu. Virðingarfyllst, Vilhjálmur Örn Vilhjálmsson Albertslund Danmörku

[Vilhjálmur Örn Vilhjálmsson, 17.9.2012 kl. 05:21]

Ólafur Björn, ekki veit ég hvernig Jökulssynir komust að niðurstöðu sinni í Íslenskum Nasistum. Bók þeirra er ágætt rit með haf af upplýsingum, en það er ekki skrifað eftir ströngustu reglum sagnfræðinnar.

Hver talaði mest, Hitler eða Gunnar, hafa Jökulssynir engar heimildir um.

Sannast sagna hefði líklega verið hægt að komast úr skugga um hvað þeim fór á milli, stórskáldinu frá Íslandi og "húsamálaranum" misheppnaða frá Austurríki. T.d. var Hinrich Lohse ekki tekinn af lífi fyrir glæpi sína gegn mannkyninu, en hann sat fundinn með Gunnari og Hitler.

[Ólafur Björn Ólafsson, 17.9.2012 kl. 10:20]

Þakka upplýsingarnar Vilhjálmur.

Það mun svo rétt vera að Hinrich Lohse var ekki tekinn af lífi í lok stríðsins fyrir glæpi gegn mankyninu en hann mun hafa andast árið 1664. Hann var hinsvegar dæmdur til 10 ára fangelsisvistar en látinn laus fyrir tímann vegna "veikinda".

Hvað svo sem líður sagnfræði þá hefur oft á tíðum vantað frekari upplýsingar um margt er lítur að heimildum. Það er mein sem stundum er erfitt að komast fyrir en með hjálp góðra manna er hægt að komast nær sannleikanum og réttum heimildum.

Kveðja

Kaldi